തിരുവനന്തപുരം നിരവധി കരാർ ഒഴിവുകൾ;25000 രൂപ വരെ ശമ്പളം..അപേക്ഷിക്കേണ്ടത് ഇങ്ങനെ

തിരുവനന്തപുരം ആസ്ഥാനമായ നാഷണൽ സെൻ്റർ ഫോർ എർത്ത് സയൻസ് സ്റ്റഡീസ് (NCESS), വിവിധ തസ്തികകളിലേക്ക് അപേക്ഷ ക്ഷണിച്ചു. കേന്ദ്ര ഭൗമശാസ്ത്ര മന്ത്രാലയത്തിന് കീഴിലെ ഈ സ്വയംഭരണ സ്ഥാപനം, ഒരു വർഷത്തെ കരാർ നിയമനത്തിന് ഹിന്ദി ട്രാൻസ്ലേറ്റർ, പ്രോജക്ട് അസോസിയേറ്റ്, ടെക്നിക്കൽ അസിസ്റ്റൻ്റ്, ഫീൽഡ് അസിസ്റ്റൻ്റ് (ഇലക്ട്രിക്കൽ), സയൻ്റിഫിക് അഡ്മിനിസ്ട്രേറ്റീവ് അസിസ്റ്റൻ്റ്, പ്ലംബർ, മൾട്ടി-ടാസ്കിംഗ് സ്റ്റാഫ് എന്നീ എട്ട് ഒഴിവുകളാണ് റിപ്പോർട്ട് ചെയ്തിരിക്കുന്നത്.

അപേക്ഷകൾ സമർപ്പിക്കാനുള്ള അവസാന തീയതി 2026 ഏപ്രിൽ 10 വൈകുന്നേരം 5 മണിയാണ്. പോസ്റ്റ് കോഡ് 01, 02 തസ്തികകളിലേക്ക് അഭിമുഖം വഴിയും മറ്റുള്ളവയിലേക്ക് എഴുത്തുപരീക്ഷ/സ്കിൽ ടെസ്റ്റ് വഴിയുമാണ് തിരഞ്ഞെടുപ്പ്. SC/ST/OBC വിഭാഗക്കാർക്ക് സർക്കാർ നിയമപ്രകാരം പ്രായപരിധിയിൽ ഇളവുകളുണ്ടാകും.

01. ഹിന്ദി ട്രാൻസ്ലേറ്റർ (ഒഴിവ്: 1): ഹിന്ദിയിൽ ബിരുദാനന്തര ബിരുദം, ഹിന്ദിയിൽ നിന്ന് ഇംഗ്ലീഷിലേക്കും തിരിച്ചുമുള്ള വിവർത്തനത്തിൽ അംഗീകൃത ഡിപ്ലോമ/സർട്ടിഫിക്കറ്റ് കോഴ്‌സ് എന്നിവയാണ് അവശ്യ യോഗ്യതകൾ. കേന്ദ്ര സർക്കാർ സ്ഥാപനങ്ങളിൽ ഔദ്യോഗിക ഭാഷാ നയത്തിൻ്റെ വിവർത്തനത്തിലും നടപ്പാക്കലിലുമുള്ള 2 വർഷത്തെ പ്രവൃത്തിപരിചയം അഭികാമ്യം.

02. പ്രോജക്ട് അസോസിയേറ്റ് II (ഒഴിവുകൾ: 5): CA/CMA (ഇന്റർ)/M.Com/MBA (ഫിനാൻസ്) യോഗ്യതയുള്ളവർക്ക് സാമ്പത്തിക/അക്കൗണ്ട്സ് വിഭാഗത്തിൽ 2 വർഷത്തെ പ്രവർത്തിപരിചയം. അല്ലെങ്കിൽ ബിരുദാനന്തര ബിരുദം/MBA-യോടൊപ്പം ഭരണപരമായ കാര്യങ്ങളിൽ 2 വർഷത്തെ പ്രവർത്തിപരിചയം (സർക്കാർ പരിചയത്തിന് മുൻഗണന). പബ്ലിക് റിലേഷൻസിൽ ബിരുദാനന്തര ഡിപ്ലോമ അഭികാമ്യം.

03. പ്രോജക്ട് അസോസിയേറ്റ് I (ഒഴിവുകൾ: 2): കൊമേഴ്‌സിൽ ബിരുദാനന്തര ബിരുദവും സാമ്പത്തിക/അക്കൗണ്ട്സ് വിഭാഗത്തിൽ 1 വർഷത്തെ പ്രവർത്തിപരിചയവും. അല്ലെങ്കിൽ ഏതെങ്കിലും വിഷയത്തിൽ ബിരുദാനന്തര ബിരുദവും ഭരണപരമായ കാര്യങ്ങളിൽ 1 വർഷത്തെ പ്രവർത്തിപരിചയവും (സർക്കാർ പരിചയത്തിന് മുൻഗണന). കമ്പ്യൂട്ടറിൽ ഡിഗ്രി/ഡിപ്ലോമ/സർട്ടിഫിക്കറ്റ് കോഴ്‌സും അടിസ്ഥാന പരിജ്ഞാനവും അഭികാമ്യം.

