ഐസിഫോസ്സിലെ ഗവേഷണ പ്രോജക്ടുകളിൽ അവസരം: തൊഴിൽ അവസരങ്ങൾ അറിയാം
ഐ.ടി വകുപ്പിനു കീഴിലെ അന്താരാഷ്ട്ര സ്വതന്ത്ര സോഫ്റ്റ്വെയർ കേന്ദ്രം (ഐ.സി ഫോസിന്റെ ഗവേഷണ മേഖലകളായ ഓപ്പൺ ഹാർഡ്വെയർ, ഓപ്പൺ ഐ.ഒ.റ്റി, ലാംഗ്വേജ് കമ്പ്യൂട്ടിംഗ്, മെഷീൻ ലേണിംഗ്, അസിസ്റ്റീവ് ടെക്നോളജി, ഇ-ഗവേണൻസ്, സോഫ്റ്റ്വെയർ ഡെവലപ്പ്മെന്റ് എന്നിവയിലെ പ്രോജക്ടുകളിൽ കരാറടിസ്ഥാനത്തിൽ നിയമനം നടത്തുന്നതിന് ബിരുദധാരികളിൽ നിന്ന് അപേക്ഷ ക്ഷണിച്ചു. റിസേർച്ച് അസോസിയേറ്റ്, റിസേർച്ച് അസിസ്റ്റന്റ് ഒഴിവുകളാണുള്ളത്.
ഹൃദയത്തില് 'പ്രണവിനെ' വീഴ്ത്തിയ ലുക്ക്; അന്നും ഇന്നും ഷോണ് പൊളിയാണ്, അടിപൊളിയേ...
പ്രവൃത്തിപരിചയവും ബി.ടെക്/ എം.ടെക്/ ബി.ഇ/ എം.ഇ/ ബി.എസ്സി/ എം.എസ്സി/ എം.സി.എ/എം.ബി.എ/ എം.എ ബിരുദധാരികൾക്ക് ജൂലൈ ആറിന് ഐസിഫോസിൽ നടക്കുന്ന അഭിമുഖത്തിൽ സർട്ടിഫിക്കറ്റുകളുടെ അസലും പകർപ്പും ബയോഡാറ്റയുമായി പങ്കെടുക്കാം.
ഭാഭാ ആറ്റോമിക് റിസര്ച്ച് സെന്ററില് അവസരം; 89 ഒഴിവുകള്, അപേക്ഷിക്കേണ്ടത് ഇങ്ങനെ
കൂടാതെ സ്വതന്ത്ര സോഫ്റ്റ്വെയർ നവീന ആശയങ്ങൾ രൂപപ്പെടുത്തുന്നതിന് FOSS ഇന്നവേഷൻ ഫെലോഷിപ്പ് 2022 പ്രോഗ്രാമിലേക്ക് ബി.ടെക്/ എം.ടെക്/ ബി.ഇ/ എം.ഇ/ ബി.എസ്സി/ എം.എസ്സി/ എം.സി.എ/എം.ബി.എ/ എം.എ ബിരുദധാരികൾക്ക് ജൂലൈ എട്ടിന് ഐസിഫോസിൽ നടക്കുന്ന അഭിമുഖത്തിൽ സർട്ടിഫിക്കറ്റുകളുടെ അസലും പകർപ്പും ബയോഡാറ്റയുമായി പങ്കെടുക്കാം. കൂടുതൽവിവരങ്ങൾക്ക്: https://icfoss.in, 0471-2700012/13/14, 0471-2413013, 9400225962.
ഹിന്ദി അധ്യാപക ഒഴിവ്
പട്ടികജാതി വികസന വകുപ്പിന് കീഴില് പ്രവര്ത്തിക്കുന്ന തൃത്താല ഗവ. മോഡല് റസിഡന്ഷ്യല് സ്കൂളില് എച്ച്.എസ്.എ ഹിന്ദി വിഭാഗത്തില് ഒഴിവ്. സര്ക്കാര് നിശ്ചയിച്ച യോഗ്യതയുള്ളവര്, ഉയര്ന്ന യോഗ്യത, പ്രവര്ത്തി പരിചയമുള്ളവര്, എസ്.സി, എസ്. ടി വിഭാഗക്കാര്ക്ക് മുന്ഗണന. ഹോസ്റ്റലില് താമസിച്ച് പഠിക്കുവാന് താത്പര്യമുള്ളവര്ക്ക് അപേക്ഷിക്കാം. വെള്ളപേപ്പറില് തയ്യാറാക്കിയ അപേക്ഷയും യോഗ്യതാ സര്ട്ടിഫിക്കറ്റ്, പ്രവൃത്തിപരിചയ സര്ട്ടിഫിക്കറ്റിന്റെ സ്വയം സാക്ഷ്യപ്പെടുത്തിയ പകര്പ്പുകള്, എസ്.സി, എസ്.ടി വിഭാഗക്കാരാണെന്ന് തെളിയിക്കുന്ന സര്ട്ടിഫിക്കറ്റുകളുമായി ജൂലൈ എട്ടിന് വൈകിട്ട് അഞ്ചിനകം സിവില് സ്റ്റേഷനില് പ്രവര്ത്തിക്കുന്ന ജില്ലാ പട്ടികജാതി വികസന ഓഫീസില് നല്കണം. അപേക്ഷിക്കുന്ന തസ്തികയുടെ പേര്, അപേക്ഷിക്കുന്ന സ്കൂള് എന്നിവ അപേക്ഷയില് പ്രത്യേകം രേഖപ്പെടുത്തണം. ഫോണ് :0491 2505005.
