ഡിസ്ട്രിക്റ്റ് ആൻഡ് സെഷൻസ് കോടതിയിൽ പബ്ലിക് പ്രോസിക്യൂട്ടർ: തൊഴിൽ അവസരങ്ങൾ
തിരുവനന്തപുരം നെയ്യാറ്റിൻകര അഡീഷണൽ ഡിസ്ട്രിക്റ്റ് ആൻഡ് സെഷൻസ് കോടതിയിലെ അഡീഷണൽ ഗവണ്മെന്റ് പ്ലീഡർ ആൻഡ് അഡീഷണൽ പബ്ലിക് പ്രോസിക്യൂട്ടർ തസ്തികയിലേക്കുള്ള അഭിഭാഷക പാനലിലേക്ക് അപേക്ഷ ക്ഷണിച്ചു. നിശ്ചിത യോഗ്യതയുള്ളവരും ബാർ അസോസിയേഷനിൽ രജിസ്റ്റർ ചെയ്ത് ഏഴ് വർഷത്തിൽ കുറയാത്ത പ്രവൃത്തി പരിചയം ഉള്ളവരും 60 വയസ് കവിയാത്തതുമായ അഭിഭാഷകർക്ക് അപേക്ഷിക്കാവുന്നതാണ്.
അപേക്ഷയോടൊപ്പം ജനനതീയതി, എൻറോൾമെന്റ് തീയതി, പ്രവൃത്തി പരിചയം, ഫോൺ നമ്പർ, ഇ-മെയിൽ ഐ.ഡി, അപേക്ഷകൻ ഉൾപ്പെടുന്ന പോലീസ് സ്റ്റേഷൻ എന്നിവയടങ്ങിയ ബയോഡാറ്റയും ജനനതീയതി, പ്രവൃത്തി പരിചയം എന്നിവ തെളിയിക്കുന്ന രേഖകളും ബിരുദം എൻറോൾമെന്റ് സർട്ടിഫിക്കറ്റുകൾ എന്നിവയുടെ സ്വയം സാക്ഷ്യപ്പെടുത്തിയ പകർപ്പുകളും , അപേക്ഷകൻ കൈകാര്യം ചെയ്തിട്ടുള്ള ഗൗരവ സ്വഭാവമുള്ള മൂന്ന് സെഷൻസ് കേസുകളുടെ ജഡ്ജ്മെന്റ് പകർപ്പുകളും സഹിതം സീനിയർ സൂപ്രണ്ട്, സ്യൂട്ട് സെക്ഷൻ, കളക്ടറേറ്റ്, സിവിൽ സ്റ്റേഷൻ, കുടപ്പനക്കുന്ന്, തിരുവനന്തപുരം 695 043 എന്ന വിലാസത്തിൽ മാർച്ച് ഏഴിനകം സമർപ്പിക്കണമെന്ന് ജില്ലാ കളക്ടർ ജെറോമിക് ജോർജ് അറിയിച്ചു.
താത്ക്കാലിക ഒഴിവ്
എറണാകുളം ജില്ലയിലെ ഒരു സംസ്ഥാന സര്ക്കാര് സ്ഥാപനത്തില് കേന്ദ്രാവിഷ്കൃത പദ്ധതിക്ക് കീഴില് താത്ക്കാലിക ഒഴിവുകള് നിലവിലുണ്ട്. അക്കൗണ്ട്സ് അസിസ്റ്റന്റ് - ഒരു ഒഴിവ്. യോഗ്യത അക്കൗണ്ടിംഗില് ഡിഗ്രി/ഡിപ്ലോമ, മൂന്ന് വര്ഷത്തില് കുറയാത്ത തൊഴില്പരിചയം. ഡിസ്ട്രിക്ട് മിഷന് കോ-ഓഡിനേറ്റര് - ഒരു ഒഴിവ്. യോഗ്യത - സോഷ്യല് സയന്സില് ബിരുദം. മൂന്ന് വര്ഷത്തില് കുറയാത്ത തൊഴില് പരിചയം. സ്പെഷ്യലിസ്റ്റ് ഇന് ഫിനാന്ഷ്യല് ലിറ്ററസി. യോഗ്യത- സാമ്പത്തിക ശാസ്ത്രം/ബാങ്കിംഗില് ബിരുദം. മൂന്ന് വര്ഷത്തില് കുറയാത്ത തൊഴില് പരിചയം. ഡാറ്റ എന്ട്രി ഓപ്പറേറ്റര്. യോഗ്യത - ബിരുദം. കംപ്യൂട്ടര് പരിജ്ഞാനം. മൂന്ന് വര്ഷത്തില് കുറയാത്ത തൊഴില് പരിചയം. ഡയാലിസിസ് ടെക്നീഷ്യന് - യോഗ്യത - മെഡിക്കല് കോളേജില് (ഡിഎംഇ) നിന്നുള്ള ഡയാലിസിസ് ടെക്നീഷ്യന് ബിരുദം/ഡിപ്ലോമ. എല്ലാ തസ്തികളിലും ഒഴിവാണ് നിലവിലുളളത്. പ്രായം-2023 ജനുവരി ഒന്നിന് 18 വയസ് തികയണം. 40 വയസ് കവിയരുത്. നിശ്ചിത യോഗ്യതയുള്ള ഉദ്യോഗാര്ഥികള് എല്ലാ അസ്സല് സര്ട്ടിഫിക്കറ്റുകളും സഹിതം ബന്ധപ്പെട്ട എംപ്ലോയ്മെന്റ് എക്സ്ചേഞ്ചില് ഫെബ്രുവരി 28 ന് മുന്പ് പേര് രജിസ്റ്റര് ചെയ്യണം. കൂടുതല് വിവരങ്ങള്ക്ക് 0484 2422458 എന്ന നമ്പറില് ബന്ധപ്പെടുക.
