കുടുംബശ്രീയിൽ ജോലി; 50,000 രൂപ ശമ്പളം..ഇപ്പോൾ തന്നെ അപേക്ഷിക്കാം
കുടുംബശ്രീ ബ്രോയ്ലർ ഫാർമേഴ്സ് പ്രൊഡ്യൂസർ കമ്പനി ലിമിറ്റഡ് (കെ.ബി.എഫ്.പി.സി.എൽ), തിരുവനന്തപുരത്തുള്ള ത പൗൾട്രി പ്രോസസിംഗ് പ്ലാന്റിലേക്ക് കരാർ അടിസ്ഥാനത്തിൽ പ്ലാന്റ് മാനേജർ തസ്തികയിലേക്ക് അപേക്ഷ ക്ഷണിച്ചു. യോഗ്യരായ ഉദ്യോഗാർത്ഥികൾ ബയോഡാറ്റയോടൊപ്പം, പൂരിപ്പിച്ച അപേക്ഷാ ഫോമും അനുബന്ധ സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകർപ്പുകളും സഹിതം അപേക്ഷിക്കണം. വിജ്ഞാപനവും അപേക്ഷാ ഫോമും www.keralachicken.org.in എന്ന വെബ്സൈറ്റിൽ ലഭിക്കും.
ഒരു ഒഴിവ് മാത്രമാണുള്ളത്. തിരഞ്ഞെടുക്കപ്പെടുന്ന വ്യക്തിക്ക് പ്രതിമാസം 50,000 ഏകീകൃത ശമ്പളം ലഭിക്കും. 2026 മെയ് 1-ന് 35 വയസ്സിൽ കൂടാത്തവർക്കാണ് അപേക്ഷിക്കാൻ അർഹത. യോഗ്യതയായി, ലൈവ്സ്റ്റോക്ക് പ്രൊഡക്റ്റ്സ് ടെക്നോളജിയിൽ MVSc ബിരുദവും, വ്യാവസായിക പൗൾട്രി പ്രോസസിംഗ് അല്ലെങ്കിൽ അറവുശാലാ മാനേജ്മെന്റിൽ കുറഞ്ഞത് ഒരു വർഷത്തെ പ്രവൃത്തിപരിചയവും (അഭികാമ്യം) ആവശ്യമാണ്. അല്ലെങ്കിൽ, BVSc ബിരുദവും ഇതേ മേഖലയിൽ കുറഞ്ഞത് രണ്ട് വർഷത്തെ പ്രവൃത്തിപരിചയവും ഉള്ളവർക്കും അപേക്ഷിക്കാം.
'പ്ലാന്റ് മാനേജർ തസ്തികയിലേക്കുള്ള അപേക്ഷ' എന്ന് കവറിന് പുറത്ത് വ്യക്തമായി രേഖപ്പെടുത്തണം. അപേക്ഷകൾ ജൂൺ 1-ന് വൈകുന്നേരം 5 മണിക്ക് മുമ്പായി താഴെ പറയുന്ന വിലാസത്തിൽ ലഭിക്കണം: ചെയർമാൻ & മാനേജിംഗ് ഡയറക്ടർ, കുടുംബശ്രീ ബ്രോയ്ലർ ഫാർമേഴ്സ് പ്രൊഡ്യൂസർ കമ്പനി ലിമിറ്റഡ്, TC 94/3171, St. Anne's Church-ന് എതിർവശം, പള്ളിമുക്ക്, പേട്ട, തിരുവനന്തപുരം, പിൻ-695024.
