യുഎഇയില് ഒരു സർക്കാർ ജോലി നിങ്ങള്ക്കും സ്വന്തമാക്കാം: കൂടുതല് സാധ്യത ആർക്കൊക്കെ?
യു എ ഇയില് ഒരു ജോലി എന്നുള്ളത് പലരുടേയും സ്വപ്നമാണ്. സ്വകാര്യ മേഖലയില് മാത്രമല്ല, സർക്കാർ മേഖലയിലും നിങ്ങള്ക്ക് യു എ ഇയില് ജോലി നേടാന് കഴിയും. വിദേശ പൗരന്മാർക്ക് സർക്കാർ മേഖലകളിൽ ജോലി ചെയ്യാൻ അനുമതി നൽകുന്ന ലോകത്തിലെ ചുരുക്കം ചില രാജ്യങ്ങളിലൊന്നുമാണ് യു എ ഇ. ഫെഡറൽ, എമിറേറ്റ്സ് ഗവൺമെന്റുകൾ പൊതു സേവനങ്ങൾ നൽകിക്കൊണ്ട് അവരുടെ ഓഫീസുകളിൽ ജോലി ചെയ്യാൻ വിദേശ പ്രൊഫഷണലുകളെ കാലങ്ങളായി നിയമിച്ച് വരുന്നുണ്ട്.
അബുദാബി, അജ്മാൻ, ദുബായ്, ഫുജൈറ, റാസൽ ഖൈമ, ഷാർജ, ഉമ്മുൽ ഖുവൈൻ തുടങ്ങിയ ഏഴ് എമിറേറ്റുകളിലും സർക്കാർ ജോലി ലഭ്യമാണ്. യുഎഇയിൽ ഒരു സർക്കാർ ജോലി കണ്ടെത്താന് നിങ്ങൾ ഔദ്യോഗിക പോർട്ടലുകളിൽ രജിസ്റ്റർ ചെയ്യുകയും നിങ്ങളുടെ താൽപ്പര്യവുമായി പൊരുത്തപ്പെടുന്ന ഒരു ഒഴിവ് കണ്ടെത്തുക എന്നതുമാണ് പ്രധാന. രജിസ്ട്രേഷൻ പൂർണ്ണമായും സൗജന്യമാണ്.
ഔദ്യോഗിക പോർട്ടലുകള് ഒരിക്കലും പേയ്മെന്റുകൾ ആവശ്യപ്പെടില്ല. ഏതെങ്കിലും തരത്തില് പേയ്മെന്റ് ആവശ്യപ്പെടുകയാണെങ്കില് വ്യാജമായിരിക്കും എന്നതില് സംശയം വേണ്ടതില്ല. ഫെഡറൽ ഗവൺമെന്റ് ജോബ് പോർട്ടൽ, ഫെഡറൽ അതോറിറ്റി ഫോർ ഗവൺമെന്റ് ഹ്യൂമൻ റിസോഴ്സ്, അബുദാബി ഗവൺമെന്റ് ജോബ് പോർട്ടൽ, ദുബായ് ഗവൺമെന്റ് ജോബ് പോർട്ടൽ, ജോബ് സീക്കേഴ്സ് സർവീസ് ഇന് ഷാർജ, റാസൽഖൈമ ജോബ് പോർട്ടല് ജോലികൾ തുടങ്ങിയ ഔദ്യോഗിക പോർട്ടലുകള് വഴി നിങ്ങള് സർക്കാർ ജോലി കണ്ടെത്താം.
നിങ്ങളുടെ യോഗ്യതകളും വൈദഗ്ധ്യവും പൊരുത്തപ്പെടുന്ന ലഭ്യമായ ഏതെങ്കിലും ജോലി ഒഴിവുകളിലേക്ക് നിങ്ങൾക്ക് അപേക്ഷിക്കാം. ചില പോർട്ടലുകളിൽ, നിങ്ങളുടെ കഴിവുകൾ അവരുടെ റോളുകളുമായി പൊരുത്തപ്പെടുത്താൻ യുഎഇ ഗവൺമെന്റിനെ സഹായിക്കുന്നതിന് നിങ്ങളുടെ കാൻഡിഡേറ്റ് പ്രൊഫൈൽ പൂർത്തിയാക്കേണ്ടി വരും.
