കുവൈത്തിൽ ഡോക്ടര്, നഴ്സ്, പാരാമെഡിക്കല് സ്റ്റാഫ് ഒഴിവുകൾ, അപേക്ഷിക്കേണ്ടത് ഇങ്ങനെ
കുവൈറ്റ് പ്രതിരോധ മന്ത്രാലയത്തിന് കീഴില് വരുന്ന കുവൈറ്റ് നാഷണല് ഗാര്ഡ്സില് ഡോക്ടര്, നഴ്സ്, പാരാമെഡിക്കല് സ്റ്റാഫ് ഒഴിവുകളിലേക്ക് പുരുഷന്മാരായ ഉദ്യോഗാര്ഥികളില് നിന്നും നോര്ക്ക് റൂട്ട്സ് വഴി നിയമനത്തിന് അപേക്ഷ ക്ഷണിച്ചു. തെരഞ്ഞെടുക്കപ്പെടുന്നവര്ക്ക് കുവൈത്ത് സായുധസേനയിലെ ലെഫ്റ്റനന്റ് തസ്തികയിലായിരിക്കും ആദ്യ നിയമനം.
ജനറല് പ്രാക്ടീഷണര്, ഇന്റേണല് മെഡിസിന്, ജനറല്സര്ജറി, യൂറോളജിസ്റ്റ് ( സര്ജറി), കാര്ഡിയോളജിസ്റ്റ്, സൈക്യാട്രിസ്റ്റ്, ഇ, എന്, ടി, ഡെര്മറ്റോളജി, റേഡിയോളജി , റെസ്പിറേറ്ററി മെഡിസിന്, അലര്ജി സ്പെഷ്യലിസ്റ്റ് , ഡയബറ്റോളജിസ്റ്റ്, ഓഫ്ത്താല്മോളജിസ്റ്റ്, ഓര്ത്തോപീഡിക്സ്, ഏമര്ജന്സി മെഡിസിന്, നെഫ്രോളജി, കമ്മ്യൂണിറ്റി മെഡിസിന് എന്നിവയിലാണ് ഡോക്ടര്മാരുടെ ഒഴിവുകളുള്ളത്. 1100 മുതല് 1400 വരെ കുവൈറ്റി ദിനാര് ശമ്പളം ലഭിക്കും. '
വിശദാംശങ്ങള്ക്ക് +91 94473 39036 (ഓഫീസ് സമയം) എന്ന നമ്പരില് ബന്ധപ്പെടാം.
ഫാര്മസിസ്റ്റ് , ബയോ മെഡിക്കല് എഞ്ചിനീയര്, ഫിസിയോ തെറാപ്പിസ്റ്റ് , ഡയറ്റീഷ്യന്, നഴ്സ് എന്നീ കാറ്റഗറികളിലാണ് മറ്റ് ഒഴിവുകള്. ശമ്പളം 500-800 വരെ കുവൈറ്റി ദിനാര്. എല്ലാ ഒഴിവുകളിലേക്കും അഞ്ചു വര്ഷത്തെ പ്രവര്ത്തിപരിചയം നിര്ബന്ധമാണ്. ശമ്പളത്തിന് പുറമെ ആകര്ഷകമായ ആനുകൂല്യങ്ങളും ഉണ്ടായിരിക്കുമെന്ന് നോര്ക്ക ചീഫ് എക്സിക്യൂട്ടീവ് ഓഫീസര് അറിയിച്ചു. കൂടുതല് വിവരങ്ങള്ക്കും അപേക്ഷ സമര്പ്പിക്കുന്നതിനുംwww.norkaroots.orgഎന്ന വെബ്സൈറ്റ് സന്ദര്ശിക്കുക. അവസാന തീയതി 2022 ഫെബ്രുവരി 3.
സംശയങ്ങള്ക്ക് 1800 425 3939 എന്ന ടോള് ഫ്രീ നമ്പരില് ബന്ധപ്പെടാവുന്നതാണ്. വിദേശത്തു നിന്നും മിസ്സ്ഡ് കാള് സര്വീസിന് 0091 880 20 12345 എന്ന നമ്പരില് വിളിക്കാം.
