പിആര്ഡി പ്രിസം പദ്ധതിയിൽ അവസരം: നിരവധി ഒഴിവുകൾ, അപേക്ഷിക്കേണ്ടത് ഇങ്ങനെ
ഇന്ഫര്മേഷന് - പബ്ലിക് റിലേഷന്സ് വകുപ്പിന്റെ സംയോജിത വികസന വാര്ത്താ ശൃംഖല (പ്രിസം) പദ്ധതിയില് സബ് എഡിറ്റര്, കണ്ടന്റ് എഡിറ്റര്, ഇന്ഫര്മേഷന് അസിസ്റ്റന്റ് താത്കാലിക പാനല് രൂപീകരിക്കുന്നതിന് അപേക്ഷ ക്ഷണിച്ചു. എഴുത്തു പരീക്ഷയുടേയും അഭിമുഖത്തിന്റെയും അടിസ്ഥാനത്തിലാകും പാനല് തയാറാക്കുക. അപേക്ഷകള് ഫെബ്രുവരി 15 വരെ careers.cdit.org എന്ന വെബ്സൈറ്റ് മുഖേന ഓണ്ലൈനായി സമര്പ്പിക്കാം. ജില്ലാ അടിസ്ഥാനത്തിലും തിരുവനന്തപുരത്തുള്ള വകുപ്പിന്റെ ഡയറക്ടറേറ്റിലുമായാണു പാനല് രൂപീകരിക്കുന്നത്.
ഒരാള്ക്ക് ഒരു ജില്ലയിലേക്കു മാത്രമേ അപേക്ഷിക്കാനാകൂ. സബ് എഡിറ്റര് പാനലിലേക്ക് ഏതെങ്കിലും വിഷയത്തില് അംഗീകൃത സര്വകലാശാല ബിരുദവും ജേണലിസം / പബ്ലിക് റിലേഷന്സ് / മാസ് കമ്യൂണിക്കേഷന് ഡിപ്ലോമയും അല്ലെങ്കില് ജേണലിസം / പബ്ലിക് റിലേഷന്സ് / മാസ് കമ്യൂണിക്കേഷനില് അംഗീകൃത സര്വകലാശാല ബിരുദമോ ജേണലിസം ബിരുദാനന്തര ബിരുദമോ ഉള്ളവര്ക്ക് അപേക്ഷിക്കാം.
പത്ര, ദൃശ്യ മാധ്യമങ്ങളിലോ വാര്ത്താ ഏജന്സികളിലോ സര്ക്കാര് / അര്ധസര്ക്കാര് സ്ഥാപനങ്ങളുടെ പി.ആര്, വാര്ത്താ വിഭാഗങ്ങളിലോ രണ്ടു വര്ഷത്തെ പ്രവൃത്തിപരിചയവും വേണം. ഏതെങ്കിലും വിഷയത്തില് അംഗീകൃത സര്വകലാശാല ബിരുദവും കണ്ടെന്റ് എഡിറ്റിങ്ങിലും വീഡിയോ എഡിറ്റിങ്ങിലും പ്രാവീണ്യവുമുള്ളവര്ക്ക് കണ്ടന്റ് എഡിറ്റര് പാനലിലേക്ക് അപേക്ഷിക്കാം. വിഡിയോ എഡിറ്റിങ്ങില് പ്രവൃത്തിപരിചയമുള്ളവര്ക്കു മുന്ഗണന ലഭിക്കും.
ഇന്ഫര്മേഷന് അസിസ്റ്റന്റ് പാനലിലേക്ക് ഏതെങ്കിലും വിഷയത്തില് ബിരുദവും ജേണലിസം / പബ്ലിക് റിലേഷന്സ് / മാസ് കമ്യൂണിക്കേഷന് ഡിപ്ലോമയും അല്ലെങ്കില് ജേണലിസം / പബ്ലിക് റിലേഷന്സ് / മാസ് കമ്യൂണിക്കേഷനില് അംഗീകൃത ബിരുദവും പത്ര, ദൃശ്യ മാധ്യമങ്ങളിലോ വാര്ത്താ ഏജന്സികളിലോ ഓണ്ലൈന് മാധ്യമങ്ങളിലോ സര്ക്കാര് / അര്ധസര്ക്കാര് സ്ഥാപനങ്ങളുടെ പി.ആര്, വാര്ത്താ വിഭാഗങ്ങളിലോ ഒരു വര്ഷത്തെ പ്രവൃത്തിപരിചയവുമുള്ളവര്ക്ക് അപേക്ഷിക്കാം.
