ഭാരത് ഇലക്ട്രോണിക്സ് ലിമിറ്റഡിൽ അവസരം: 20 ഒഴിവുകൾ, അപേക്ഷിക്കേണ്ടത് ഇങ്ങനെ
ഭാരത് ഇലക്ട്രോണിക്സ് ലിമിറ്റഡ്, പൂനെ 20 പ്രോജക്ട് എഞ്ചിനീയര്-I, ട്രെയിനി എഞ്ചിനീയര്-I തസ്തികകളിലേക്ക് ഓണ്ലൈന് അപേക്ഷ ക്ഷണിച്ചു. താല്പ്പര്യവും യോഗ്യതയുമുള്ള ഉദ്യോഗാര്ത്ഥികള്ക്ക് ഈ തസ്തികകളിലേക്ക് 16 മാര്ച്ച് 2022-നോ അതിനു മുമ്പോ അപേക്ഷിക്കാം. ബി.ഇ/ ബി.ടെക് (എന്ജിനീയറിങ്) ബിരുദമുള്ള ഉദ്യോഗാര്ത്ഥികള്ക്ക് ഈ തസ്തികകളിലേക്ക് അപേക്ഷിക്കാന് അര്ഹതയുണ്ട്. ആകെ 20 തസ്തികകളിലേക്ക് വിജ്ഞാപനം ചെയ്തിട്ടുണ്ട്. 20 തസ്തികകളില് 12 എണ്ണം പ്രോജക്ട് എന്ജിനീയര്മാരുടെയും 08 തസ്തികകള് ട്രെയിനി എന്ജിനീയര്മാരുടെയും ആണ്.
ഒഴിവ് വിശദാംശങ്ങള്
പ്രോജക്ട് എഞ്ചിനീയര്മാര്- 12 തസ്തികകള്
ട്രെയിനി എഞ്ചിനീയര്മാര്- 8 തസ്തികകള്
യോഗ്യതാ മാനദണ്ഡം, വിദ്യാഭ്യാസ യോഗ്യത:
എ ഐ സി ടി ഇ അംഗീകൃത ഇന്സ്റ്റിറ്റ്യൂട്ട്/ യൂണിവേഴ്സിറ്റിയില് നിന്ന് ബന്ധപ്പെട്ട എന്ജിനീയറിങ്ങില് മുഴുവന് സമയ ബി ഇ/ബി ടെക് എഞ്ചിനീയറിംഗ് (4 വര്ഷം) കോഴ്സ് പൂര്ത്തിയാക്കിയ ഉദ്യോഗാര്ത്ഥികള്ക്ക് ഈ തസ്തികയിലേക്ക് അപേക്ഷിക്കാന് അര്ഹതയുണ്ട്.
മാർക്ക് യോഗ്യതാ
ജനറൽ, OBC, EWS ഉദ്യോഗാർത്ഥികൾ: 55% ഉം അതിനുമുകളിലും
SC / ST / PwBD ഉദ്യോഗാർത്ഥികൾ: ക്ലാസ് പാസ്സ്
വിജ്ഞാപനമനുസരിച്ച്, പൂനെയില് എഴുത്തുപരീക്ഷയിലൂടെയും അഭിമുഖത്തിലൂടെയുമാണ് തിരഞ്ഞെടുപ്പ്. എഴുത്തുപരീക്ഷയില് പങ്കെടുക്കുന്നതിന് അര്ഹരായ ഉദ്യോഗാര്ത്ഥികളുടെ ഇ-മെയില് ഐഡികളിലേക്ക് കോള് ലെറ്ററുകള് അയയ്ക്കും. എഴുത്തുപരീക്ഷയിലെ പ്രകടനത്തിന്റെ അടിസ്ഥാനത്തിൽ ഉദ്യോഗാർത്ഥികളെ അഭിമുഖത്തിനായി ഷോർട്ട്ലിസ്റ്റ് ചെയ്യും. എഴുത്തുപരീക്ഷയുടെ തീയതി യഥാസമയം ഇ-മെയിൽ വഴി അറിയിക്കും. പരീക്ഷയിൽ എഞ്ചിനീയറിംഗ് വിഷയങ്ങളിൽ നിന്നുള്ള ഒബ്ജക്റ്റീവ്-ടൈപ്പ് മൾട്ടിപ്പിൾ ചോയ്സ് ചോദ്യങ്ങൾ ഉൾപ്പെടും. എഴുത്തുപരീക്ഷകൾക്ക് 85 ശതമാനവും അഭിമുഖത്തിന് 15 ശതമാനവുമാണ് മൂല്യനിർണയ വെയ്റ്റേജ്. നിശ്ചിത യോഗ്യതാ മാനദണ്ഡങ്ങൾ പാലിക്കുന്ന എല്ലാ ഉദ്യോഗാർത്ഥികളെയും എഴുത്തുപരീക്ഷയ്ക്ക് വിളിക്കും. കാറ്റഗറി തിരിച്ചുള്ള പട്ടിക തയ്യാറാക്കും, സാധാരണയായി ഓരോ വിഭാഗത്തിലും, എഴുത്തുപരീക്ഷയിലെ പ്രകടനത്തെ അടിസ്ഥാനമാക്കി മെറിറ്റ് ക്രമത്തിൽ 1:5 എന്ന അനുപാതത്തിൽ ഉദ്യോഗാർത്ഥികളെ അഭിമുഖത്തിന് വിളിക്കും.
