യുകെയില് തൊഴില് അവസരങ്ങള്: വെയർഹൗസിലേക്ക് ആമസോണ് തേടുന്നത് 2000 പേരെ, മികച്ച ശമ്പളം
യുകെയില് നിരവധി തൊഴില് അവസരങ്ങളുമായി ആമസോണ്. കമ്പനി പുതുതായി ആരംഭിക്കുന്ന വെയർഹൗസിലാണ് (Fulfillment By Amazon) തൊഴില് അവസരങ്ങള്. ഓർഡറുകള് വരുന്നതിന് അനുസരിച്ച് സാധനങ്ങള് പാക്ക് ചെയ്ത് അയക്കുന്ന സംഭരണ കേന്ദ്രം കൂടിയാണ് ഓരോ ആമസോണ് വെയർഹൗസും. ഇത്തരത്തില് ഡർഹാമിലെ സ്റ്റോക്ക്ടൺ-ഓൺ-ടീസിൽ ആരംഭിക്കുന്ന വെയർഹൗസിലേക്കാണ് ഇപ്പോള് ഉദ്യഗാർത്ഥികളെ ക്ഷണിച്ചിരിക്കുന്നത്.
450 മില്യൺ പൗണ്ട് മുതല് മുടക്കിയാണ് പുതിയ സംഭരണ-വിതരണ കേന്ദ്രം ആമസോണ് സജ്ജീകരിക്കുന്നത്. ഈ വർഷം ഒക്ടോബർ മാസത്തോടെയായിരിക്കും കേന്ദ്രം പൂർണ്ണ തോതില് പ്രവർത്തനം ആരംഭിക്കുക. 464,000 ചതുരശ്ര അടിയില് വ്യാപിച്ച് കിടക്കുന്ന സ്ഥാപനത്തില് തുടക്കത്തില് 1000 പേരേയും രണ്ടാം ഘട്ടത്തില് മറ്റൊരു 1000 പേരെയും നിയമിക്കും. രണ്ട് ഘട്ടങ്ങളിലുമായി ആകെ 2000 പേരെ നിയമിക്കുമെന്നാണ് കമ്പനി വ്യക്തമാക്കുന്നത്.
എഞ്ചിനീയർമാർ മുതൽ എച്ച്ആർ, ഐടി പ്രൊഫഷണലുകൾ, ഹെൽത്ത് ആൻഡ് സേഫ്റ്റി, ഫിനാൻസ് സ്പെഷ്യലിസ്റ്റുകൾ തുടങ്ങി പാക്കിങ് വരെയായി നിരവധി മേഖലകളില് തൊഴിലുകള് ലഭ്യമാണ്. ഓർഡറുകൾ തിരഞ്ഞെടുക്കുകയും പാക്ക് ചെയ്യുകയും ഷിപ്പ് ചെയ്യുകയും ചെയ്യുന്ന ടീമുകളിലേക്ക് റിക്രൂട്ട്മെന്റ് ആരംഭിച്ചതായി ആമോസോണ് അറിയിച്ചു.
'ജീവനക്കാർക്ക് ഏറ്റവും ആധുനികവും ആകർഷകവും സുരക്ഷിതവുമായ അന്തരീക്ഷം ഉറപ്പാക്കാൻ പ്രത്യേകം ശ്രദ്ധിക്കുന്ന കമ്പനിയാണ് ആമസോണ്. ഇതിനായി തങ്ങളുടെ ജോലി സ്ഥലങ്ങളില് കമ്പനി വലിയ തോതില് നിക്ഷേപം നടത്തുന്നു. വൈൻയാർഡ് പാർക്കിലെ പുതിയ കെട്ടിടം ആമസോൺ റോബോട്ടിക്സ് സാങ്കേതികവിദ്യയുടെ മൂന്ന് നിലകളുള്ള ഏറ്റവും പുതിയ തലമുറ കേന്ദ്രമാണ്.' ആമസോണ് പ്രസ്താവനയിലൂടെ വ്യക്തമാക്കി.