സംഹിത സംസ്കൃത സിദ്ധാന്തയില് അസിസ്റ്റന്റ് പ്രൊഫസര്
തിരുവനന്തപുരം സര്ക്കാര് ആയുര്വേദ കോളേജിലെ സംഹിത സംസ്കൃത സിദ്ധാന്ത വകുപ്പിലെ അസിസ്റ്റന്റ് പ്രൊഫസര് (ഗസ്റ്റ് ലകച്ചറര്) തസ്തികയില് കരാര് അടിസ്ഥാനത്തില് നിയമനം നടത്തുന്നു. മാര്ച്ച് 02 ന് രാവിലെ 11 മണിക്ക് ആയുര്വേദ കോളേജ് പ്രിന്സിപ്പാളിന്റെ കാര്യാലയത്തില് വാക്ക് ഇന് ഇന്റര്വ്യൂ നടത്തും. ബന്ധപ്പെട്ട വിഷയത്തിലുളള ബിരുദാനന്തര ബിരുദമാണ് യോഗ്യത. ഉദ്ദ്യോഗാര്ത്ഥികള് വിദ്യാഭ്യാസയോഗ്യത തെളിയിക്കുന്നതിനുളള അസ്സല് സര്ട്ടിഫിക്കറ്റുകളും, അവയുടെ സാക്ഷ്യപ്പെടുത്തിയ പകര്പ്പുകളും, ബയോഡേറ്റയും സഹിതം അന്നേ ദിവസം രാവിലെ 10.30 മണിക്ക് തിരുവനന്തപുരം സര്ക്കാര് ആയുര്വേദ കോളേജ് പ്രിന്സിപ്പാളിന്റെ കാര്യാലയത്തില് ഹാജരാകണം.
അഗദതന്ത്രയില് അസിസ്റ്റന്റ് പ്രൊഫസര്
തിരുവനന്തപുരം സര്ക്കാര് ആയുര്വേദ കോളേജിലെ അഗദതന്ത്ര വകുപ്പിലെ അസിസ്റ്റന്റ് പ്രൊഫസര് (ഗസ്റ്റ് ലകച്ചറര്) തസ്തികയില് കരാര് അടിസ്ഥാനത്തില് നിയമനം നടത്തുന്നു. മാര്ച്ച് 03 ന് രാവിലെ 11 മണിക്ക് ആയുര്വേദ കോളേജ് പ്രിന്സിപ്പാളിന്റെ കാര്യാലയത്തില് വാക്ക് ഇന് ഇന്റര്വ്യൂ നടത്തും. ബന്ധപ്പെട്ട വിഷയത്തിലുളള ബിരുദാനന്തര ബിരുദമാണ് യോഗ്യത. ഉദ്ദ്യോഗാര്ത്ഥികള് വിദ്യാഭ്യാസയോഗ്യത തെളിയിക്കുന്നതിനുളള അസ്സല് സര്ട്ടിഫിക്കറ്റുകളും, അവയുടെ സാക്ഷ്യപ്പെടുത്തിയ പകര്പ്പുകളും, ബയോഡേറ്റയും സഹിതം അന്നേ ദിവസം രാവിലെ 10.30 മണിക്ക് തിരുവനന്തപുരം സര്ക്കാര് ആയുര്വേദ കോളേജ് പ്രിന്സിപ്പാളിന്റെ കാര്യാലയത്തില് ഹാജരാകണം.
Click it and Unblock the Notifications
Sign in with Google