യുകെ ജോലി ഇതാ കയ്യെത്തും ദൂരത്ത്: സൗജന്യ റിക്രൂട്ട്മെന്റ് കൊച്ചിയില്, ഇപ്പോള് തന്നെ അപേക്ഷിക്കാം
നോര്ക്ക റൂട്ട്സ് യുണൈറ്റഡ് കിംങ്ഡമിലെ (യു.കെ) വിവിധ എന്.എച്ച്.എസ് ട്രസ്റ്റുകളിലെ മാനസികാരോഗ്യ വിഭാഗത്തില് ഡോക്ടര്മാര്ക്ക് അവസരങ്ങള് ലഭ്യമാക്കുന്ന റിക്രൂട്ട്മെന്റ് ഡ്രൈവ് സംഘടിപ്പിക്കുന്നു. ഇതിനായുളള അഭിമുഖങ്ങള് 2024 ജനുവരി 22 ന് കൊച്ചിയില് നടക്കും. സൈക്യാട്രി സ്പെഷ്യാലിറ്റി വിഭാഗത്തിലാണ് (സൈക്യാട്രിസ്റ്റ്) ഡോക്ടര്മാര്ക്ക് അവസരം.
സ്പെഷ്യാലിറ്റിയില് ബിരുദാനന്തര ബിരുദത്തിനു ശേഷം നാലുവര്ഷത്തെ പ്രവൃത്തിപരിചയം വേണം. ഇതില് രണ്ടു വര്ഷക്കാലം അധ്യാപന പരിചയമുളളവര്ക്ക് മുന്ഗണന ലഭിക്കും. Professional and Linguistic Assessments Board (PLAB) യോഗ്യത ആവശ്യമില്ല. അഭിമുഖസമയത്ത് OET/IELTS (UK-SCORE) നിര്ബന്ധമില്ല. നിയമനം ലഭിച്ചാല് നിശ്ചിതസമയ പരിധിക്കുളളില് പ്രസ്തുതഭാഷാ യോഗ്യത നേടേണ്ടതാണ്.
എങ്ങനെ അപേക്ഷിക്കാം
താല്പര്യമുള്ള ഉദ്യോഗാർത്ഥികൾ [email protected] എന്ന ഇ-മെയിൽ വിലാസത്തില് അവരുടെ ബയോഡാറ്റ, OET /IELTS സ്കോർ കാര്ഡ് , യോഗ്യത തെളിയിക്കുന്ന സർട്ടിഫിക്കറ്റുകള്, പാസ്സ്പോർട്ടിന്റെ പകർപ്പ്, എന്നിവ സഹിതം അപേക്ഷിക്കുക. അപേക്ഷകരില് നിന്നും യു.കെ യിലെ എംപ്ലോയര് ഷോര്ട്ട് ലിസ്റ്റ് ചെയ്യുന്നവരെയാണ് അഭിമുഖങ്ങള്ക്കു ക്ഷണിക്കുക.
തിരഞ്ഞെടുക്കപ്പെടുന്നവരെ നോര്ക്ക റൂട്ട്സ് റിക്രൂട്ട്മെന്റ് വിഭാഗത്തില് നിന്നും അറിയിക്കുന്നതാണ്. കൂടുതല് വിവരങ്ങള്ക്ക് 24 മണിക്കൂറും പ്രവൃത്തിക്കുന്ന നോര്ക്ക ഗ്ലോബല് കോണ്ടാക്ട് സെന്ററിന്റെ ടോൾ ഫ്രീ നമ്പറുകളില് (ENGLISH, MALAYALAM) 18004253939 (ഇന്ത്യയിൽ നിന്നും) +91 8802012345 (വിദേശത്തു നിന്നും-മിസ്ഡ് കോൾ സൗകര്യം) ബന്ധപ്പെടാവുന്നതാണ്.
സംസ്ഥാന സര്ക്കാര് സ്ഥാപനമായ നോര്ക്ക റൂട്ട്സ് വഴിയുളള യു.കെ-റിക്രൂട്ട്മെന്റ് ഉദ്യോഗാര്ത്ഥികള്ക്ക് പൂര്ണ്ണമായും സൗജന്യമാണ്. എമിഗ്രഷന് ആക്റ്റ് 1983 പ്രകാരം പ്രൊട്ടക്ടര് ജനറല് ഓഫ് എമിഗ്രന്സിന്റെ ലൈസന്സുളള (LIC NO:B-549/KER/COM/1000+/05/8760/2011) അന്താരാഷ്ട്ര റിക്രൂട്ട്മെന്റ് ഏജന്സികൂടിയാണ് നോര്ക്ക റൂട്ട്സ് .
അതേസമയം, വിദേശ രാജ്യങ്ങളിലേയ്ക്ക് പഠനത്തിനോ, ഉദ്യാഗത്തിനോ പോകുന്നവര്ക്കായുളള നോർക്ക റൂട്ട്സിന്റെ പ്രീ-ഡിപ്പാർചർ ഓറിയന്റേഷൻ പ്രോഗ്രാം (PDOP) ജനുവരി 11 ന് തിരുവനന്തപുരത്ത് നടക്കും. പങ്കെടുക്കാന് താല്പര്യമുളള നഴ്സിങ് പ്രൊഫഷണലുകള്ക്കും മറ്റുളളവര്ക്കും നോര്ക്ക റൂട്ട്സ് വെബ്ബ്സൈറ്റു വഴി (www.norkaroots.org) രജിസ്റ്റര് ചെയ്യാവുന്നതാണ്. വിദേശ രാജ്യങ്ങളിലേക്കുളള കുടിയേറ്റ നടപടികളെപറ്റി വിദ്യാർത്ഥികളെയും ഉദ്യോഗാര്ത്ഥികളേയും ബോധവല്രിക്കുന്ന രീതിയിലാണ് പ്രോഗ്രാം രൂപകൽപ്പന ചെയ്തിരിക്കുന്നത്.
അക്കാദമിക് യോഗ്യതകൾ, സർട്ടിഫിക്കേഷനുകൾ, യോഗ്യതാ പരീക്ഷകൾ, ഭാഷാപരമായ ആവശ്യകതകൾ, ആവശ്യമായ പൊതു രേഖകൾ, തൊഴിൽ സാധ്യതകൾ, വിദേശത്തേക്ക് കുടിയേറുന്നതിന്റെ നേട്ടങ്ങൾ എന്നിവ ഇതിൽ ഉൾപ്പെടും.
നിയമപരവും സുരക്ഷിതമായ കുടിയേറ്റ മാർഗ്ഗനിർദ്ദേശങ്ങളും, തൊഴിൽ തട്ടിപ്പുകളെക്കുറിച്ചുളള അവബോധം, പൊതു നിയമവ്യവസ്ഥകൾ, വിവിധ വിദേശരാജ്യങ്ങളിലെ സംസ്കാരം, ജീവിതരീതികൾ, തൊഴിൽ നിയമങ്ങൾ, വിസ സ്റ്റാമ്പിങ്, തൊഴിൽ കുടിയേറ്റ നടപടികൾ എന്നിവയെല്ലാം ഉൾപ്പെടുന്നതാണ് ഏകദിന പരിശീലന പരിപാടി. കേരള സംസ്ഥാന വനിതാവികസന കോർപ്പറേഷന്റെ ഭാഗമായ റീച്ച് ഫിനിഷിംഗ് സ്കൂളിന്റെ പിന്തുണയോടെയാണ് പരിശീലനം സംഘടിപ്പിച്ചു വരുന്നത്.
Click it and Unblock the Notifications
Sign in with Google