നിങ്ങള്ക്കും വാങ്ങാം സർക്കാർ ശമ്പളം: ആശുപത്രിയിലും എംപ്ലോയബിലിറ്റി സെന്ററിലും നിരവധി ഒഴിവുകള്
തിരുവനന്തപുരം മെഡിക്കൽ കോളജിലെ ശ്രീ അവിട്ടം തിരുനാൾ ആശുപത്രിയിൽ വിവിധ പദ്ധതികളുടേയും ആശുപത്രി വികസന സമിതിയുടേയും കീഴിൽ വിവിധ തസ്തികകളിലേക്കു നിശ്ചിത മാസ വേതന അടിസ്ഥാനത്തിൽ ആറു മാസക്കാലയളവിലേക്കു നിയമനം നടത്തുന്നു. പീഡിയാട്രിക് നെഫ്രോളജി വിഭാഗത്തിൽ ലാബ് അസിസ്റ്റന്റ് (ഡയാലിസിസ്), പീഡിയാട്രിക് കാർഡിയോളജി വിഭാഗത്തിൽ അനസ്തേഷ്യ ടെക്നിഷ്യൻ, റേഡിയോഗ്രാഫർ, പീഡിയാട്രിക് ഗ്യാസ്ട്രോ എന്ററോളജി വിഭാഗത്തിൽ എൻഡോസ്കോപ്പി ടെക്നീഷ്യൻ, അനസ്തേഷ്യ വിഭാഗത്തിൽ ഓക്സിജൻ പ്ലാന്റ് ടെക്നിഷ്യൻ എന്നീ തസ്തികകളിലാണ് ഒഴിവുകൾ.
താത്പര്യമുള്ളവർ യോഗ്യത, പ്രവൃത്തിപരിചയം, വയസ്, മേൽവിലാസം, ജാതി എന്നിവ തെളിയിക്കുന്ന സർട്ടിഫിക്കറ്റുകളും തിരിച്ചറിയൽ രേഖയും പാസ്പോർട്ട് സൈസ് ഫോട്ടോയും സഹിതം ജനുവരി 29ന് ലാബ് അസിസ്റ്റന്റ്(ഡയാലിസിസ്), എൻഡോസ്കോപ്പി ടെക്നിഷ്യൻ തസ്തികകളിലേക്കും 30ന് അനസ്തേഷ്യ ടെക്നിഷ്യൻ, ഓക്സിജൻ പ്ലാന്റ് ടെക്നിഷ്യൻ തസ്തികകളിലേക്കും 31ന് റേഡിയോഗ്രാഫർ തസ്തികയിലേക്കും അഭിമുഖത്തിനു ഹാജരാകണം. രാവിലെ 10.30ന് ശ്രീ അവിട്ടം തിരുനാൾ ആശുപത്രി സൂപ്രണ്ടിന്റെ കാര്യാലയത്തിലാണ് അഭിമുഖം. കൂടുതൽ വിവരങ്ങൾക്ക് 0471 2528870, 2528544, 2528320.
വിവിധ തസ്തികകളിലേക്ക് അഭിമുഖം ശനിയാഴ്ച
ആനയറ കടകംപള്ളി മിനി സിവില് സ്റ്റേഷനില് പ്രവര്ത്തിക്കുന്ന തിരുവനന്തപുരം ജില്ലാ എംപ്ലോയ്മെന്റ് എക്സ്ചേഞ്ചിനു കീഴിലുള്ള എംപ്ലോയബിലിറ്റി സെന്ററില് വിവിധ തസ്തികകളിലേക്ക് ശനിയാഴ്ച (ജനുവരി 20) രാവിലെ 10 മണിക്ക് അഭിമുഖം നടത്തുന്നു. കസ്റ്റമര് റിലേഷന്ഷിപ്പ് ഓഫീസര് (യോഗ്യത :പ്ലസ് ടു /ഐ ടി ഐ /ഡിപ്ലോമ /ബിരുദം), സി സി ടി വി ട്രെയിനര് (യോഗ്യത :ഡിപ്ലോമ /ഡിഗ്രി ഇന് ഇലക്ട്രോണിക്സ് ).
മൊബൈല് ഫോണ് ഹാര്ഡ് വെയര് റിപ്പയര് ടെക്നിഷ്യന് (യോഗ്യത :ഡിപ്ലോമ /ഡിഗ്രി ഇന് മൊബൈല് ഫോണ് ഹാര്ഡ് വെയര്), ആര്ട്ടിഫിഷ്യല് ഇന്റെലിജന്സ് ട്രെയിനര് (യോഗ്യത :ബി ഇ /ബിടെക് ഇന് എ ഐ ,ഡിഗ്രി ഇന് ഡേറ്റ മാനേജ്മെന്റ്/അനലിറ്റിക്സ് ), ഐ ഓ ടി ട്രെയിനര് (യോഗ്യത :ബി ഇ /ബിടെക് ഇന് സി എസ് ഇ /ഇ സി ഇ /ഐ ടി), നെറ്റ്വര്ക്ക് ടെക്നിഷ്യന് (യോഗ്യത :ബിടെക് സി എസ് / ഐ ടി), ലോജിസ്റ്റിക് ട്രെയിനര് (യോഗ്യത :ബിരുദം /ടെക്നിക്കല്), സ്മാര്ട്ട് ഫോണ് ട്രെയിനര് /ഇലക്ട്രിക്ക് വെഹിക്കിള് ട്രെയിനര് /ഡിജിറ്റല് മാര്ക്കറ്റിംഗ് എക്സിക്യൂട്ടീവ് (യോഗ്യത :പ്ലസ് ടു /ടെക്നിക്കല്),
ബിസിനസ് ഡവലപ്മെന്റ് എക്സിക്യൂട്ടീവ്/ അക്കാഡമിക്ക് കൗണ്സിലര് (യോഗ്യത :പ്ലസ് ടു /ഡിഗ്രി) എന്നീ തസ്തികകളിലാണ് അഭിമുഖം. 35 വയസ് വരെയുള്ളവര്ക്ക് അപേക്ഷിക്കാം. പ്രവര്ത്തി പരിചയം ഉള്ളവര്ക്കും ഇല്ലാത്തവര്ക്കും അപേക്ഷിക്കാവുന്നതാണ്. എംപ്ലോയബിലിറ്റി സെന്ററില് രജിസ്റ്റര് ചെയ്യാത്തവര് ഓഫീസുമായി ബന്ധപ്പെട്ട് മുന്കൂട്ടി രജിസ്ട്രേഷന് ഉറപ്പ് വരുത്തണമെന്ന് ജില്ലാ എംപ്ലോയ്മെന്റ് ഓഫീസര് അറിയിച്ചു. കൂടുതല് വിവരങ്ങള്ക്ക് ഫോണ്: 0471-2992609.
Click it and Unblock the Notifications
Sign in with Google