മലപ്പുറം ജില്ലാ ഇന്ഫര്മേഷന് ഓഫീസില് പെയ്ഡ് അപ്രന്റീസ്ഷിപ്പിന് അപേക്ഷിക്കാം
ഇന്ഫര്മേഷന് ആന്ഡ് പബ്ലിക് റിലേഷന്സ് വകുപ്പിന്റെ മലപ്പുറം ജില്ലാ ഓഫീസിന് കീഴില് ആറു മാസത്തെ പെയ്ഡ് അപ്രന്റീസ്ഷിപ്പിന് ജേണലിസം യോഗ്യതയുള്ളവരില് നിന്ന് അപേക്ഷ ക്ഷണിച്ചു. ജേണലിസം, പബ്ലിക് റിലേഷന്സ് എന്നിവയിലേതെങ്കിലും പ്രധാന വിഷയമായി എടുത്ത് അംഗീകൃത സര്വകലാശാലയില് നിന്ന് ബിരുദം, ബിരുദാനന്തര ബിരുദം അല്ലെങ്കില് ഏതെങ്കിലും വിഷയത്തില് ബിരുദവും അംഗീകൃത സ്ഥാപനങ്ങളില് നിന്നും ജേണലിസം, പബ്ലിക് റിലേഷന്സ് എന്നീ വിഷയങ്ങളിലേതെങ്കിലും പി.ജി ഡിപ്ലോമയോ നേടിയവര്ക്ക് അപേക്ഷിക്കാം. അപേക്ഷകര് 2020-21, 2021-2022 അധ്യയന വര്ഷങ്ങളില് കോഴ്സ് പാസായവര് ആയിരിക്കണം. താത്പര്യമുള്ളവര് യോഗ്യത സര്ട്ടിഫിക്കറ്റിന്റെ പകര്പ്പ്, ബയോഡാറ്റ എന്നിവ സഹിതം ജില്ലാ ഇന്ഫര്മേഷന് ഓഫീസര്, ജില്ലാ ഇന്ഫര്മേഷന് ഓഫീസ്, ബി 3 ബ്ലോക്ക്, സിവില് സ്റ്റേഷന്, മലപ്പുറം 676505 എന്ന വിലാസത്തിലോ [email protected] എന്ന ഇമെയില് വിലാസത്തിലോ അപേക്ഷിക്കണം. 2022 ജൂലൈ 10ന് വൈകീട്ട് അഞ്ച് വരെ ലഭിക്കുന്ന അപേക്ഷകള് മാത്രമേ സ്വീകരിക്കുകയുള്ളൂ. തപാലില് അയക്കുമ്പോള് കവറിന്റെ പുറത്ത് അപ്രന്റീസ്ഷിപ്പ് 2022 എന്ന് കാണിച്ചിരിക്കണം. യോഗ്യതയുടെയും എഴുത്തുപരീക്ഷയുടെയും അഭിമുഖത്തിന്റെയും അടിസ്ഥാനത്തിലായിരിക്കും തെരഞ്ഞെടുപ്പ്. തെരഞ്ഞെടുക്കപ്പെടുന്നവര് അക്കാര്യം അറിയിച്ചുകൊണ്ടുള്ള അറിയിപ്പില് പറയുന്ന തീയതിയിലും സമയത്തും അപ്രന്റീസായി ചേരാന് തയ്യാറായി എത്തിച്ചേരണം. ജോലി കിട്ടിയോ മറ്റു കാരണത്താലോ അപ്രന്റീസ്ഷിപ്പ് ഇടയ്ക്ക് വെച്ച് മതിയാക്കുന്നവര് 15 ദിവസത്തെ മുന്കൂര് നോട്ടീസ് നല്കണം. ഏതെങ്കിലും ഘട്ടത്തില് പ്രവര്ത്തനം തൃപ്തികരമല്ലെന്ന് കാണുകയോ അപ്രന്റീസായി തുടരാന് അനുവദിക്കാത്ത മറ്റെന്തെങ്കിലും കാരണം ഉണ്ടാവുകയോ ചെയ്താല് മുന്നറിയിപ്പില്ലാതെ അപ്രന്റീസ്ഷിപ്പില് നിന്നും ഒഴിവാക്കും. കൂടുതല് വിവരങ്ങള്ക്ക് ഫോണ്: 0483 2734387.
ഹോസ്പിറ്റൽ ഇൻഫെക്ഷൻ കൺട്രോൾ സർട്ടിഫിക്കറ്റ് പ്രോഗ്രാം
സ്റ്റേറ്റ് റിസോഴ്സ് സെന്ററിന്റെ കീഴിലുള്ള എസ് ആർ സി കമ്മ്യൂണിറ്റി കോളേജ് ഹോസ്പിറ്റൽ ഇൻഫെക്ഷൻ പ്രിവൻഷൻ ആന്റ് കൺട്രോളിൽ സർട്ടിഫിക്കറ്റ് പ്രോഗ്രാമിന് അപേക്ഷ ക്ഷണിച്ചു. ഡോക്ടർമാർ, ഡിപ്ലോമയോ ഡിഗ്രിയോ ഉള്ള നഴ്സിങ്, പാരാമെഡിക്കൽ, അഡ്മിനിസ്ട്രേറ്റീവ് പ്രൊഫഷണലുകൾക്ക് അപേക്ഷിക്കാം. അപേക്ഷ സ്വീകരിക്കുന്ന അവസാന തീയതി ജൂലൈ 15. വിശദവിവരങ്ങൾക്ക് www.srccc.in എന്ന വെബ്സൈറ്റ്് സന്ദർശിക്കുക. ഫോൺ : 9048110031, 8281114464.