മൂന്നു പാനലുകളിലേക്കും പ്രായപരിധി 01-01-2023ല് 35 വയസ്. എഴുത്തു പരീക്ഷ ജില്ലാ അടിസ്ഥാനത്തിലും അഭിമുഖം മേഖലാ അടിസ്ഥാനത്തിലുമാണ് നടത്തുന്നത്. ഒരു വര്ഷമാണു പാനലിന്റെ കാലാവധി. സബ് എഡിറ്റര്, ഇന്ഫര്മേഷന് അസിസ്റ്റന്റ് പാനലുകളില് അപേക്ഷിക്കുന്നവര്ക്ക് കണ്ടന്റ് എഡിറ്റര്ക്കു നിശ്ചയിച്ചിട്ടുള്ള യോഗ്യതകളുണ്ടെങ്കില് അതിലേക്കും അപേക്ഷിക്കാം. സബ് എഡിറ്റര്, ഇന്ഫര്മേഷന് അസിസ്റ്റന്റ് പാനലുകളില് ഏതെങ്കിലും ഒന്നില് മാത്രമേ അപേക്ഷിക്കാനാകൂ. വിശദമായ വിജ്ഞാപനം www.prd.kerala.gov.in, careers.cdit.org എന്നീ വെബ്സൈറ്റുകളില് ലഭിക്കും.
പട്ടികജാതി-പട്ടികവർഗ്ഗ വിഭാഗത്തിലെ യോഗ്യരായ വിദ്യാർത്ഥികൾക്ക് സഹകരണ സ്ഥാപനങ്ങളിൽ അപ്രന്റിഷിപ്പ്
തിരുവനന്തപുരം : പട്ടികജാതി-പട്ടികവർഗ്ഗ വിഭാഗത്തിലെ ജെ.ഡി.സി, എച്ച്.ഡി.സി പാസ്സായ വിദ്യാർത്ഥികൾക്ക് സഹകരണ സ്ഥാപനങ്ങളിൽ അപ്രന്റിഷിപ്പ് നൽകും. ഒരു വർഷം മുതൽ രണ്ടു വർഷം വരെ അപ്രന്റിഷിപ്പ് അനുവദിക്കുന്നതിനാണ് തീരുമാനം എടുത്തിരിക്കുന്നത്. പട്ടികജാതി-പട്ടികവർഗ്ഗ സഹകരണ സംഘങ്ങളുടെ പ്രവർത്തനങ്ങൾ മെച്ചപ്പെടുത്തുന്നതിനായി സഹകരണ വകുപ്പ് മന്ത്രി വി.എൻ വാസവൻ, പട്ടികജാതി-പട്ടികവർഗ്ഗ വികസന വകുപ്പ് മന്ത്രി കെ രാധാകൃഷ്ണൻ എന്നിവർ വിളിച്ചു ചേർത്ത യോഗത്തിലാണ് ഈ തീരുമാനം എടുത്തത്.
കേരളത്തിലെ പട്ടികജാതി-പട്ടികവർഗ്ഗ സഹകരണ സംഘങ്ങളുടെ പ്രവർത്തനം കൂടുതൽ
കാര്യക്ഷമമാക്കുന്നതിന് വേണ്ട നടപടികളെടുക്കാൻ യോഗം തീരുമാനിച്ചു. പട്ടികജാതി-പട്ടികവർഗ്ഗ സഹകരണ സംഘങ്ങളിലെ ബോർഡ് അംഗങ്ങൾക്ക് മൺവിളയിലെ പരിശീലന കേന്ദ്രത്തിൽ സ്കിൽ ഡവലപ്പ്മെൻറ്ട്രെയിനിങ്ങുകളും, സഹകരണ നിയമ പരിജ്ഞാന കോഴ്സും നടത്തും.
സംസ്ഥാനത്ത് ലാഭത്തിൽ പ്രവർത്തിക്കുന്ന പട്ടികജാതി-പട്ടികവർഗ്ഗ സഹകരണ സംഘങ്ങളുടെ പ്രവർത്തനം കൂടുതൽ മെച്ചപ്പെടുത്തുന്നതിനുള്ള നടപടികളും സ്വീകരിക്കുവാൻ പദ്ധതി തയാറാക്കും. പട്ടികജാതി-പട്ടികവർഗ്ഗ സഹകരണ സംഘങ്ങളിലെ സ്ഥിരം ജീവനക്കാരായ 306 പേരെ കോ-ഓപ്പറേറ്റീവ് വെൽഫെയർ ബോർഡിൽ അംഗത്വം നൽകും.
മലക്കപ്പാറ ആസ്ഥാനമായി പ്രവർത്തിക്കുന്ന ഷോളയാർ പട്ടിക വർഗ്ഗ സഹകരണ സംഘം പുനരുദ്ധരിക്കുന്നതിന് സഹകരണവകുപ്പും പട്ടിക ജാതി-പട്ടിക വർഗ്ഗ വികസന വകുപ്പും സംയുക്തമായി പദ്ധതി തയ്യാറാക്കും. സഹകരണ എക്സ്പോയിൽ പട്ടികജാതി-പട്ടികവർഗ്ഗ സഹകരണ സംഘങ്ങൾക്കായി പ്രത്യേക സ്റ്റാൾ അനുവദിക്കുവാനും യോഗത്തിൽ തീരുമാനമായി. ഈ പ്രവർത്തനങ്ങൾ എല്ലാം മോണിട്ടർ ചെയ്യുന്നതിന് രണ്ടുവകുപ്പിന്റെയും സംയുക്തമായ സംവിധാനം ഏർപ്പെടുത്തും.
Click it and Unblock the Notifications
Sign in with Google