യുണൈറ്റഡ് അറബ് എമിറേറ്റ്സിൽ ഇതിനോടകം തന്നെ വലിയൊരു വിഭാഗവും വിദേശീയരാണ്. ജനസംഖ്യ പരിശോധിക്കുകയാണെങ്കില് സ്വദേശീയരുടെ എണ്ണത്തിന്റെ ശതമാനം വളരെ കുറവായിരിക്കും. അറബിയാണ് യു എ ഇയുടെ ഔദ്യോഗിക ഭാഷയെങ്കിലും ബിസിനസ് മേഖലയിലും മറ്റും ഇംഗ്ലീഷ് ഇന്ന് ഒരു പൊതു ഭാഷയായി ഉയർന്ന് വന്നിട്ടുണ്ട്. അതുകൊണ്ട് തന്നെ അറബ് ഭാഷ അറിയാത്തവർക്കും നിരവധി അവസരങ്ങള് നിങ്ങള്ക്ക് കണ്ടെത്താന് സാധിക്കും.
യു എ ഇയില് ഉടനീളം അവസരങ്ങള് ലഭ്യമായിരിക്കുമെങ്കിലും കൂടുതല് അവസരങ്ങള് ലഭിക്കുക ദുബായിലും അബുദാബിയിലുമായിരിക്കും. നിങ്ങള്ക്ക് ജോലിക്ക് തിരഞ്ഞെടുക്കപ്പെടുകയാണെങ്കില് മികച്ച ശമ്പളത്തോടൊപ്പം മറ്റ് നിരവധി ആനുകൂല്യങ്ങളും നിങ്ങള്ക്ക് ലഭിക്കും. അതായത് ജീവിതം മൊത്തത്തില് മാറി മറിയും.
യു എ ഇയില് ഏറ്റവും വേഗത്തില് വളരുന്ന തൊഴില് മേഖലയാണ് ഊർജ്ജ വ്യവസായം. ശാസ്ത്രം, സാങ്കേതികവിദ്യ, എഞ്ചിനീയറിംഗ്, ഗണിതശാസ്ത്രം (STEM) എന്നിവയിലും വിദഗ്ധരെ ആവശ്യമാണ്. അതേസമയം, ഹെൽത്ത് കെയർ, ലൈഫ് സയൻസ് വ്യവസായങ്ങളും തൊഴിലാളികളുടെ ദൗർലഭ്യം നേരിടുന്നു. പ്രോപ്പർട്ടി, ഫിനാൻസ് മേഖലകളിലും ഓപ്പണിംഗുകൾ ലഭ്യമാണ്.
യു എ ഇയില് ജോലി ചെയ്യുന്നതിന് നിങ്ങൾക്ക് ഒരു തൊഴിലുടമയുടെ സ്പോൺസർഷിപ്പ് ആവശ്യമാണ്. സന്ദർശനത്തിനോ ടൂറിസ്റ്റുകൾക്കോ ഉള്ള വർക്ക് പെർമിറ്റുകൾ സാധുതയുള്ളതല്ല. നിങ്ങൾ ഒരു ജോലി ഓഫർ സ്വീകരിച്ചതിന് ശേഷം നിങ്ങളുടെ തൊഴിലുടമ നിങ്ങളുടെ പേരിൽ ഒരു റസിഡന്റ് വിസയ്ക്ക് അപേക്ഷിക്കും. നിങ്ങൾക്ക് റസിഡന്റ് വിസ ലഭിച്ചതിന് ശേഷം തൊഴിൽ മന്ത്രാലയം നിങ്ങൾക്ക് ഒരു വർക്ക് പെർമിറ്റ് നൽകും. വർക്ക് പെർമിറ്റ് ഇല്ലാതെ യുഎഇയിൽ ജോലി ചെയ്യുന്നത് കുറ്റകരമാണ്.
Click it and Unblock the Notifications
Sign in with Google