സംസ്ഥാന സർക്കാരിന് കീഴിൽ താത്കാലിക ഒഴിവുകൾ: 50,000 ശമ്പളം വാങ്ങാം, ഇപ്പോൾ തന്നെ അപേക്ഷിക്കൂ

സർവ്വേ-മണ്ണ് സംരക്ഷണ വകുപ്പിന്റെ (DSSSC) ദേശീയ മണ്ണ് ഭൂപട നിർമ്മാണ പദ്ധതിയിൽ വിവിധ തസ്തികകളിലേക്ക് ഒരു വർഷത്തെ കരാർ നിയമനത്തിന് അപേക്ഷ ക്ഷണിച്ചു. പ്രോജക്ട് കൺസൾട്ടന്റ് ഒഴികെയുള്ള തസ്തികകളിലെയും ഉയർന്ന പ്രായപരിധി 36 വയസ്സാണ്. തിരഞ്ഞെടുപ്പ് പ്രക്രിയയിൽ എഴുത്തുപരീക്ഷ, കമ്പ്യൂട്ടർ പ്രാവീണ്യ പരീക്ഷ, ഗ്രൂപ്പ് ചർച്ച, പ്രാവീണ്യ പരീക്ഷ അല്ലെങ്കിൽ വ്യക്തിഗത അഭിമുഖം എന്നിവയിലേതെങ്കിലുമോ ഇവയുടെ ഒരു സംയോജിത രൂപമോ ഉൾപ്പെട്ടേക്കാം.

സോയിൽ സർവ്വേ ഓഫീസർ തസ്തികയിൽ 12 ഒഴിവുകളുണ്ട്. ബി.എസ്.സി. അഗ്രികൾച്ചർ ബിരുദവും 6 മാസത്തെ പ്രവൃത്തിപരിചയവുമാണ് യോഗ്യത. പ്രതിമാസം 46,230 രൂപയാണ് ശമ്പളം. റിസർച്ച് അസിസ്റ്റന്റ് തസ്തികയിൽ 12 ഒഴിവുകളും, ബി.എസ്.സി. അഗ്രികൾച്ചർ ബിരുദവും 6 മാസത്തെ ലാബ് പരിചയവും ആവശ്യമാണ്. ഇവർക്കും 46,230 രൂപ ശമ്പളം ലഭിക്കും.

ഫീൽഡ് അസിസ്റ്റന്റ് തസ്തികയിൽ ആകെ 26 ഒഴിവുകളാണുള്ളത് (19+7). വി.എച്ച്.എസ്.ഇ. (അഗ്രികൾച്ചർ) യോഗ്യതയുള്ളവർക്ക് 21,070 രൂപ ശമ്പളം ലഭിക്കും. ലാബ് അസിസ്റ്റന്റ് തസ്തികയിലേക്ക് (7 ഒഴിവുകൾ) ബി.എസ്.സി. ലൈഫ് സയൻസ് (കെമിസ്ട്രിക്ക് മുൻഗണന) ബിരുദം വേണം. ഈ തസ്തികയിലും 21,070 രൂപ ശമ്പളമുണ്ട്.

ലാസ്കർ തസ്തികയിൽ ആകെ 28 ഒഴിവുകളുണ്ട് (16+12). എസ്.എസ്.എൽ.സി. പാസായവർക്ക് 19,310 രൂപയാണ് ശമ്പളം. ലാബ് അറ്റൻഡർ തസ്തികയിൽ 7 ഒഴിവുകളും, എസ്.എസ്.എൽ.സി. പാസായവർക്ക് 19,310 രൂപ ശമ്പളവും ലഭിക്കും.

ജി.ഐ.എസ്. എക്സ്പെർട്ട് തസ്തികയിൽ 20 ഒഴിവുകളും, ജിയോഇൻഫോർമാറ്റിക്സിൽ ബിരുദാനന്തര ബിരുദവുമാണ് യോഗ്യത. പ്രതിമാസം 32,550 രൂപയാണ് ശമ്പളം. പ്രോജക്ട് കൺസൾട്ടന്റ് തസ്തികയിൽ 2 ഒഴിവുകളാണുള്ളത്. മണ്ണ് സർവ്വേയിൽ കുറഞ്ഞത് 15 വർഷത്തെ പ്രവൃത്തിപരിചയമുള്ളവർക്കാണ് അവസരം. ഇവർക്ക് 50,000 രൂപ ശമ്പളം ലഭിക്കും.

ഡാറ്റാ എൻട്രി ഓപ്പറേറ്റർ തസ്തികയിൽ 7 ഒഴിവുകളാണുള്ളത്. പ്ലസ് ടു പാസും ഡി.സി.എ.യും ഒരു വർഷത്തെ പ്രവൃത്തിപരിചയവുമാണ് യോഗ്യത. പ്രതിമാസം 22,240 രൂപയാണ് ഈ തസ്തികയുടെ ശമ്പളം. കൂടുതൽ വിവരങ്ങൾക്ക് https://cmd.kerala.gov.in/wp-content/uploads/2026/01/DSSSC-Notification-Final-Draft.pdf

ഇടുക്കി മെഡിക്കല്‍ കോളേജില്‍ സീനിയര്‍/ജൂനിയര്‍ റസിഡന്റ് നിയമനം

ഇടുക്കി ഗവ. മെഡിക്കല്‍ കോളേജില്‍ വിവിധ വിഭാഗങ്ങളിലേക്ക് കരാറടിസ്ഥാനത്തില്‍ സീനിയര്‍/ജൂനിയര്‍ റസിഡന്റ്മാരെ ആവശ്യമുണ്ട്. സീനിയര്‍ റസിഡന്റുമാര്‍ക്ക് എം.ബി.ബി.എസും ബന്ധപ്പട്ട വിഷയത്തില്‍ ബിരുദാനന്തര ബിരുദവും, ഒരുവര്‍ഷത്തെ ഇന്റേണ്‍ഷിപ്പ്. ടി.സി.എം.സി/ കെ.എസ്.എം.സി രജിസ്‌ട്രേഷന്‍ സര്‍ട്ടിഫിക്കറ്റ് ജൂനിയര്‍ റസിഡന്റുമാര്‍ക്ക് എം.ബി.ബി.എസ്, ഒരുവര്‍ഷത്തെ ഇന്റേണ്‍ഷിപ്പ്. ടി.സി.എം.സി/ കെ.എസ്.എം.സി രജിസ്‌ട്രേഷന്‍ സര്‍ട്ടിഫിക്കറ്റ് എന്നിവയാണ് വേണ്ട യോഗ്യത.
യോഗ്യരായ ഉദ്യോഗാര്‍ത്ഥികള്‍, ബന്ധപ്പെട്ട രേഖകളുടെ ഒറിജിനലും, സ്വയം സാക്ഷ്യപ്പെടുത്തിയ പകര്‍പ്പും, തിരിച്ചറിയല്‍ രേഖകളും സഹിതം മെഡിക്കല്‍ കോളേജ് പ്രിന്‍സിപ്പാളിന്റെ ആഫീസില്‍ ജനുവരി 20ന് രാവിലെ 10.30 ന് ഹാജരാകണം.കൂടുതല്‍ വിവരങ്ങള്‍ക്ക് ഫോണ്‍:04862-233075