സംസ്ഥാന സർക്കാരിന് കീഴിൽ നിരവധി താത്കാലിക ഒഴിവുകൾ: 31,000 വരെ ശമ്പളം

ഇൻസ്റ്റിറ്റ്യൂട്ട് ഓഫ് അഡ്വാൻസ്ഡ് വൈറോളജിയിൽ വിവിധ തസ്തികകളിലേക്ക് അപേക്ഷകൾ ക്ഷണിച്ചു. പ്രൊജക്ട് അസോസിയേറ്റ്-I, ലബോറട്ടറി മാനേജർ കം മൈക്രോബയോളജിസ്റ്റ്, ഗ്രാജുവേറ്റ് അപ്രന്റീസ് ട്രെയിനി എന്നീ വിഭാഗങ്ങളിലായി ഒഴിവുകളുണ്ട്. യോഗ്യത, പ്രായപരിധി, ശമ്പളം എന്നിവ അറിയാം.

പ്രൊജക്ട് അസോസിയേറ്റ്-I

രണ്ട് ഒഴിവുകളാണ് റിപ്പോർട്ട് ചെയ്തിരിക്കുന്നത്. ലൈഫ് സയൻസസിൽ ബിരുദാനന്തര ബിരുദമാണ് അടിസ്ഥാന യോഗ്യത. മോളിക്യുലർ ബയോളജി സാങ്കേതികവിദ്യകളിൽ കുറഞ്ഞത് ഒരു വർഷത്തെ പ്രവൃത്തിപരിചയം വേണം. മോളിക്യുലർ ബയോളജി, സെൽ കൾച്ചർ, വൈറോളജി, വൈറൽ വെക്ടറുകൾ, ജീൻ തെറാപ്പി തുടങ്ങിയ മേഖലകളിലെ പരിചയമുള്ളവർക്ക് മുൻഗണന ലഭിക്കും.

NET/GATE അല്ലെങ്കിൽ സമാന ദേശീയതല യോഗ്യത നേടിയവർക്ക് പ്രതിമാസം 31,000 രൂപയും എച്ച്ആർഎയും ലഭിക്കും. മറ്റ് ഉദ്യോഗാർഥികൾക്ക് 25,000 രൂപയും എച്ച്ആർഎയും അനുവദിക്കും. നിയമനം ആദ്യഘട്ടത്തിൽ ഒരു വർഷത്തേക്കാണ്. അപേക്ഷ സ്വീകരിക്കുന്ന അവസാന തീയതി ജൂലൈ 11 .

ലബോറട്ടറി മാനേജർ കം മൈക്രോബയോളജിസ്റ്റ്

ഒരു ഒഴിവാണ് ഉള്ളത്. മെഡിക്കൽ ലബോറട്ടറി ടെക്നോളജി (മൈക്രോബയോളജി), മെഡിക്കൽ മൈക്രോബയോളജി, മെഡിക്കൽ ബയോകെമിസ്ട്രി, മൈക്രോബയോളജി, ക്ലിനിക്കൽ വൈറോളജി എന്നിവയിൽ ഏതെങ്കിലും വിഷയത്തിൽ 60 ശതമാനം മാർക്കോടെ ബിരുദാനന്തര ബിരുദം നേടിയിരിക്കണം.

വൈറോളജി അല്ലെങ്കിൽ മൈക്രോബയോളജി ഡയഗ്നോസ്റ്റിക്സ് രംഗത്ത് രണ്ട് വർഷത്തെ പ്രവൃത്തിപരിചയം നിർബന്ധമാണ്. NABL അംഗീകൃത ലബോറട്ടറികളിലെ പരിചയം അധിക യോഗ്യതയായി പരിഗണിക്കും. ശമ്പളം 32,000 രൂപ .അപേക്ഷിക്കാനുള്ള അവസാന തീയതി ജൂലൈ 2 .

ഗ്രാജുവേറ്റ് അപ്രന്റീസ് ട്രെയിനി

കൊമേഴ്‌സിൽ കുറഞ്ഞത് 50 ശതമാനം മാർക്കോടെ ബിരുദം നേടിയവർക്കായി മൂന്ന് ഒഴിവുകളുണ്ട്. 2026 ജൂലൈ 2-നകം 30 വയസ് തികയാത്തവർക്ക് അപേക്ഷിക്കാം. തെരഞ്ഞെടുക്കപ്പെടുന്നവർക്ക് പ്രതിമാസം 15,000 രൂപ സ്റ്റൈപൻഡ് ലഭിക്കും.

