സുവർണ്ണാവസരം; റെയിൽവേയിൽ 11,000-ലേറെ ഒഴിവുകൾ; അപേക്ഷിക്കാൻ മറക്കരുത്!

കേന്ദ്ര സർക്കാർ ജോലി സ്വപ്നം കാണുന്ന ഉദ്യോഗാർത്ഥികൾക്കായി വമ്പിച്ച തൊഴിലവസരം എത്തിയിരിക്കുന്നു. ഇന്ത്യൻ റെയിൽവേയിൽ അസിസ്റ്റന്റ് ലോക്കോ പൈലറ്റ് (ALP) തസ്തികയിലേക്ക് രാജ്യത്തുടനീളം പതിനായിരത്തിലധികം ഒഴിവുകളാണ് റെയിൽവേ റിക്രൂട്ട്‌മെന്റ് ബോർഡ് (RRB) ഇപ്പോൾ റിപ്പോർട്ട് ചെയ്തിരിക്കുന്നത്. സ്ഥിരതയുള്ള ജോലിയും ആകർഷകമായ ശമ്പളവും റെയിൽവേ വാഗ്ദാനം ചെയ്യുന്ന വൈവിധ്യമാർന്ന ആനുകൂല്യങ്ങളും സ്വന്തമാക്കാൻ ആഗ്രഹിക്കുന്നവർക്ക് ഈ വർഷത്തെ ഏറ്റവും വലിയ വിജ്ഞാപനങ്ങളിൽ ഒന്നാണിത്. വിജ്ഞാപനത്തിന്റെ അടിസ്ഥാനത്തിൽ മെയ് 15 മുതൽ അപേക്ഷകൾ സ്വീകരിച്ചു തുടങ്ങും.

പ്രധാന തീയതികൾ

തീയതികൾ മറക്കാതിരിക്കാൻ ഉദ്യോഗാർത്ഥികൾ താഴെ പറയുന്നവ കുറിച്ചുവെക്കുക.

പൂർണ്ണ വിജ്ഞാപനം: 2026 മെയ് 14

ഓൺലൈൻ അപേക്ഷ ആരംഭിക്കുന്നത്: 2026 മെയ് 15

അപേക്ഷിക്കാനുള്ള അവസാന തീയതി: 2026 ജൂൺ 14 (രാത്രി 11:59 വരെ)

ഒഴിവുകളും ശമ്പള ആനുകൂല്യങ്ങളും

ആകെ 11,127 ഒഴിവുകളാണുള്ളത്. രാജ്യത്തെ വിവിധ റെയിൽവേ ബോർഡുകളായ ഡൽഹി, മുംബൈ, കൊൽക്കത്ത എന്നിവ വഴിയാണ് ഈ ബൃഹത്തായ നിയമന പ്രക്രിയ ഏകോപിപ്പിക്കുന്നത്. സെവൻത് പേ കമ്മീഷൻ പ്രകാരം ലെവൽ-2 വിഭാഗത്തിൽപ്പെടുന്ന ഈ തസ്തികയിലേക്ക് തിരഞ്ഞെടുക്കപ്പെടുന്നവർക്ക് പ്രതിമാസം 19,900 രൂപ അടിസ്ഥാന ശമ്പളമായി (Basic Pay) ലഭിക്കും. ഇതിന് പുറമെ ഡിഎ (Dearness Allowance), എച്ച്ആർഎ (House Rent Allowance) തുടങ്ങിയ മറ്റ് ആനുകൂല്യങ്ങളും ലഭിക്കും. കേന്ദ്ര സർക്കാർ ഉദ്യോഗസ്ഥർക്ക് ലഭിക്കുന്ന പെൻഷൻ, കുടുംബാംഗങ്ങൾക്കുള്ള മികച്ച മെഡിക്കൽ സൗകര്യങ്ങൾ എന്നിവയും ഈ ജോലിയെ കൂടുതൽ ആകർഷകമാക്കുന്നു. എട്ടാം ശമ്പള കമ്മീഷൻ വരുന്നതോടെ ശമ്പളം പതിന്മടങ്ങ് വർധിക്കും.

വിദ്യാഭ്യാസ യോഗ്യത

താഴെ പറയുന്ന ഏതെങ്കിലും ഒരു സാങ്കേതിക യോഗ്യതയുള്ളവർക്ക് അപേക്ഷിക്കാം.

