രണ്ടായിരത്തിലേറെ ഒഴിവുകള്, അപേക്ഷ ക്ഷണിച്ച് എസ്എസ്സി; രജിസ്റ്റര് ചെയ്യേണ്ടതിങ്ങനെ
സ്റ്റാഫ് സെലക്ഷന് കമ്മീഷന് (എസ് എസ് സി) പേഴ്സണല്, പബ്ലിക് ഗ്രീവന്സ്, പെന്ഷന് മന്ത്രാലയത്തിലെ വിവിധ തസ്തികകളിലേക്കുള്ള രജിസ്ട്രേഷന് നടപടികള് ആരംഭിച്ചു. മൊത്തം 2049 ഒഴിവുകള് നികത്താനാണ് റിക്രൂട്ട്മെന്റ് ഡ്രൈവ് ലക്ഷ്യമിടുന്നത്. താല്പ്പര്യവും യോഗ്യതയുമുള്ള വിദ്യാര്ത്ഥികള്ക്ക് ഔദ്യോഗിക വെബ്സൈറ്റ് സന്ദര്ശിച്ച് പ്രസ്തുത തസ്തികകളിലേക്ക് അപേക്ഷിക്കാം.
അപേക്ഷ സമര്പ്പിക്കാനുള്ള അവസാന തീയതി മാര്ച്ച് 18 ആണ്. അപേക്ഷാ ഫോറം തിരുത്താനുള്ള ജാലകം മാര്ച്ച് 22 മുതല് 24 വരെ തുറക്കും. മെയ് 6 മുതല് 8 വരെ കംപ്യൂട്ടര് അധിഷ്ഠിത പരീക്ഷകള് നടത്താന് സ്റ്റാഫ് സെലക്ഷന് കമ്മീഷന് ഷെഡ്യൂള് ചെയ്തിട്ടുണ്ട്. അപേക്ഷകര് 100 രൂപ രജിസ്ട്രേഷന് ഫീസ് അടയ്ക്കേണ്ടതാണ്. എസ് സി, എസ് ടി, പി ഡബ്ല്യു ബി ഡി, വിമുക്തഭടന് വിഭാഗങ്ങളില് നിന്നുള്ളവരും വനിതകളും ഫീസ് അടയ്ക്കേണ്ടതില്ല.
ഓണ്ലൈനായി ഫീസ് അടയ്ക്കേണ്ട അവസാന തീയതി മാര്ച്ച് 19 ആണ്. മെട്രിക്കുലേഷന്, ഹയര് സെക്കന്ഡറി, ബിരുദം അല്ലെങ്കില് അതിന് മുകളിലുള്ള വിദ്യാഭ്യാസ യോഗ്യതകള് ആവശ്യമുള്ള തസ്തികകള്ക്കായി ഒബ്ജക്റ്റീവ്-ടൈപ്പ് മള്ട്ടിപ്പിള് ചോയ്സ് ചോദ്യങ്ങള് അടങ്ങുന്ന മൂന്ന് വ്യത്യസ്ത കമ്പ്യൂട്ടര് അധിഷ്ഠിത ടെസ്റ്റുകള് സ്റ്റാഫ് സെലക്ഷന് കമ്മീഷന് നടത്തും.
ഓരോ ശരിയായ ഉത്തരത്തിനും ഉദ്യോഗാര്ത്ഥികള്ക്ക് രണ്ട് മാര്ക്ക് വീതം ലഭിക്കും. ഓരോ തെറ്റായ ഉത്തരത്തിനും 0.5 മാര്ക്ക് കുറയ്ക്കും. ഒരു മണിക്കൂറായിരിക്കും പരീക്ഷയുടെ സമയ പരിധി.
Click it and Unblock the Notifications
Sign in with Google