കേരള ചിക്കന് പദ്ധതിയില് ഫാം സൂപ്പര്വൈസര് നിയമനം
മലപ്പുറം ജില്ലയില് കേരള ചിക്കന് പദ്ധതിയുടെ ഭാഗമായി ഫാം സൂപ്പര്വൈസര് നിയമനത്തിന് ജില്ലാ കുടുംബശ്രീ മിഷന് അപേക്ഷ ക്ഷണിച്ചു. യോഗ്യത -പൗള്ട്ടറി പ്രൊഡക്ഷന് ആന്ഡ് ബിസിനസ്സ് മാനേജ്മെന്റില് ബിരുദം അല്ലെങ്കില് പൗള്ട്ടറി പ്രൊഡക്ഷനില് ഡിപ്ലോമ, കംപ്യൂട്ടര് പരിജ്ഞാനം, ഇരുചക വാഹന ലൈസന്സ്. പ്രായപരിധി- 2026 മെയ് ഒന്നിന് 30 കവിയരുത്. എഴുത്തു പരീക്ഷ, അഭിമുഖം എന്നിവയുടെ അടിസ്ഥാനത്തിലാണ് നിയമനം. താത്പര്യമുള്ള ഉദ്യോഗാര്ഥികള് വെള്ള പേപ്പറില് അപേക്ഷയോടൊപ്പം ബയോഡാറ്റ, യോഗ്യത, പ്രവര്ത്തിപരിചയം, വയസ്സ് എന്നിവ തെളിയിക്കുന്ന സര്ട്ടിഫിക്കറ്റുകളുടെ പകര്പ്പ് സഹിതം മെയ് 30നകം അപേക്ഷിക്കണം.
നാഷണൽ ആയുഷ് മിഷൻ യോഗ ഇൻസ്ട്രക്ടർ ഒഴിവ്; ജൂൺ 3 വരെ അപേക്ഷിക്കാം
ഭാരതീയ ചികിത്സാ വകുപ്പിന് കീഴിൽ നാഷണൽ ആയുഷ് മിഷൻ എറണാകുളം ജില്ലാ ഓഫീസിൽ കരാർ അടിസ്ഥാനത്തിൽ യോഗ ഇൻസ്ട്രക്ടർ തസ്തികയിലേക്ക് അപേക്ഷ ക്ഷണിച്ചു. ഒരു ഒഴിവ്. താല്പര്യമുള്ളവർ ജൂൺ മൂന്ന് വൈകിട്ട് 5 ന് മുൻപായി അപേക്ഷിക്കണം. പ്രതിമാസ വേതനം 14,000 രൂപ. പ്രായപരിധി 50 വയസ്സ്.
ഗവൺമെന്റ് അംഗീകൃത ബിരുദങ്ങളായ ബി എൻ വൈ എസ്, ബി എ എം എസ് അല്ലെങ്കിൽ യോഗയിൽ എംഎസ് സി, എം ഫിൽ, ഒരു വർഷത്തിൽ കുറയാത്ത പി.ജി ഡിപ്ലോമ എന്നിവയുള്ളവർക്ക് അപേക്ഷിക്കാം. സർക്കാർ വകുപ്പുകൾ അല്ലെങ്കിൽ അംഗീകൃത സർവകലാശാലകളിൽ നിന്നുള്ള ഒരു വർഷത്തെ യോഗ സർട്ടിഫിക്കറ്റ് കോഴ്സ്, വൈ സി ബി, സ്കോൾ കേരളയുടെ ഡിപ്ലോമ ഇൻ യോഗിക് സയൻസ് ആൻഡ് സ്പോർട്സ് യോഗ, അല്ലെങ്കിൽ സംസ്ഥാന റിസോഴ്സ് സെന്ററിന്റെ യോഗ ടീച്ചർ ട്രെയിനിംഗ് കോഴ്സ് എന്നിവയും പരിഗണിക്കും.
അപേക്ഷ ഫോമിനൊപ്പം പ്രായം, യോഗ്യത എന്നിവ തെളിയിക്കുന്ന അസ്സൽ സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകർപ്പുകൾ സഹിതം 'ഡിസ്ട്രിക്റ്റ് പ്രോഗ്രാം മാനേജർ, നാഷണൽ ആയുഷ് മിഷൻ, കച്ചേരിപ്പടി ജില്ലാ ആയുർവേദ ആശുപത്രി മൂന്നാം നില, എറണാകുളം, പിൻ - 682018' എന്ന വിലാസത്തിൽ നേരിട്ടോ തപാൽ മുഖേനയോ സമർപ്പിക്കാം. കൂടുതൽ വിവരങ്ങൾക്ക് 0484-2919133. വെബ്സൈറ്റ്: nam.kerala.gov.in.
Click it and Unblock the Notifications
Sign in with Google