ആര്ബിഐ അസിസ്റ്റന്റ്: പ്രിലിമിനറി പരീക്ഷ ഫലം പുറത്ത്, മെയിന് പരീക്ഷ മെയ് 8ന്
ആര് ബി ഐ അസിസ്റ്റന്റ് പ്രിലിമിനറി പരീക്ഷയ്ക്ക് അര്ഹരായ ഉദ്യോഗാര്ത്ഥികളുടെ സെലക്ഷന് ലിസ്റ്റ് റിസര്വ് ബാങ്ക് ഓഫ് ഇന്ത്യ ( ആര് ബി ഐ ) പുറത്തുവിട്ടു. ഫലങ്ങള്ക്കായി കാത്തിരിക്കുന്ന ഉദ്യോഗാര്ത്ഥികള്ക്ക് ഇപ്പോള് അവ ഔദ്യോഗിക വെബ്സൈറ്റില് പരിശോധിക്കാം.
ഏപ്രില് 21 ന് ഫലം പ്രഖ്യാപിച്ചതിനാല്, ഈ വര്ഷം മാര്ച്ച് 26, മാര്ച്ച് 27 തീയതികളില് ആര് ബി ഐ അസിസ്റ്റന്റ് പരീക്ഷ എഴുതിയ എല്ലാ ഉദ്യോഗാര്ത്ഥികള്ക്കും വെബ്സൈറ്റ് നേരിട്ട് സന്ദര്ശിച്ച് ഫലം ഡൗണ്ലോഡ് ചെയ്യാം. പ്രിലിമിനറി ഫല ലിസ്റ്റില് ഇടം നേടിയ എല്ലാവര്ക്കും 2022 മെയ് 8 ന് നടക്കാനിരിക്കുന്ന മെയിന് പരീക്ഷ എഴുതാം.
'കുക്ക്' താത്കാലിക ഒഴിവ്
കെപ്കോയ്ക്ക് കീഴിൽ പേട്ടയിൽ പ്രവർത്തിക്കുന്ന റസ്റ്റോറന്റിൽ താത്കാലിക അടിസ്ഥാനത്തിൽ കുക്കിനെ നിയമിക്കുന്നു. 18 നും 50 നും ഇടയിൽ പ്രായമുള്ളവർക്ക് അപേക്ഷിക്കാം. അപേക്ഷകന് ചൈനീസ്/തന്തൂർ/അറബിക് പാചകത്തിൽ രണ്ട് വർഷത്തിൽ കുറയാത്ത മുൻപരിചയം ഉണ്ടായിരിക്കണം. അപേക്ഷകൾ ബയോഡാറ്റ സഹിതം 30 ന് മുൻപ് മാനേജിങ് ഡയറക്ടർ, കേരള സംസ്ഥാന പൗൾട്രി വികസന കോർപ്പറേഷൻ ലിമിറ്റഡ് (കെപ്കോ), ടി.സി 30/697, പേട്ട, തിരുവനന്തപുരം-695 024 എന്ന വിലാസത്തിൽ ലഭിക്കണം. ഇ-മെയിൽ: [email protected].
തൊഴിലധിഷ്ഠിത കോഴ്സുകളിലേക്ക് അപേക്ഷിക്കാം
കെല്ട്രോണിന്റെ തൊഴിലധിഷ്ഠിത കോഴ്സുകളായ കംപ്യൂട്ടര് ഹാര്ഡ് വെയര് ആന്റ് നെറ്റ്വര്ക്ക് മെയിന്റനന്സ് വിത്ത് ഇ-ഗാഡ്ജറ്റ് ടെക്നോളജീസ്, വെബ് ഡിസൈന് ആന്റ് ഡവലപ്മെന്റ്, പ്രോഗ്രാമിംഗ് ഇന് ജാവ, ഡോട്ട് നെറ്റ്, പൈത്തണ്, സോഫ്റ്റ് വെയര് ടെസ്റ്റിംഗ് എന്നിവയിലേക്ക് അപേക്ഷ ക്ഷണിച്ചു. കൂടുതല് വിവരങ്ങള്ക്ക് സ്പെന്സര് ജംഗ്ഷനിലെ കെല്ട്രോണ് നോളജ് സെന്ററുമായി ബന്ധപ്പെടണമെന്ന് സ്ഥാപന മേധാവി അറിയിച്ചു. ഫോണ്- 0471 2337450, 954499114.