വൈലോപ്പിള്ളി സംസ്കൃതി ഭവൻ അവതാരകരെ ക്ഷണിക്കുന്നു
വൈലോപ്പിള്ളി സംസ്കൃതി ഭവന്റെ ആഭിമുഖ്യത്തിൽ സംസ്ഥാനത്തിനകത്തും പുറത്തും സംഘടിപ്പിക്കുന്ന വിവിധ സാംസ്കാരിക പരിപാടികൾക്ക് അവതാരകരാകാൻ താല്പര്യമുള്ളവരിൽ നിന്നും അപേക്ഷ ക്ഷണിച്ചു. പ്രായപരിധി ഇല്ലാതെ മലയാളം ഇംഗ്ലീഷ് ഭാഷകൾ അക്ഷരസ്ഫുടതയോടെയും വ്യക്തതയോടെയും കൈകാര്യം ചെയ്യാൻ കഴിവുള്ളവർക്ക് അപേക്ഷിക്കാം. വിശദമായ ബയോഡേറ്റ, ഫോട്ടോ, പരിചയം തെളിയിക്കുന്ന സാക്ഷ്യപത്രം എന്നിവ ഉൾപ്പെടെ മാർച്ച് 25നകം സെക്രട്ടറി, വൈലോപ്പിള്ളി സംസ്കൃതി ഭവൻ, നാളന്ദ, നന്തൻകോട്, തിരുവനന്തപുരം-3 എന്ന വിലാസത്തിലോ [email protected] എന്ന ഇ-മെയിലിലേയ്ക്കോ അയക്കണം.
പി.എസ്.സി ഉദ്യോഗാർത്ഥികൾക്ക് സൗജന്യ മലയാള ഭാഷാപരിശീലനം
വിവിധ പി.എസ്.സി പരീക്ഷകളിൽ പങ്കെടുക്കുന്നവർക്കായി ജില്ലാ എംപ്ലോയ്മെന്റ് എക്സ്ചേഞ്ച് സമഗ്ര മലയാളഭാഷാ പരിശീലനം നടത്തുന്നു. മാർച്ച് 15 മുതൽ 10 ദിവസത്തേക്കാണ് സൗജന്യ പരിശീലനം. പങ്കെടുക്കാൻ ആഗ്രഹിക്കുന്നവർ മാർച്ച് 14 ന് വൈകിട്ട് നാലിനകം [email protected] എന്ന ഇ- മെയിൽ മുഖേന രജിസ്റ്റർ ചെയ്യണം.
ഡ്രൈവർ തസ്തികയിലേക്ക് അപേക്ഷ ക്ഷണിച്ചു
ചാലക്കുടി ബ്ലോക്ക് പഞ്ചായത്തിന് കീഴിൽ പ്രവർത്തിക്കുന്ന എലിഞ്ഞിപ്ര സാമൂഹികാരോഗ്യകേന്ദ്രത്തിലെ ആംബുലൻസ് ഓടിക്കാൻ കരാർ വ്യവസ്ഥയിൽ ഡ്രൈവറായി നിയമിക്കുവാൻ ഉദ്യോഗാർത്ഥികളിൽ നിന്ന് അപേക്ഷ ക്ഷണിച്ചു. എട്ടാം ക്ലാസ് വിദ്യാഭ്യാസവും ലൈസൻസും ബാഡ്ജും ഉള്ളവരും, 18 നും 35 വയസിനും ഇടയിൽ പ്രായമുള്ളവരുമായ ചാലക്കുടി ബ്ലോക്ക് പഞ്ചായത്ത് പരിധിയിലെ സ്ഥിരം താമസക്കാരാണ് അപേക്ഷിക്കേണ്ടത്. തെരഞ്ഞെടുക്കപ്പെടുന്നവർ 24 മണിക്കൂർ സേവനം ചെയ്യേണ്ടതായിവരും. താല്പര്യമുള്ളവർ വെള്ളക്കടലാസിൽ തയ്യാറാക്കിയ അപേക്ഷ മാർച്ച് 22 ന് വൈകിട്ട് 5 മണിവരെ സെക്രട്ടറി, ചാലക്കുടി ബ്ലോക്ക് പഞ്ചായത്ത്, ചാലക്കുടി, പി.ഒ 680307 എന്ന വിലാസത്തിൽ സമർപ്പിക്കാം. കൂടുതൽ വിവരങ്ങൾക്ക് ഓഫീസ് പ്രവൃത്തി സമയങ്ങളിൽ 0480-2701446 എന്ന ഫോൺ നമ്പറിൽ ബന്ധപ്പെടുക.
Click it and Unblock the Notifications
Sign in with Google