പത്താം ക്ലാസ് വിജയവും അതോടൊപ്പം അംഗീകൃത സ്ഥാപനത്തിൽ നിന്ന് ഐടിഐ (ITI) സർട്ടിഫിക്കറ്റും അല്ലെങ്കിൽ അപ്രന്റീസ്ഷിപ്പും പൂർത്തിയാക്കിയിരിക്കണം (ഫിറ്റർ, ഇലക്ട്രീഷ്യൻ, മെക്കാനിക് മോട്ടോർ വെഹിക്കിൾ തുടങ്ങിയ ട്രേഡുകൾ).

മെക്കാനിക്കൽ, ഇലക്ട്രിക്കൽ, ഇലക്ട്രോണിക്സ്, അല്ലെങ്കിൽ ഓട്ടോമൊബൈൽ എൻജിനീയറിംഗിൽ മൂന്ന് വർഷത്തെ ഡിപ്ലോമ ഉണ്ടായിരിക്കണം. എൻജിനീയറിംഗ് ബിരുദമുള്ളവർക്കും അപേക്ഷ നൽകാവുന്നതാണ്.

പ്രായപരിധി

2026 ജൂലൈ 1 അടിസ്ഥാനമാക്കി കുറഞ്ഞ പ്രായം 18 വയസ്സും പരമാവധി പ്രായം 30 വയസ്സും ആയിരിക്കണം. ഒബിസി വിഭാഗക്കാർക്ക് 3 വർഷവും, എസ്സി/എസ്ടി വിഭാഗക്കാർക്ക് 5 വർഷവും പ്രായപരിധിയിൽ ഇളവ് അനുവദിക്കും.

തിരഞ്ഞെടുപ്പ് പ്രക്രിയ

അഞ്ച് ഘട്ടങ്ങളിലൂടെയാണ് ഏറ്റവും മികച്ച ഉദ്യോഗാർത്ഥികളെ റെയിൽവേ കണ്ടെത്തുന്നത്.

സിബിടി-1 (First Stage CBT): കമ്പ്യൂട്ടർ അധിഷ്ഠിത പ്രാഥമിക പരീക്ഷ.

സിബിടി-2 (Second Stage CBT): വിഷയ സംബന്ധമായ ആഴത്തിലുള്ള അറിവ് പരിശോധിക്കുന്ന രണ്ടാമത്തെ പരീക്ഷ.

കമ്പ്യൂട്ടർ അധിഷ്ഠിത അഭിരുചി പരീക്ഷ (CBAT): സൈക്കോ ടെസ്റ്റ് എന്ന് അറിയപ്പെടുന്ന പരീക്ഷ.

സർട്ടിഫിക്കറ്റ് പരിശോധന (Document Verification): യോഗ്യത തെളിയിക്കുന്ന രേഖകളുടെ പരിശോധന.

മെഡിക്കൽ പരിശോധന: റെയിൽവേയുടെ കർശനമായ ശാരീരികക്ഷമത നിലവാരം പരിശോധിക്കും.

അപേക്ഷിക്കേണ്ട വിധം

താൽപ്പര്യമുള്ളവർക്ക് rrbapply.gov.in എന്ന ഔദ്യോഗിക പോർട്ടൽ വഴി ഓൺലൈനായി അപേക്ഷിക്കാം. വെബ്സൈറ്റിൽ രജിസ്റ്റർ ചെയ്ത ശേഷം ആവശ്യമായ വിവരങ്ങൾ നൽകി ഫോട്ടോയും സർട്ടിഫിക്കറ്റുകളും അപ്‌ലോഡ് ചെയ്യുക. ജനറൽ, ഒബിസി വിഭാഗക്കാർക്ക് 500 രൂപയാണ് ഫീസ്. എസ്സി/എസ്ടി, സ്ത്രീകൾ എന്നിവർക്ക് ഫീസ് ഇളവുകൾ ലഭ്യമാണ്. ഈ വൻ അവസരം പാഴാക്കാതെ മെയ് 15 മുതൽ അപേക്ഷിക്കാൻ തയ്യാറെടുക്കുക. കൂടുതൽ വിവരങ്ങൾക്കായി ഔദ്യോഗിക വെബ്സൈറ്റ് പതിവായി സന്ദർശിക്കുക. കഠിനാധ്വാനം ചെയ്യാൻ തയ്യാറാണെങ്കിൽ ഇന്ത്യൻ റെയിൽവേയുടെ വളർച്ചയുടെ ഭാഗമാകാൻ നിങ്ങൾക്ക് സാധിക്കും.