പ്രൊജക്റ്റ് കൗണ്സിലര്, പ്രോജക്ട് അസിസ്റ്റന്റ് ഒഴിവുകൾ: തൊഴിൽ അവസരങ്ങൾ അറിയാം
സംസ്ഥാന എയ്ഡ്സ് കണ്ട്രോള് സൊസൈറ്റിയുടെ പരിധിയിലുള്ള ലാസ് സുരക്ഷ എം.എസ്.എം പ്രോജക്ടിലേക്ക് പ്രൊജക്റ്റ് കൗണ്സിലര്, മോണിറ്ററിങ് ആന്ഡ് ഇവാലുവേഷന്-കം-അക്കൗണ്ടന്റ് തസ്തികകളിലേക്ക് അപേക്ഷ ക്ഷണിച്ചു. പ്രോജക്ട് കൗണ്സിലര് തസ്തികയിലേക്കുള്ള യോഗ്യത- എം.എ സൈക്കോളജി/ എം.എസ്.ഡബ്ല്യു ഒപ്പം ഒരു വര്ഷത്തെ പ്രവൃത്തിപരിചയം. ശമ്പളം-12000 വും യാത്രാബത്തയും.
മോണിറ്ററിങ് ആന്ഡ് ഇവാലുവേഷന്-കം-അക്കൗണ്ടന്റ് തസ്തികയുടെ യോഗ്യത - എം. കോമും ഒരു വര്ഷത്തെ പ്രവൃത്തി പരിചയവും. ശമ്പളം 12000 രൂപയും യാത്രാബത്തയും. അപേക്ഷകര് വിശദമായ ബയോഡേറ്റ [email protected] ഇ-മെയില് ഐഡിയിലേക്ക് മാര്ച്ച് 10ന് വൈകുന്നേരം അഞ്ച് മണിക്ക് മുമ്പ് അയക്കണം. കൊല്ലം ജില്ലയിലുള്ളവര്ക്ക് മുന്ഗണന. വിശദവിവരങ്ങള് 0474 2790606,9447712668 എന്നീ നമ്പരുകളില് ലഭിക്കും.
മേട്രണ്-കം-റസിഡന്റ് ട്യൂട്ടര് കരാര് നിയമനം
പീരുമേട് ഗവ. മോഡല് റസിഡന്ഷ്യല് സ്കൂളിലേക്ക് 2021-22 അദ്ധ്യയന വര്ഷം താമസിച്ച് കുട്ടികളെ പഠിപ്പിക്കുന്നതിന് മേട്രണ്-കം-റസിഡന്റ് ട്യൂട്ടര്മാരെ കരാര് അടിസ്ഥാനത്തില് നിയമിക്കുന്നു. എസ്.സി. വിഭാഗത്തില്പ്പെട്ട ബിരുദവും ബി.എഡും യോഗ്യതയുള്ള ഉദ്യോഗാര്ത്ഥികളുടെ വാക്ക്-ഇന് ഇന്റര്വ്യു മാര്ച്ച് 9 ന് ബുധനാഴ്ച രാവിലെ 11 മണിക്ക് ജില്ലാ പട്ടികജാതി വികസന ഓഫീസ്, സിവില് സ്റ്റേഷന് രണ്ടാം നില കുയിലിമല ഓഫീസില് നടത്തും. താല്പര്യമുള്ളവര് വെള്ളപേപ്പറില് തയ്യാറാക്കിയ അപേക്ഷ, ബയോഡേറ്റാ, യോഗ്യത തെളിയിക്കുന്ന സര്ട്ടിഫിക്കറ്റിന്റെ സ്വയം സാക്ഷ്യപ്പെടുത്തിയ പകര്പ്പ് എന്നിവ സഹിതം അന്നേ ദിവസം ഹാജരാകേണ്ടതാണ്. ഒഴിവുകളുടെ എണ്ണം 4 (ആണ്/പെണ്). പ്രതിമാസ വേതനം 12,000/ രൂപ ആയിരിക്കും.
