ബാങ്ക് ജോലിയാണോ സ്വപ്നം; പഞ്ചാബ് ബാങ്കില് 240 ഒഴിവുകള്, അപേക്ഷിക്കേണ്ടത് ഇങ്ങനെ
ന്യൂഡല്ഹി: പഞ്ചാബ് നാഷണല് ബാങ്ക് സ്പെഷ്യലിസ്റ്റ് ഓഫീസര് തസ്തികകളിലേക്ക് അപേക്ഷ ക്ഷണിച്ചു. താല്പര്യമുള്ള ഉദ്യോഗാര്ത്ഥികള് ബാങ്കിന്റെ ഔദ്യോഗിക വെബ്സൈറ്റിലൂടെ അപേക്ഷിക്കാന് സാധിക്കും. pnbindia.in. ജൂണ് 11 ആണ് അപേക്ഷിക്കാനുള്ള അവസാന തീയതി. 240 ഒഴിവുകളിലേക്കാണ് ഇപ്പോള് അപേക്ഷ ക്ഷണിച്ചിരിക്കുന്നത്.
ഒഴിവുകളുടെ വിശദാംശങ്ങള്
ഓഫീസര്-ക്രെഡിറ്റ്: 200
ഓഫീസര്-ഇന്ഡസ്ട്രി: 8
ഓഫീസര്-സിവില് എഞ്ചിനീയര്: 5
ഓഫീസര്-ഇലക്ട്രിക്കല് എഞ്ചിനീയര്: 4
ഓഫീസര്-ആര്ക്കിടെക്റ്റ്: 1
ഓഫീസര്-ഇക്കണോമിക്സ്: 6
മാനേജര്-ഇക്കണോമിക്സ്: 4
മാനേജര്-ഡാറ്റ സയന്റിസ്റ്റ്: 3
സീനിയര് മാനേജര്-ഡാറ്റ സയന്റിസ്റ്റ്: 2
മാനേജര്-സൈബര് സെക്യൂരിറ്റി: 4
സീനിയര് മാനേജര്- സൈബര് സെക്യൂരിറ്റി: 3
ബാങ്കിന്റെ വിവേചനാധികാരം അനുസരിച്ച്, ഓരോ തസ്തികയിലും ലഭിക്കുന്ന അപേക്ഷകളുടെ പ്രതികരണത്തെ ആശ്രയിച്ച്, ഓണ്ലൈന് എഴുത്തുപരീക്ഷയും വ്യക്തിഗത അഭിമുഖവും വ്യക്തിഗത അഭിമുഖവും നടത്തും. ഇത് കണക്കിലെടുത്താണ് നിയമനം. എഴുത്തുപരീക്ഷ 100 മാര്ക്കായിരിക്കും. അഭിമുഖത്തിന് 50 മാര്ക്ക് ലഭിക്കും.
ക്ലാര്ക്ക് കം ഡാറ്റാ എന്ട്രി ഓപ്പറേറ്റര് നിയമനം
സമഗ്ര ശിക്ഷാ കേരളം, എറണാകുളം ജില്ലാ പ്രോജക്ട് ഓഫീസില് നിപുണ് ഭാരത് മിഷന് പദ്ധതിയില് കരാര് അടിസ്ഥാനത്തില് ക്ലാര്ക്ക് കം ഡാറ്റാ എന്ട്രി ഓപ്പറേറ്ററെ നിയമിക്കുന്നു. യോഗ്യരായ ഉദ്യോഗാര്ത്ഥികളില് നിന്നും അപേക്ഷ ക്ഷണിച്ചു. യോഗ്യത ഡിഗ്രി, ഡാറ്റാ പ്രിപ്പറേഷന്, കമ്പ്യൂട്ടര് സോഫ്റ്റ്വെയര് എന്നിവയില് എന്.സി.വി സര്ട്ടിഫിക്കറ്റ് അല്ലെങ്കില് ഡാറ്റ എന്ട്രിയില് ഗവണ്മെന്റ് അംഗീകാരമുള്ള സര്ട്ടിഫിക്കറ്റ്. മണിക്കൂറില് 6000 കീ ഡിപ്രഷന് സ്പീഡ്, മലയാളം ടൈപ്പിംഗ് അറിഞ്ഞിരിക്കണം. ഗവണ്മെന്റ് അംഗീകൃത സ്ഥാപനത്തില് ആറുമാസത്തില് കുറയാത്ത പ്രവൃത്തിപരിചയം. ബിഎഡ്/ഡിഎല് എഡ് യോഗ്യത അഭിലഷണീയം.
പ്രായപരിധി 36 (സംവരണ ഇളവ് ഒ.ബി.സി 3 വര്ഷം, എസ്.സി/എസ്.റ്റി - 5 വര്ഷം)
അപേക്ഷകള് ജൂണ് എട്ടിന് വൈകുന്നേരം 5 മണിയ്ക്ക് മുമ്പായി സമഗ്ര ശിക്ഷാ കേരളം, എസ്. ആര്.വി(ഡി) എല്.പി സ്കൂള്, ചിറ്റൂര് റോഡ്, എറണാകുളം, 682011 എന്ന വിലാസത്തില് ജില്ലാ പ്രോജക്ട് കോ - ഓര്ഡിനേറ്ററുടെ കാര്യാലയത്തില് നേരിട്ടോ തപാല് മുഖേനയോ സമര്പ്പിക്കണം. അപേക്ഷയോടൊപ്പം യോഗ്യത തെളിയിക്കുന്നതിനുള്ള സര്ട്ടിഫിക്കറ്റുകളുടെ അസ്സല് പകര്പ്പുകള് കൂടി ഉള്ളടക്കം ചെയ്യണം. അഭിമുഖ തീയതി പിന്നീട് അറിയിക്കും.
Click it and Unblock the Notifications
Sign in with Google