യുകെയില് പോയാല് കഷ്ടപ്പെടേണ്ടി വരില്ല: ആ അഞ്ച് കോഴ്സുകാർക്ക് സാധ്യതകള് കൈനിറയെ
കാനഡയ്ക്കും യുഎസിനും പുറമെ ഇന്ത്യന് വിദ്യാർത്ഥികളുടെ പ്രധാന വിദേശ കുടിയേറ്റ ലക്ഷ്യ സ്ഥാനങ്ങളില് ഒന്നാണ് യുകെ. മലയാളികള് ഉള്പ്പെടെ ലക്ഷക്കണക്കിന് ഇന്ത്യക്കാർ ഇന്ന് കാനഡയില് പഠിക്കുകയും ജോലിയെടുക്കുകയും ചെയ്യുന്നുണ്ട്. യുകെ ഗവൺമെന്റിന്റെ 2022ലെ കണക്കുകൾ പ്രകാരം ഇംഗ്ലണ്ടിലെയും വെയിൽസിലെയും ആറിൽ ഒരാൾ യുകെയിൽ ജനിച്ചവരല്ലെന്നതാണ്. വിദേശികളിലെ ഏറ്റഴും വലിയ ജനവിഭാഗവും ഇന്ത്യക്കാരാണ്.
2022-ൽ, പഠനം, ജോലി, സന്ദർശനം എന്നിവയുൾപ്പെടെ എല്ലാ വിഭാഗത്തിലും യുകെ അനുവദിച്ച വിസകളില് മുന്നില് നില്ക്കുന്നത് ഇന്ത്യക്കാരാണ്. യുകെ വൻ തൊഴിലാളി ക്ഷാമത്തിന് സാക്ഷ്യം വഹിക്കുന്നുണ്ടെങ്കിലും, ഒരു പുതിയ രാജ്യത്ത് തൊഴിൽ ഉറപ്പാക്കുന്നത് ഏറെ വെല്ലുവിളികള് നിറഞ്ഞതാണ്. എന്നിരുന്നാലും, ശരിയായ വഴികൾ മനസ്സിലാക്കുന്നത് നിങ്ങള്ക്ക് മുന്നിലെ പ്രതിസന്ധികള് എളുപ്പത്തില് മറികടക്കാന് സഹായിച്ചേക്കും.
വിദേശ കുടിയേറ്റം എന്ന ലക്ഷ്യത്തില് കൃത്യമായ പ്ലാന് ഇല്ലാതെ, എളുപ്പത്തില് ലഭ്യമാവുന്ന വിദ്യാർത്ഥി വിസകളില് കയറി വരുന്നവരാണ് പലപ്പോഴും വലിയ പ്രശ്നങ്ങളില് അകപ്പെടുന്നത്. ഈ സാഹചര്യത്തിലാണ് നിലവിൽ യുകെയിൽ ഉയർന്ന ഡിമാൻഡുള്ള 5 ജോലികളെ നാം ഇവിടെ പരിചയപ്പെടുത്തുന്നത്.
ഹെൽത്ത് കെയർ പ്രൊഫഷണലുകൾ
ഹെല്ത്ത് കെയർ മേഖലയിലെ രൂക്ഷമായ തൊഴിൽ സേനയുടെ ക്ഷാമം പരിഹരിക്കുന്നതിന് വിദേശത്ത് നിന്നുള്ള വിദഗ്ധ ആരോഗ്യ വിദഗ്ധരെ സ്വാഗതം ചെയ്യുന്ന വിസയാണ് യുകെയുടെ സ്കിൽഡ് വർക്കർ വിസ സ്കീം. ഇതിൽ നഴ്സുമാർ, ഫാർമസിസ്റ്റുകൾ, കെയർ വർക്കർമാർ, ഹോംകെയർ നൽകുന്നവർ തുടങ്ങിയവർ ഉൾപ്പെടുന്നു.
ഈ വിസയിലൂടെ ഒരാൾക്ക് 5 വർഷം വരെ യുകെയിൽ താമസിക്കാനും ജോലി ചെയ്യാനും കഴിയും. മാത്രവുമല്ല ഇത് അനിശ്ചിതമായി പുതുക്കാനും കഴിയും. യോഗ്യത നേടുന്നതിനായി ആവശ്യമായ ശമ്പള പരിധി പാലിക്കുന്ന ഒരു യുകെ തൊഴിലുടമയിൽ നിന്ന് നിങ്ങൾക്ക് ഒരു തൊഴിൽ ഓഫർ ഉണ്ടായിരിക്കണം. കൂടാതെ അപേക്ഷകന് ആവശ്യമായ യോഗ്യതകളും അനുഭവപരിചയവും നേടിയിരിക്കണമെന്നും റിപ്പോർട്ടുകള് പറയുന്നു.