കേരള ലാ അക്കാദമിയിൽ പ്രവേശനത്തിന് ആപേക്ഷിക്കാം
കേരള ലാ അക്കാദമി ലാ കോളേജിൽ 2022-23 അദ്ധ്യായന വർഷത്തിലേക്കുള്ള അഡ്മിഷൻ ആരംഭിച്ചു. പഞ്ചവത്സര ബിഎ എൽഎൽബി, പഞ്ചവത്സര ബികോം എൽഎൽബി, ത്രിവത്സര എൽഎൽബി, എൽഎൽഎം, എംബിഎൽ എന്നീ കോഴ്സുകളിലേക്ക് അപേക്ഷ ക്ഷണിച്ചു.
പഞ്ചവത്സര ബിഎ എൽഎൽബി, ബികോം എൽഎൽബി കോഴ്സുകൾക്ക് 45% മാർക്കോടെ പ്ലസ്ടു യോഗ്യത. പ്രവേശന പരീക്ഷ, അഭിമുഖം എന്നിവയുടെ അടിസ്ഥാനത്തിലാണ് അഡ്മിഷൻ. അപേക്ഷ ഫീസ് 1,250/- രൂപ.
ത്രിവത്സര എൽഎൽബി കോഴ്സിലേക്ക് 45% മാർക്കോടെ അംഗീകൃത സർവകലാശാലയിൽ നിന്നും ബിരുദം. അപേക്ഷ ഫീസ് 1,000/- രൂപ.
എൽഎൽഎം കോഴ്സിലേക്ക് അംഗീകൃത സർവകലാശാലയിൽ നിന്നും നിയമ ബിരുദമാണ് യോഗ്യത. അപേക്ഷ ഫീസ് 1,000/- രൂപ.
എംബിഎൽ കോഴ്സിലേക്ക് അംഗീകൃത സർവകലാശാലയിൽ നിന്നും 50% മാർക്കോടെ ബിരുദമാണ് യോഗ്യത. അപേക്ഷ ഫീസ് 1,000/- രൂപ.
അപേക്ഷകൾ ഓൺലൈൻ വഴി (www.keralalawacademy.in) സമർപ്പിക്കാവുന്നതാണ്.
കൂടുതൽ വിവരങ്ങൾക്ക്
കേരള ലാ അക്കാദമി ലാ കോളേജ്
പേരൂർക്കട, തിരുവനന്തപുരം - 695005
ഫോൺ : 0471-2433166
Recommended Video
ലബോറട്ടറി അസിസ്റ്റന്റ്
മലപ്പുറം ജില്ലയിലെ ഒരു സർക്കാർ സ്ഥാപനത്തിൽ ഓപ്പൺ വിഭാഗത്തിൽ ലബോറട്ടറി അസിസ്റ്റന്റ് തസ്തികയിൽ ഒരു താത്കാലിക ഒഴിവുണ്ട്. എസ്.എസ്.എൽ.സിയോ തത്തുല്യ യോഗ്യതയോ വേണം.
ഏതെങ്കിലും അംഗീകൃത കെമിക്കൽ/ഫിസിക്കൽ ലബോറട്ടറിയിലെ രണ്ടു വർഷത്തെ പ്രവൃത്തി പരിചയം (കേരള ഇൻഡസ്ട്രീസ് ആൻഡ് സബോർഡിനേറ്റ് സർവീസ് സ്പെഷ്യൽ റൂൾസ് പ്രകാരമുള്ള യോഗ്യത). 01/01/2018 നു 18 നും 41 നും മദ്ധ്യേയായിരിക്കണം പ്രായം. നിയമാനുസൃത വയസിളവ് ലഭിക്കും. 18,000 - 41,500 രൂപയാണ് വേതനം.നിശ്ചിത യോഗ്യതയുള്ള ഉദ്യോഗാർഥികൾ വിദ്യാഭ്യാസ യോഗ്യത, തൊഴിൽ പരിചയം എന്നിവ തെളിയിക്കുന്ന അസൽ സർട്ടിഫിക്കറ്റുകളുമായി അതത് എംപ്ലോയ്മെന്റ് എക്സ്ചേഞ്ചുകളിൽ 28 നകം നേരിട്ട് ഹാജരായി പേര് രജിസ്റ്റർ ചെയ്യണം.
Click it and Unblock the Notifications
Sign in with Google