വിമുക്തി ജില്ലാ മിഷന് കോ-ഓര്ഡിനേറ്റര് താല്ക്കാലിക ഒഴിവ്
വിമുക്തി ജില്ലാ മിഷന് കോ-ഓര്ഡിനേറ്റര് (കരാര് നിയമനം)ഒരു ഒഴിവ്. യോഗ്യത സോഷ്യല് വര്ക്ക്, സൈക്കോളജി, വിമന് സ്റ്റഡീസ്, ജന്ഡര് സ്റ്റഡീസ് എന്നിവയില് ഒന്നില് അംഗീകൃത സര്വ്വകലാശാലയില് നിന്നുള്ള അംഗീകൃത ബിരുദാന്തര ബിരുദം. അഭികാമ്യം ലഹരി വിരുദ്ധ പ്രവര്ത്തനവുമായി ബന്ധപ്പെട്ട് സര്ക്കാര്, അര്ദ്ധ സര്ക്കാര് സ്ഥാപനങ്ങളിലോ മിഷനുകളിലോ പ്രോജക്ടുകളിലോ കുറഞ്ഞത് ഒരു വര്ഷത്തെ പ്രവര്ത്തി പരിചയം. പ്രായപരിധി 23-60 വയസ്. ശമ്പളം 50,000 രൂപ (കണ്സോളിഡേറ്റ് പേ) അപേക്ഷകര് ബയോഡാറ്റ മൊബൈല് ഫോണ് നമ്പര്, സര്ട്ടിഫിക്കറ്റുകളുടെ പകര്പ്പ് എന്നിവ സഹിതം മാര്ച്ച് 11ന് വൈകീട്ട് അഞ്ചിന് മുമ്പായി എറണാകുളം എക്സൈസ് ഡെപ്യൂട്ടി കമ്മീഷണറുടെ വിലാസത്തില് അപേക്ഷ സമര്പ്പിക്കണം. അഭിമുഖത്തിന് നിശ്ചയിച്ച തീയതി അപേക്ഷയുടെ സൂക്ഷ്മ പരിശോധനയ്ക്ക് ശേഷം അറിയിക്കും. വിലാസം എക്സൈസ് ഡെപ്യൂട്ടി കമ്മീഷണര്,എക്സൈസ് ഡിവിഷന് ഓഫീസ്, എക്സൈസ് സോണല് കോംപ്ളെക്സ്, കച്ചേരിപ്പടി, എറണാകുളം-682 018
പ്രോജക്ട് അസിസ്റ്റന്റ് ഒഴിവ്
തൊടുപുഴ ബ്ലോക്ക് പഞ്ചായത്തില് ദിവസ വേതന നിരക്കില് ഒരു പ്രോജക്ട് അസിസ്റ്റന്റിനെ നിയമനം നടത്തുന്നതിന് അപേക്ഷ ക്ഷണിച്ചു. 2022 ജനുവരി 1 ന് 18 നും 30 നും ഇടയില് പ്രായമുള്ള (പട്ടികജാതി പട്ടികവര്ഗ്ഗ വിഭാഗങ്ങള്ക്ക് 3 വര്ഷത്തെ ഇളവുണ്ട്) നിശ്ചിത യോഗ്യതയുള്ള ഉദ്യോഗാര്ത്ഥികളില് നിന്നും മാര്ച്ച് 11 ന് 5 മണിയ്ക്ക് മുമ്പായി സെക്രട്ടറി, തൊടുപുഴ ബ്ലോക്ക് പഞ്ചായത്ത് ഓഫീസ്, കോലാനി പി.ഒ, തൊടുപുഴ എന്ന മേല്വിലാസത്തില് സര്ട്ടിഫിക്കറ്റുകളുടെ സാക്ഷ്യപ്പെടുത്തിയ പകര്പ്പ് സഹിതം അപേക്ഷ സമര്പ്പിക്കേണ്ടതാണ്. യോഗ്യത - സംസ്ഥാന സാങ്കേതിക പരീക്ഷാ കണ്ട്രോളര് സാങ്കേതിക വിദ്യാഭ്യാസ ബോര്ഡ് നടത്തുന്ന മൂന്ന് വര്ഷത്തെ ഡിപ്ലോമ ഇന് കൊമേഴ്സ്യല് പ്രാക്റ്റീസ്, ഡിപ്ലോമ ഇന് കമ്പ്യൂട്ടര് ആപ്ലിക്കേഷന് ആന്ഡ് ബിസിനസ്സ് മാനേജ്മെന്റ് പാസ്സായിരിക്കണം.
അല്ലെങ്കില് കേരളത്തിലെ സര്വ്വകലാശാലകള് അംഗീകരിച്ചിട്ടുള്ള ബിരുദവും ഒപ്പം ഒരു വര്ഷത്തില് കുറയാതെയുള്ള അംഗീകൃത ഡിപ്ലോമ ഇന് കമ്പ്യൂട്ടര് ആപ്ലിക്കേഷനോ പോസ്റ്റ് ഗ്രാജുവേറ്റ് ഡിപ്ലോമ ഇന് കമ്പ്യൂട്ടര് ആപ്ലിക്കേഷനോ പാസ്സായിരിക്കണം.
Click it and Unblock the Notifications
Sign in with Google