04. ടെക്നിക്കൽ അസിസ്റ്റൻ്റ് (ഒഴിവുകൾ: 3): ബി.എസ്.സി ബിരുദം, അല്ലെങ്കിൽ കമ്പ്യൂട്ടർ സയൻസിൽ ബിരുദം/3 വർഷത്തെ ഡിപ്ലോമ എന്നിവയാണ് യോഗ്യതകൾ. Go Lang, Vue.js, PostgreSQL, PHP ഫുൾസ്റ്റാക്ക് വെബ് ആപ്ലിക്കേഷൻ ഡെവലപ്‌മെന്റ്, NIC eOffice ആപ്ലിക്കേഷനിൽ 3 വർഷത്തെ പ്രവർത്തിപരിചയം, ഗവേഷണ സ്ഥാപനങ്ങളിലെ പ്രവർത്തിപരിചയം എന്നിവ അഭികാമ്യം.

05. ഫീൽഡ് അസിസ്റ്റൻ്റ് (ഇലക്ട്രിക്കൽ) (ഒഴിവ്: 1): ഇലക്ട്രിക്കൽ എഞ്ചിനീയറിംഗിൽ 3 വർഷത്തെ ഡിപ്ലോമ നിർബന്ധം. സംസ്ഥാന/കേന്ദ്ര സർക്കാർ/പൊതുമേഖലാ സ്ഥാപനങ്ങളിൽ 2 വർഷത്തെ ഇലക്ട്രിക്കൽ പ്രവർത്തിപരിചയം, ഇംഗ്ലീഷ്/ഹിന്ദി ആശയവിനിമയ ശേഷി എന്നിവ അഭികാമ്യം. പ്രധാന ചുമതലകൾ: DG സെറ്റ്, ട്രാൻസ്ഫോർമർ പരിപാലനം എന്നിവയാണ്.

06. സയൻ്റിഫിക് അഡ്മിനിസ്ട്രേറ്റീവ് അസിസ്റ്റൻ്റ് (ഒഴിവുകൾ: 11): ഏതെങ്കിലും വിഷയത്തിൽ ബിരുദമാണ് അവശ്യ യോഗ്യത. സർക്കാർ/സ്വകാര്യ സ്ഥാപനങ്ങളിൽ ഭരണപരമായ കാര്യങ്ങളിൽ 2 വർഷത്തെ പ്രവൃത്തിപരിചയവും കമ്പ്യൂട്ടറിൽ ഡിഗ്രി/ഡിപ്ലോമ/സർട്ടിഫിക്കറ്റ് കോഴ്‌സും അടിസ്ഥാന പരിജ്ഞാനവും അഭികാമ്യം.

07. പ്ലംബർ (ഒഴിവ്: 1): ITI (പ്ലംബിംഗ്) യോഗ്യതയും 2 വർഷത്തെ പ്രവർത്തിപരിചയവും അഭികാമ്യം. പ്രധാന ജോലികൾ: വെള്ളം പമ്പ് ചെയ്യൽ, വാട്ടർ ലൈനുകൾ/ടാപ്പുകൾ പരിപാലനം, ചോർച്ച നന്നാക്കൽ, ശുചീകരണ ജീവനക്കാരെ ഏകോപിപ്പിക്കൽ എന്നിവയാണ്.

08. മൾട്ടി-ടാസ്കിംഗ് സ്റ്റാഫ് (ഒഴിവ്: 1): പത്താം ക്ലാസ് അല്ലെങ്കിൽ തത്തുല്യം. ഡയറക്ടറുടെ ഓഫീസിലെ ദൈനംദിന ജോലികൾ, ഫയലുകളും രേഖകളും കൈമാറൽ എന്നിവയാണ് പ്രധാന ചുമതലകൾ.

പ്രായപരിധി (അപേക്ഷാ സമർപ്പണത്തിന്റെ അവസാന തീയതി അടിസ്ഥാനമാക്കി): പോസ്റ്റ് കോഡ് 01 & 02 ന് 35 വയസ്സ്, 03 ന് 35 വയസ്സ്, 04 & 05 ന് 50 വയസ്സ്, 06 & 07 ന് 50 വയസ്സ്, 08 ന് 25 വയസ്സ് എന്നിങ്ങനെയാണ് പരമാവധി പ്രായം.

ശമ്പളം (പ്രതിമാസം): പോസ്റ്റ് കോഡ് 01 & 02 ന് 28,000/- + HRA. പോസ്റ്റ് കോഡ് 03 ന് 25,000/- + HRA. പോസ്റ്റ് കോഡ് 04 & 05 ന് ₹20,000/- + HRA. പോസ്റ്റ് കോഡ് 06 & 07 ന് ₹18,000/- + HRA. പോസ്റ്റ് കോഡ് 08 ന് ₹15,000/- (ഏകീകൃത ശമ്പളം). കൂടുതഷ വിവരങ്ങൾക്ക് https://www.ncess.gov.in/images/Recruitment/notification-for-contract-staff-march-2026.pdf

English summary

The National Center for Earth Science Studies has called for applications for eight contract vacancies, including Hindi Translator and Project Associate positions. Details cover qualifications, age limits, remuneration, and selection methods, with eligibility varying by post and preferences for government experience.