2020 മെയ് മാസത്തിൽ ഡാർലിംഗ്ടണിലും 2020 സെപ്റ്റംബറിൽ ഡർഹാമിലും 2021 സെപ്റ്റംബറിൽ ഗേറ്റ്സ്ഹെഡിലും സെന്ററുകൾ ആരംഭിച്ചതിന് ശേഷം ഇംഗ്ലണ്ടിന്റെ വടക്ക് കിഴക്കൻ ഭാഗത്ത് നിലവില് വരുന്ന ആമസോണിന്റെ നാലാമത്തെ ഫുൾഫിൽമെന്റ് സെന്ററാണ് സ്റ്റോക്ക്ടൺ-ഓൺ-ടീസിലേത്. 2,000 പുതിയ സ്ഥിരം നിമയമനങ്ങള് നടത്തുന്നതിനോടൊപ്പം തന്നെ നിരവധി പാർട് ടൈം ജോലികളും ഇവിടെ ലഭ്യമായിരിക്കും.
"സ്റ്റോക്ക്ടൺ-ഓൺ-ടീസിൽ പുതിയ അത്യാധുനിക റോബോട്ടിക്സ് പൂർത്തീകരണ കേന്ദ്രം ആരംഭിക്കുന്ന ആമസോണിന്റെ പ്രഖ്യാപനത്തില് ഞങ്ങൾക്ക് വലിയ സന്തോഷമുണ്ട്. ബറോയിലേക്ക് 2,000 പുതിയ സ്ഥിരം ജോലി അവസരങ്ങള് നല്കുന്നതിനോടൊപ്പം ആമസോൺ നാളിതുവരെ ഈ മേഖലയിലേക്ക് നടത്തിയ സുപ്രധാന നിക്ഷേപം വർദ്ധിപ്പിക്കുകയും ചെയ്യുന്നു." സ്റ്റോക്ക്ടൺ-ഓൺ-ടീസ് ബറോ കൗൺസിലിന്റെ നേതാവ് ബോബ് കുക്ക് അഭിപ്രായപ്പെട്ടു.
"ഇംഗ്ലണ്ടിന്റെ നോർത്ത് ഈസ്റ്റ് മേഖലയില് ആമസോണിന്റെ തുടർച്ചയായ നിക്ഷേപം പ്രഖ്യാപിക്കുന്നതിൽ ഞാൻ സന്തുഷ്ടനാണ്, സ്റ്റോക്ക്ടൺ-ഓൺ-ടീസിൽ ഒരു പുതിയ ഫുൾഫിൽമെന്റ് സെന്റർ തുറക്കുകയും 2,000 പുതിയ സ്ഥിരം ജോലികൾ സൃഷ്ടിക്കുകയും ചെയ്യുന്നു. എഞ്ചിനീയർമാർ, ഐടി പ്രൊഫഷണലുകൾ മുതൽ ഉപഭോക്തൃ ഓർഡറുകൾ കൈകാര്യം ചെയ്യുന്ന ടീമുകൾ വരെ വൈവിധ്യമാർന്ന റോളുകളിൽ കഴിവുള്ള വ്യക്തികളെ റിക്രൂട്ട് ചെയ്യാൻ ഞാൻ ആഗ്രഹിക്കുന്നു. " ആമസോണിന്റെ റീജിയണൽ ഡയറക്ടർ മരിയാന ദേശായി കൂട്ടിച്ചേർത്തു.
മികച്ച ശമ്പളത്തിന് പുറമേ, എല്ലാ ജീവനക്കാർക്കും സ്വകാര്യ മെഡിക്കൽ ഇൻഷുറൻസ്, ലൈഫ് ഇൻഷുറൻസ്, ഇൻകം പ്രൊട്ടക്ഷൻ, സബ്സിഡി നിരക്കില് ഭക്ഷണം എന്നിവ ഉൾപ്പെടെയുള്ള സമഗ്രമായ പാക്കേജും വാഗ്ദാനം ചെയ്യും. ഇതോടൊപ്പം ഒരു കമ്പനി പെൻഷൻ പദ്ധതിയും ലഭ്യമായിരിക്കും. ടേം ടൈം ജോലിക്ക് അപേക്ഷിക്കാൻ കഴിയുന്നതിന് പുറമെ. ആമസോണ് ജോലികളിലേക്ക് കമ്പനിയുടെ ഔദ്യോഗിക വെബ്സൈറ്റ് വഴി അപേക്ഷിക്കാവുന്നതാണ്.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല്
Click it and Unblock the Notifications
Sign in with Google