സൗദി ആരാംകോയില് ജോലി നേടിയാല് പ്രവാസികള്ക്കെന്താണ് നേട്ടം: അറിഞ്ഞിരിക്കാം ഈ ആനുകൂല്യങ്ങള്
സൗദി അറേബ്യയില് ജോലിക്ക് ശ്രമിക്കുന്ന ഏത് പ്രവാസിയും ആഗ്രഹിക്കുന്ന കാര്യമാണ് ആരാംകോയില് ഒരു ജോലി കരസ്ഥമാക്കുക എന്നുള്ളത്. ലോകത്തിലെ തന്നെ ഏറ്റവും വലിയ ക്രൂഡ് ഓയില് ഉത്പാദകരായ ആരാംകോ സൗദി സർക്കാറിന് കീഴില് പ്രവർത്തിക്കുന്ന പൊതുമേഖല സ്ഥാപനമാണ്.
ഒരു സർക്കാർ ജോലി ലഭിക്കുന്നത് പോലെയാണ് ആരാംകോയില് ജോലി ലഭിക്കുന്നത് എന്നാണ് പൊതുവെ പറയപ്പെടാറുള്ളത്. മികച്ച ശമ്പളം തന്നെയാണ് പ്രധാന ആകർഷണീയത. ചില വകുപ്പുകള് സൗദികള്ക്ക് മാത്രമായി സംവരണം ചെയ്യപ്പെട്ടിട്ടുണ്ടെങ്കിലും വിദേശികള്ക്കും സ്വന്തമാക്കാന് കഴിയുന്ന നിരവധി ജോലികള് ആരാംകോയില് ലഭ്യമാണ്. ഇത്തരത്തില് മലയാളികള് ഉള്പ്പെടെ നിരവധി പേർ സൗദി ആരാംകോയില് ജോലി ചെയ്യുന്നു.
ആരാംകോയില് ഒരു ജോലിക്കാണ് നിങ്ങള് ശ്രമിക്കുന്നതെങ്കില് കമ്പനിയുടെ ഔദ്യോഗിക വെബ്സൈറ്റ് വഴി അപേക്ഷിക്കാവുന്നതാണ്. ആരാംകോയില് ജോലി ലഭിച്ചാല് എന്താണ് നേട്ടമെന്ന് അറിയാത്ത ചിലരെങ്കിലുമുണ്ടാവും. അത്തരക്കാരുടെ അറിവിലേക്കായി ചില കാര്യങ്ങളാണ് ഇനി ഇവിടെ പറയാന് പോവുന്നത്.
മികച്ച ശമ്പളം: സൗദി ആരാംകോയുടെ ഏറ്റവും വലിയ പ്രത്യേകത എന്ന് പറയുന്നത് തന്നെ മികച്ച ശമ്പളമാണ്. ജീവനക്കാരുടെ കഴിവുകൾക്കും സംഭാവനകൾക്കും ന്യായമായ പ്രതിഫലം ലഭിക്കുന്നുണ്ടെന്ന് സ്ഥാപനം ഉറപ്പ് വരുത്തുന്നു
തൊഴിൽ സുരക്ഷ: ജീവനക്കാർക്ക് അനിശ്ചിതകാല തൊഴിൽ കരാറിൽ സ്ഥിരമായ തൊഴിൽ വാഗ്ദാനം ചെയ്യുന്നു. ഇത് അവരുടെ കരിയറിൽ സ്ഥിരതയും മനസ്സമാധാനവും നൽകുന്നു. താല്ക്കാലിക കരാറാണെങ്കിലും മികച്ച തൊഴിലാളിയാണെങ്കില് വീണ്ടും കരാർ പുതുക്കുന്നു.
ഇന്ഗ്രിമെന്റ്: സൗദി അരാംകോ ഇൻസെന്റീവ് പ്ലാൻ ജീവനക്കാർക്ക് അവരുടെ വ്യക്തിഗത, കമ്പനി പ്രകടനത്തെ അടിസ്ഥാനമാക്കി പ്രതിഫലം നൽകുന്നു. അതായത് കമ്പനിക്ക് നല്കുന്ന സേവനങ്ങളെ അവർ വലിയ രീതിയില് കാണുകയും നിങ്ങള്ക്ക് പ്രോല്സാഹനങ്ങള് നല്കുകയും ചെയ്യുന്നു.
യാത്രാ അലവൻസ്: ജീവനക്കാർക്ക് അവരുടെ മാതൃരാജ്യത്തേക്കുള്ള വിമാനക്കൂലിയുടെ ചെലവ് ഉൾക്കൊള്ളുന്ന വാർഷിക പേയ്മെന്റ് സംവിധാനം കമ്പനിയിലുണ്ട്. ഇതിലൂടെ അവർക്ക് അനുയോജ്യമെന്ന് തോന്നുന്ന രീതിയിൽ ആനുകൂല്യം ഉപയോഗിക്കാനുള്ള സൗകര്യം വാഗ്ദാനം ചെയ്യുന്നു.
വാർഷിക അവധി: സൗദി അരാംകോ ഓരോ വർഷവും 38 കലണ്ടർ ദിവസങ്ങൾ വരെ ശമ്പളത്തോടുകൂടിയ അവധി തൊഴിലാളികള്ക്ക് നല്കുന്നുണ്ട്. ദേശീയ പൊതു അവധികൾക്ക് പുറമെയാണിത്. ജോലിയും വ്യക്തിഗത ജീവിതവും ഫലപ്രദമായി സന്തുലിതമാക്കാൻ ഇതിലൂടെ ജീവനക്കാരെ അനുവദിക്കുന്നു.
വിദ്യാഭ്യാസ സഹായം: ഫാമില സ്റ്റാറ്റസിലുള്ള ജീവനക്കാർക്കായി, സൗദി അരാംകോ ആശ്രിതരായ കുട്ടികൾക്കായി ഒരു വിദ്യാഭ്യാസ സഹായ പദ്ധതി വാഗ്ദാനം ചെയ്യുന്ന,, ഉയർന്ന നിലവാരമുള്ള സ്വകാര്യ സ്കൂളുകളിലേക്കോ പ്രാദേശിക സമൂഹത്തിലെ അന്താരാഷ്ട്ര സ്കൂളുകളിലേക്കോ കമ്പനി ചെലവില് പ്രവേശനം നേടാന് സാധിക്കും.
വീട് അല്ലെങ്കിൽ വാടക സഹായം: കമ്പനി അവരുടെ കമ്മ്യൂണിറ്റികളിൽ ഒന്നിൽ താമസം ഒരുക്കി നല്കുന്നു. അല്ലെങ്കിൽ ഒരു വാടക സഹായ അലവൻസും ലഭ്യമാവും. ഇതിലൂടെ സുഖകരവും സൗകര്യപ്രദവുമായ ജീവിത ക്രമീകരണങ്ങൾ ഉറപ്പാക്കുന്നു.
സൗജന്യ വൈദ്യസഹായം: സൗദി അരാംകോ അതിന്റെ ജോൺസ് ഹോപ്കിൻസ് അരാംകോ ഹെൽത്ത് കെയർ സബ്സിഡിയറി വഴി ജോലികള്ക്ക് സൗജന്യ വൈദ്യസഹായം വാഗ്ദാനം ചെയ്യുന്നു. ഇതിലൂടെ മിഡിൽ ഈസ്റ്റിലെ മെഡിക്കൽ സൗകര്യങ്ങളിലേക്ക് തൊഴിലാളികള്ക്ക് പ്രവേശനം നൽകുന്നു.
Click it and Unblock the Notifications
Sign in with Google