സൗദി അറേബ്യയില് ജോലി നേടാം: അഭിമുഖം മാത്രം, മികച്ച ശമ്പളം; സർക്കാർ വഴി റിക്രൂട്ട്മെന്റ്
കേരള സർക്കാർ സ്ഥാപനമായ നോർക്ക വഴി വീണ്ടും വിദേശ റിക്രൂട്ട്മെന്റ്. സൗദി അറേബ്യയിലെ ആരോഗ്യമന്ത്രാലയത്തിലേയ്ക്കാണ് വിവിധ സ്പെഷ്യാലിറ്റികളില് കൺസൾട്ടന്റ് / സ്പെഷ്യലിസ്റ്റ് ഡോക്ടര്മാരുടെ ഒഴിവുകളിലേയ്ക്കാണ് നോര്ക്ക റൂട്ട്സ് റിക്രൂട്ട്മെന്റ്സ്. ഡിസംബര് 30 വരെ അപേക്ഷ നല്കാം.
എമർജൻസി, ഐ സി യു (ഇന്റൻസീവ് കെയർ യൂണിറ്റ്), എന് ഐ സി യു (നവജാത ശിശു ഇൻ്റൻസീവ് കെയർ യൂണിറ്റ്), പി ഐ സി യു (പീഡിയാട്രിക് ഇൻ്റൻസീവ് കെയർ യൂണിറ്റ്), പ്ലാസ്റ്റിക് സർജറി, വാസ്കുലാർ സർജറി എന്നീ തസ്തികകളിലാണ് ഒഴിവുകള്. വിശദമായ ബയോഡേറ്റയും വിദ്യാഭ്യാസം, പ്രവൃത്തിപരിചയം, പാസ്സ്പോര്ട്ട് എന്നിവയുടെ പകര്പ്പുകളും സഹിതം www.norkaroots.org www.nifl.norkaroots.org എന്നീ വെബ്ബ്സൈറ്റുകൾ സന്ദര്ശിച്ച് അപേക്ഷ നല്കാവുന്നതാണ്.
സ്പെഷ്യാലിറ്റികളില് കുറഞ്ഞത് മൂന്നു വർഷത്തെ പ്രവൃത്തിപരിചയവും വേണം. പ്രായപരിധി 55 വയസ്സ്. അപേക്ഷകര് മുന്പ് എസ് എ എം ആർ പോർട്ടലിൽ രജിസ്റ്റര് ചെയ്തവരാകരുത്. സൗദി കമ്മീഷൻ ഫോർ ഹെൽത്ത് സ്പെഷ്യലിസ്റ്റ് വെബ്സൈറ്റിലെ Mumaris പ്ലസ് സേവനത്തിലൂടെ പ്രൊഫഷണൽ ക്ലാസ്സിഫിക്കേഷന് നേടിയിരിക്കണം. ഇതിനായുളള അഭിമുഖങ്ങള് 2025 ജനുവരി 06 മുതല് 10 വരെ ഓണ്ലൈനായി നടക്കും.
കുറഞ്ഞത് ആറുമാസത്തെ കാലാവധിയുളള സാധുതയുളള പാസ്പോര്ട്ടും ഉളളവരാകണം. കൂടുതല് വിവരങ്ങള്ക്ക് 0471-2770536, 539, 540, 577 എന്നീ നമ്പറുകളിലോ (ഓഫീസ് സമയത്ത്, പ്രവൃത്തിദിനങ്ങളില്) 24 മണിക്കൂറും പ്രവര്ത്തിക്കുന്ന നോര്ക്ക ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്പറുകളായ 1800 425 3939 (ഇന്ത്യയില് നിന്നും) +91-8802 012 345 (വിദേശത്തുനിന്നും, മിസ്സ്ഡ് കോള് സര്വ്വീസ്) ബന്ധപ്പെടാവുന്നതാണ്.
സ്പെഷലിസ്റ്റ് ഡോക്ടർ ഒഴിവ്
ദേശീയ ആരോഗ്യ ദൗത്യം പദ്ധതിക്കുകീഴിൽ സ്പെഷലിസ്റ്റ് ഡോക്ടർ, സ്റ്റാഫ് നഴ്സ്, (പാലിയേറ്റീവ്), പബ്ലിക് റിലേഷൻ ഓഫീസർ, ഡവലപ്മെന്റ് തെറാപ്പിസ്റ്റ് എന്നീ തസ്തികകളിൽ കരാറടിസ്ഥാാനത്തിൽ നിയമിക്കുന്നതിന് അപേക്ഷ ക്ഷണിച്ചു. അപേക്ഷകൾ സമർപ്പിക്കാനും, യോഗ്യത, ശമ്പളം, പ്രായപരിധി തുടങ്ങിയ വിശദവിവരങ്ങൾ അറിയുന്നതിനും www.arogyakeralam.gov.in എന്ന വെബ്സൈറ്റ് സന്ദർശിക്കുക. അപേക്ഷകൾ ഡിസംബർ 26ന് വൈകുന്നേരം അഞ്ച് മണിക്ക് മുമ്പ് ലഭിക്കണം.
പമ്പ് ഓപ്പറേറ്റര് കം പ്ലംബര് ഒഴിവ്
ആലപ്പുഴ ഗവ. ടി ഡി മെഡിക്കല് കോളേജ് ആശുപത്രി വികസന സൊസൈറ്റിയുടെ കീഴില് പമ്പ് ഓപ്പറേറ്റര് കം പ്ലംബര് തസ്തികയിലേക്ക് ദിവസവേതനാടിസ്ഥാനത്തില് താല്ക്കാലിക ജീവനക്കാരെ നിയമിക്കുന്നു. യോഗ്യത പ്ലംബര് ട്രേഡില് എന്ടിസി സര്ട്ടിഫിക്കറ്റ്. ബന്ധപ്പെട്ട മേഖലയില് സര്ക്കാര്, അര്ദ്ധസര്ക്കാര് സ്ഥാപനത്തില് ഒരു വര്ഷത്തെ പ്രവൃത്തിപരിചയം അഭികാമ്യം. പ്രായം 20 നും 40 നുമിടയില്. രാത്രി ഡ്യൂട്ടി ഉള്പ്പെടെ എടുക്കുവാന് തയ്യാറാവണം. താല്പര്യമുള്ളവര് സര്ട്ടിഫിക്കറ്റുകളുടെ പകര്പ്പ് സഹിതം 2025 ജനുവരി 10ന് വൈകിട്ട് അഞ്ചുമണിക്ക് മുമ്പായി അപേക്ഷിക്കുക. ഫോണ്: 0477 2282367,68,69.
Click it and Unblock the Notifications
Sign in with Google