ജേര്ണലിസം യോഗ്യതയുണ്ടോ? കോഴിക്കോട് എന്ഐടിയില് ഒഴിവ്, അരലക്ഷത്തിന് മുകളില് ശമ്പളം
നാഷണല് ഇന്സ്റ്റിറ്റ്യൂട്ട് ഓഫ് ടെക്നോളജി കാലിക്കറ്റ് (എന്ഐടി) മീഡിയ റിലേഷന്സ് എക്സിക്യൂട്ടീവ് തസ്തികയിലേക്ക് കരാര് അടിസ്ഥാനത്തില് നിയമനം നടത്തുന്നതിനുള്ള വിജ്ഞാപനം പുറത്തിറക്കി. ഒരൊറ്റ ഒഴിവ് മാത്രമാണുള്ളത്. അപേക്ഷിക്കാനുള്ള ഉയര്ന്ന പ്രായപരിധി 40 വയസ്സാണ്. സര്ക്കാര് മാനദണ്ഡങ്ങള് അനുസരിച്ച് എസ് സി, എസ് ടി, ഒ ബി സി, ഇ ഡബ്ല്യു എസ്, ഇ എസ് എം എന്നീ വിഭാഗക്കാര്ക്ക് പ്രായപരിധിയില് ഇളവുകള് ലഭിക്കുന്നതാണ്.
അപേക്ഷകര്ക്ക് കമ്യൂണിക്കേറ്റീവ് ഇംഗ്ലീഷ്, ഇംഗ്ലീഷ് ലിറ്ററേച്ചര്, കോപ്പി എഡിറ്റിംഗോടുകൂടിയ ഇംഗ്ലീഷ് എന്നിവയിലേതെങ്കിലും വിഷയത്തില് ഒന്നാം ക്ലാസ് ബിരുദം ഉണ്ടായിരിക്കണം. ജേണലിസത്തിലെ ഡിപ്ലോമ അല്ലെങ്കില് പ്രസ് അക്കാദമി നല്കുന്ന സര്ട്ടിഫിക്കറ്റ് കോഴ്സ് അഭിലഷണീയമായ യോഗ്യതയായി കണക്കാക്കും. കൂടാതെ, സോഷ്യല് മീഡിയയും ഇംഗ്ലീഷിലും മലയാളത്തിലുമുള്ള ഉള്ളടക്കം കൈകാര്യം ചെയ്യുന്നതില്, പ്രശസ്ത സ്ഥാപനങ്ങളില് കുറഞ്ഞത് രണ്ട് വര്ഷത്തെ പ്രവൃത്തിപരിചയം നിര്ബന്ധമാണ്.
തിരഞ്ഞെടുക്കപ്പെടുന്നവര്ക്ക് മാസം 50,000 രൂപ മുതല് 60,000 രൂപ വരെ ശമ്പളവും മറ്റ് കരാര് ആനുകൂല്യങ്ങളും ലഭിക്കും. മാധ്യമ, കമ്യൂണിക്കേഷന്സ്, ജേണലിസം പശ്ചാത്തലമുള്ളവര്ക്ക് ഒരു പ്രമുഖ സാങ്കേതിക സ്ഥാപനത്തില് ജോലി നേടാന് ഇത് മികച്ച അവസരമാണ്. പൊതുവിഭാഗം, ഒബിസി അപേക്ഷകര്ക്ക് 1000 രൂപയാണ് അപേക്ഷാ ഫീസ്. എസ് സി, എസ് ടി വിഭാഗക്കാര്ക്കും വനിതാ അപേക്ഷകര്ക്കും 500 രൂപ മാത്രം അടച്ചാല് മതിയാകും.
ഏപ്രില് 6 മുതല് ഓണ്ലൈന് അപേക്ഷകള് സ്വീകരിച്ച് തുടങ്ങി. അപേക്ഷ സമര്പ്പിക്കാനുള്ള അവസാന തീയതി ഏപ്രില് 20 ആണ്. യോഗ്യതയുടെ അടിസ്ഥാനത്തില് ഷോര്ട്ട്ലിസ്റ്റ് ചെയ്യപ്പെട്ട ഉദ്യോഗാര്ത്ഥികളെ അഭിമുഖം, സ്കില് ടെസ്റ്റ്, ട്രേഡ് ടെസ്റ്റ് എന്നിവയിലൂടെയാണ് തിരഞ്ഞെടുക്കുക. താല്പര്യമുള്ള ഉദ്യോഗാര്ത്ഥികള് ഏപ്രില് 20-നോ അതിനുമുമ്പോ ഓണ്ലൈനായി അപേക്ഷ സമര്പ്പിക്കണം.
എന് ഐ ടി കാലിക്കറ്റിന്റെ ഔദ്യോഗിക വെബ്സൈറ്റ് സന്ദര്ശിച്ചോ വിജ്ഞാപനത്തില് നല്കിയിട്ടുള്ള നേരിട്ടുള്ള ലിങ്ക് വഴിയോ അപേക്ഷിക്കാവുന്നതാണ്. അപേക്ഷാ ഫോം ശ്രദ്ധാപൂര്വ്വം പൂരിപ്പിച്ച് ആവശ്യമായ രേഖകളും (ഫോട്ടോ, ഒപ്പ്, സര്ട്ടിഫിക്കറ്റുകള്) നിര്ദ്ദിഷ്ട ഫോര്മാറ്റില് അപ്ലോഡ് ചെയ്യണം. ബാധകമായ ഫീസ് ഓണ്ലൈനായി അടച്ചശേഷം, വിവരങ്ങള് പരിശോധിച്ച് സമര്പ്പിക്കുക.
ഭാവിയിലെ ഉപയോഗത്തിനായി സമര്പ്പിച്ച അപേക്ഷയുടെ ഒരു പകര്പ്പ് സൂക്ഷിക്കുന്നത് നല്ലതാണ്. ഒഴിവുവിവരങ്ങള്, യോഗ്യതാ മാനദണ്ഡങ്ങള്, പ്രായപരിധി, അപേക്ഷാ നിര്ദ്ദേശങ്ങള് എന്നിവയുള്പ്പെടെയുള്ള പൂര്ണ്ണ വിവരങ്ങള്ക്കായി ഉദ്യോഗാര്ത്ഥികള് ഔദ്യോഗിക വെബ്സൈറ്റില് നിന്ന് https://nitc.ac.in/ വിജ്ഞാപനം ഡൗണ്ലോഡ് ചെയ്ത് ശ്രദ്ധാപൂര്വ്വം വായിക്കാന് നിര്ദ്ദേശിക്കുന്നു.
Click it and Unblock the Notifications
Sign in with Google