സൗദി അറേബ്യയിലെ സർക്കാർ വകുപ്പില് തൊഴില് നേടാന് സുവർണ്ണാവസരം; അഭിമുഖം 28 മുതല് ചെന്നൈയില്
തിരുവനന്തപുരം; സൗദി അറേബ്യയിലെ ആരോഗ്യമന്ത്രാലയത്തിലേക്ക് വിവിധ സ്പെഷ്യാലിറ്റികളിലേയ്ക്കുളള വനിത നഴ്സിങ് പ്രൊഫഷണലുകളുടെ ഒഴിവുകളിലേയ്ക്ക് നോര്ക്ക റൂട്ട്സ് വഴി അവസരം. നഴ്സിങ്ങില് ബി എസ് സി യോ പോസ്റ്റ് ബി എസ് സി യോ വിദ്യാഭ്യാസ യോഗ്യതയുളളവര്ക്ക് അപേക്ഷിക്കാവുന്നതാണ്. നിലവില് ജോലി ചെയ്യുന്ന നഴ്സുമാര്ക്ക് കുറഞ്ഞത് ഒരു വര്ഷത്തെ പ്രവര്ത്തി പരിചയവും അനിവാര്യമാണ്. ഇതിനായുളള അഭിമുഖങ്ങള് 2023 ഓഗസ്റ്റ് 28 മുതല് 31 വരെ ചെന്നൈയിൽ നടക്കും.
വിശദമായ സിവി, വിദ്യാഭ്യാസ യോഗ്യത സര്ട്ടിഫിക്കറ്റിന്റെ പകര്പ്പ്, നിലവില് ജോലി ചെയ്യുന്നത് തെളിയിക്കുന്ന രേഖ, ആധാര് കാര്ഡിന്റെയും, പാസ്സ്പോര്ട്ടിന്റെയും കോപ്പി, പാസ്സ്പോര്ട്ട് സൈസ് ഫോട്ടോ എന്നിവ സഹിതം അപേക്ഷിക്കാവുന്നതാണ്.
അപേക്ഷ അയയ്ക്കുന്നതിനുളള മാര്ഗ്ഗനിര്ദ്ദേശങ്ങള്ക്കായുളള വിശദമായ വിജ്ഞാപനം നോര്ക്ക റൂട്ട്സിന്റെയും (www.norkaroots.org) എന്. ഐ.എഫ്.എല് (www.nifl.norkaroots.org) ന്റെയും ഔദ്യോഗിക വെബ്ബ്സൈറ്റുകളില് ലഭ്യമാണ്. കൂടുതല് വിവരങ്ങള്ക്ക് 24 മണിക്കൂറും പ്രവര്ത്തിക്കുന്ന നോര്ക്ക റൂട്ട്സ് ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്പറുകളായ 1800 425 3939 (ഇന്ത്യയില് നിന്നും) +91-8802 012 345 (വിദേശത്തുനിന്നും, മിസ്സ്ഡ് കോള് സര്വ്വീസ്സ്) ബന്ധപ്പെടാവുന്നതാണ്.
സൗദി MoH റിക്രൂട്ട്മെന്റിന് 1983 ലെ എമിഗ്രേഷൻ ആക്ട് പ്രകാരം തിരഞ്ഞെടുക്കപ്പെടുന്ന ഉദ്യോഗാർത്ഥികളിൽ നിന്ന് നോര്ക്ക റൂട്ട്സ് നിയമാനുസൃതമായ സർവീസ് ചാർജ് ഈടാക്കുന്നതാണ്.
നോര്ക്ക റൂട്ട്സ് വഴിയുളള റിക്രൂട്ട്മെന്റ് പ്രക്രിയയിൽ സ്വകാര്യ റിക്രൂട്ടിംഗ് ഏജൻസികൾക്ക് ഒരു റോളും ഇല്ല. കൂടാതെ തിരഞ്ഞെടുക്കപ്പെടുന്നതിന് അപേക്ഷകർ ഏതെങ്കിലും മൂന്നാം കക്ഷിക്ക് പണമോ പാരിതോഷികമോ നൽകരുത്. ഇത്തരം നിയമവിരുദ്ധ പ്രവർത്തനങ്ങള് ശ്രദ്ധയില്പെട്ടാല് അത് നോർക്ക റൂട്ട്സിനെ അറിയിക്കണമെന്ന് നോർക്ക റൂട്ട്സ് അധികൃതർ അറിയിച്ചു.
നോര്ക്ക സൗജന്യ സംരംഭകത്വ പരിശീലനം
സംസ്ഥാനതല ഉദ്ഘാടനം ആഗസ്റ്റ് 21 ന് പെരിന്തല്മണ്ണയില്
പ്രവാസികള്ക്കായി നോര്ക്ക ബിസ്സിനസ്സ് ഫെസിലിറ്റേഷന് സെന്ററിന്റെ (എന്.ബി.എഫ്.സി) നേതൃത്വത്തില് സംഘടിപ്പിച്ചുവരുന്ന സൗജന്യ സംരംഭകത്വ പരിശീലനത്തിന്റെ നടപ്പുസാമ്പത്തിക വര്ഷത്തെ പ്രോഗ്രാമിന് ആഗസ്റ്റ് 21 ന് തുടക്കമാകും.
പരിശീലന പരിപാടിയുടെ സംസ്ഥാനതല ഉദ്ഘാടനം മലപ്പുറം പെരിന്തല്മണ്ണ വാവാസ്-മാളില് ആഗസ്റ്റ് 21 ന് രാവിലെ 10 ന് നോര്ക്ക റൂട്ട്സ് റസിഡന്റ് വൈസ് ചെയര്മാന് ശ്രീ. പി. ശ്രീരാമകൃഷ്ണന് നിര്വ്വഹിക്കും. തിരഞ്ഞെടുക്കപ്പെട്ട 100 ഓളം പ്രവാസി സംരംഭകര് പങ്കെടുക്കും. ചടങ്ങില് നോര്ക്ക റൂട്ട്സ് ജനറല് മാനേജര് ശ്രീ. അജിത്ത് കോളശ്ശേരി അധ്യക്ഷത വഹിക്കും. KIED സി.ഇ.ഒ ശ്രീ. ബെനഡിക്ട് വില്യം ജോണ്സ് സ്വാഗതവും, നോര്ക്ക റൂട്ട്സ് കോഴിക്കോട് സെന്റര് മാനേജര് ശ്രീ. സി. രവീന്ദ്രന് നന്ദിയും അറിയിക്കും.
Click it and Unblock the Notifications
Sign in with Google