കൂടുതൽ വിവരങ്ങൾക്ക് https://iav.kerala.gov.in/

ഡ്രൈവർ കം ക്ലീനർ ഒഴിവ്

കോളജ് ഓഫ് എൻജിനിയറിങ് തിരുവനന്തപുരത്തെ സർക്കാരിതര ഫണ്ടിൽ നിന്നും വേതനം നൽകുന്ന ബസ് ഡ്രൈവർ കം ക്ലീനർ താത്കാലിക തസ്തികയിൽ 178 ദിവസത്തേക്ക് ദിവസവേതനം 810 രൂപ നിരക്കിൽ ജോലി നോക്കുന്നതിന് താത്പര്യമുള്ള വ്യക്തികളിൽ നിന്ന് അപേക്ഷ ക്ഷണിച്ചു. ഏഴാം ക്ലാസ് പാസ് ആണ് യോഗ്യത. ഹെവി ഡ്യൂട്ടി വെഹിക്കിൾ ലൈസൻസ് വിത്ത് ബാഡ്ജ്, 10 വർഷത്തിൽ കുറയാത്ത പ്രവൃത്തി പരിചയം, മോട്ടോർ വാഹന നിയമം അനുശാസിക്കുന്ന പ്രകാരമുള്ള കാഴ്ച, കേൾവി എന്നിവ ഉണ്ടായിരിക്കണം. വിദ്യാഭ്യാസ സ്ഥാപനങ്ങളുടെ വാഹനങ്ങൾ ഓടിച്ച് പരിചയം ഉള്ളവർക്ക് മുൻഗണന. ഡ്രൈവിങ്ങുമായി ബന്ധപ്പെട്ട് മുമ്പ് ശിക്ഷാനടപടികൾക്ക് വിധേയരായവർ ആകരുത്. താത്പര്യമുള്ളവർ അപേക്ഷാഫോമിന്റെ മാതൃക www.cet.ac.in ൽ നിന്ന് ഡൗൺലോഡ് ചെയ്ത് പൂരിപ്പിച്ച് യോഗ്യതകൾ തെളിയിക്കുന്ന അസൽ സർട്ടിഫിക്കറ്റുകളും അവയുടെ പകർപ്പുകളും സഹിതം ജൂൺ 22 രാവിലെ 10ന് മെയിൻ ഓഫീസിൽ എത്തണം.

ജൂനിയർ പബ്ലിക് ഹെൽത്ത് നഴ്‌സ് നിയമനം

ശ്രീകാര്യം കട്ടേലയിൽ പ്രവർത്തിക്കുന്ന ഡോ.അംബേദ്കർ മെമ്മോറിയൽ മോഡൽ റസിഡൻഷ്യൽ ഹയർ സെക്കൻഡറി സ്‌കൂളിൽ 2026-27 അധ്യയന വർഷം ജൂനിയർ പബ്ലിക് ഹെൽത്ത് നഴ്‌സ് തസ്തികയിൽ കരാർ അടിസ്ഥാനത്തിൽ നിയമനം നടത്തുന്നു.

കേരള നഴ്സ് ആൻഡ് മിഡ്വൈവ്സ് കൗൺസിൽ നൽകുന്ന ഓക്സിലറി നഴ്സ് മിഡ്വൈഫറി സർട്ടിഫിക്കറ്റ് അല്ലെങ്കിൽ ഇന്ത്യൻ നഴ്സിംഗ് കൗൺസിൽ അംഗീകരിച്ച ഒരു അതോറിറ്റി നൽകുന്ന ഓക്സിലറി നഴ്സ് മിഡ്വൈഫറി സർട്ടിഫിക്കറ്റ് അല്ലെങ്കിൽ കേരള നഴ്സ് ആൻഡ് മെഡിക്കൽ കൗൺസിൽ നൽകുന്ന ഹെൽത്ത് വർക്കേഴ്സ് ട്രെയിനിംഗ് സർട്ടിഫിക്കറ്റ് എന്നിവയാണ് യോഗ്യത. കേരള നഴ്‌സ് ആൻഡ് മിഡ്‌വൈവ്‌സ് കൗൺസിൽ രജിസ്‌ട്രേഷൻ ഉണ്ടായിരിക്കണം.

യോഗ്യരായ പട്ടികവർഗ വിഭാഗത്തിൽപ്പെട്ട ഉദ്യോഗാർത്ഥികൾ യോഗ്യത, പ്രവൃത്തിപരിചയം, ജാതി സംബന്ധിച്ച അസൽ സർട്ടിഫിക്കറ്റുകൾ സഹിതം ജൂൺ 18 രാവിലെ 10ന് സ്‌കൂളിൽ നടക്കുന്ന അഭിമുഖത്തിൽ പങ്കെടുക്കണമെന്ന് സീനിയർ സൂപ്രണ്ട് അറിയിച്ചു. പട്ടികവർഗവിഭാഗത്തിലുള്ള ഉദ്യോഗാർത്ഥികളുടെ അഭാവത്തിൽ പട്ടികജാതി അല്ലെങ്കിൽ മറ്റുവിഭാഗക്കാരെ പരിഗണിക്കുന്നതാണ്. പ്രായപരിധി 18നും 41നും മധ്യേ. കൂടുതൽ വിവരങ്ങൾക്ക് 9037277148 എന്ന നമ്പറിൽ ബന്ധപ്പെടുക.