പരമ്പരാഗത എഞ്ചിനീയറിംഗ്
നിലവിൽ, സിവിൽ, മെക്കാനിക്കൽ, ഇലക്ട്രിക്കൽ, ഇലക്ട്രോണിക്സ് എഞ്ചിനീയർമാർക്കും ഡിസൈൻ ആൻഡ് ഡെവലപ്മെന്റ് എഞ്ചിനീയർമാർക്കും വലിയ സാധ്യതയാണ് യുകെയിലുള്ളത്. എഞ്ചിനീയറിംഗ് യുകെയുടെ കണക്കനുസരിച്ച്, യുകെയിലെ എഞ്ചിനീയറിംഗ് വ്യവസായം 2022 മുതൽ 2027 വരെ പ്രതിവർഷം 2.7% എന്ന നിരക്കിൽ വളരുമെന്ന് പ്രതീക്ഷിക്കുന്നു. അതിനാൽ, ശരിയായ ബിരുദമോ പ്രവൃത്തി പരിചയമോ ഉപയോഗിച്ച്, നിങ്ങൾക്ക് അനുയോജ്യമായ ജോലികൾ എളുപ്പത്തിൽ കണ്ടെത്താനാകും.
ഐടി മേഖല
ഐടി മേഖലയിലും ഇപ്പോള് ഉയർന്ന ഡിമാൻഡാണ് ഉള്ളത്. റിപ്പോർട്ട് അനുസരിച്ച്, ബിസിനസ് അനലിസ്റ്റുകൾ, ആർക്കിടെക്റ്റുകൾ, സിസ്റ്റം ഡിസൈനർമാർ എന്നിവരുൾപ്പെടെയുള്ള ഐടി മേഖല 2027 ഓടെ 4.2% തൊഴിൽ വളർച്ചയ്ക്ക് സാക്ഷ്യം വഹിക്കുകയും 5,200 പുതിയ തസ്തികകൾ സൃഷ്ടിക്കുകയും ചെയ്യും.കൂടാതെ, ഈ കാലയളവിൽ 39.6% തൊഴിലാളികൾ വിരമിക്കുമെന്ന് പ്രതീക്ഷിക്കുന്നു, ഇത് 49,600 തൊഴിലവസരങ്ങൾ സൃഷ്ടിക്കുന്നു.
പ്രോഗ്രാമിംഗ് ആന്ഡ് സോഫ്റ്റ്വെയർ
"ഈ മേഖലയിൽ 2027 ഓടെ 4.2% തൊഴിൽ വളർച്ച കാണും, ഇത് 12,500 പുതിയ ജോലികളിലേക്ക് നയിക്കും. അതേ കാലയളവിൽ, വിരമിക്കുന്ന തൊഴിലാളികൾ 118,900 തൊഴിലവസരങ്ങൾ സൃഷ്ടിക്കും, " എക്കണോമിക് ടൈംസ് റിപ്പോർട്ട് പറയുന്നു.
എക്കണോമിക്സ് ആന്ഡ് സ്റ്റാറ്റിസ്റ്റിക്സ്
ഇൻഷുറൻസ്, ഫിനാൻസ്, ഗവൺമെന്റ് എന്നിവയുൾപ്പെടെ വിവിധ വ്യവസായങ്ങളിൽ, വിമർശനാത്മക ചിന്തയും പ്രശ്നപരിഹാരവും അനിവാര്യമായ മേഖലകളിൽ ആക്ച്വറികളും സാമ്പത്തിക വിദഗ്ധരും സ്റ്റാറ്റിസ്റ്റിക്സും പ്രധാന പങ്ക് വഹിക്കുന്നു. നാഷണൽ കരിയർ സർവീസസ് 2027-ഓടെ 4.3% തൊഴിൽ വളർച്ച പ്രവചിക്കുന്നു. 55.3% തൊഴിൽ ശക്തി വിരമിക്കൽ നിരക്ക് കാരണം 23,200 തൊഴിലവസരങ്ങൾ സൃഷ്ടിക്കപ്പെട്ടേക്കാം.
Click it and Unblock the Notifications
Sign in with Google