ഇമെയില് : [email protected]
സി-മെറ്റിൽ പ്രിൻസിപ്പൽ നിയമനത്തിന് അപേക്ഷ ക്ഷണിച്ചു
സ്റ്റേറ്റ് ഇൻസ്റ്റിറ്റ്യൂട്ട് ഓഫ് മെഡിക്കൽ എഡ്യൂക്കേഷൻ ആൻഡ് ടെക്നോളജി (സി-മെറ്റ്) യുടെ കീഴിലുള്ള നഴ്സിംഗ് കോളേജുകളിൽ പ്രിൻസിപ്പൽ തസ്തികയിൽ ഒരു വർഷത്തെ കരാർ നിയമനത്തിന് അപേക്ഷ ക്ഷണിച്ചു.
നിലവിൽ ഉദുമ നഴ്സിംഗ് കോളേജിൽ മാത്രമാണ് ഒഴിവുള്ളത്. മറ്റ് കോളേജുകളിൽ ഒഴിവുണ്ടാകുന്നമുറയ്ക്ക് ഈ ലിസ്റ്റിൽ നിന്ന് നിയമിക്കും. എം.എസ്.സി നഴ്സിംഗിന് ശേഷം 15 വർഷത്തെ പ്രവർത്തിപരിചയം. ഇതിൽ 12 വർഷത്തെ അദ്ധ്യാപകപരിചയത്തിൽ കുറഞ്ഞത് 10 വർഷം കോളേജിയേറ്റ് പ്രോഗ്രാമിൽ പഠിപ്പിച്ചുള്ള പരിചയം. എം.ഫിൽ (നഴ്സിംഗ്)/ പി.എച്ച്.ഡി (നഴ്സിംഗ്)/ പബ്ലിക്കേഷൻ എന്നിവയാണ് യോഗ്യതകൾ. പരമാവധി പ്രായം 60 വയസ്സ്. www.simet.kerala.gov.in ലെ റിക്രൂട്ട്മെന്റ് ഭാഗത്ത് ഒറ്റത്തവണ രജിസ്ട്രെഷൻ നടത്തി കാൻഡിഡേറ്റ് ലോഗിൻ വഴി ഫെബ്രുവരി അഞ്ച് വരെ അപേക്ഷ സമർപ്പിക്കാം.
സിമെറ്റിന്റെ വെബ് സൈറ്റിൽ (www.simet.kerala.gov.in, www.simet.in) നിന്ന് ലഭിക്കുന്ന ചെലാൻ പൂരിപ്പിച്ച് ഏതെങ്കിലും എസ്.ബി.ഐ ശാഖയിൽ 1,000 രൂപ അടച്ചതിന്റെ രസീത് (candidate copy) (എസ്.സി/ എസ്.റ്റി വിഭാഗത്തിന് 500 രൂപ), ഒപ്പ് രേഖപ്പെടുത്തിയ അപേക്ഷ (വെബ്സൈറ്റിൽ നിന്ന് ലഭിക്കുന്നതാണ്), ബയോഡേറ്റ, വയസ് തെളിയിക്കുന്നതിനുള്ള സർട്ടിഫിക്കറ്റ്, ബി.എസ്സി നഴ്സിംഗ്, എം.എസ്സി നഴ്സിംഗ് ഡിഗ്രി സർട്ടിഫിക്കറ്റുകൾ, മാർക്ക് ലിസ്റ്റുകൾ, പ്രവൃത്തിപരിചയ സർട്ടിഫിക്കറ്റുകൾ, സാധുവായ കേരള നഴ്സിംഗ് കൗൺസിൽ രജിസ്ട്രേഷൻ (അഡീഷണൽ ക്വാളിഫിക്കേഷൻ രജിസ്ട്രെഷൻ ഉൾപ്പെടെ) എന്നിവയുടെ പകർപ്പുകൾ സഹിതം പൂരിപ്പിച്ച അപേക്ഷകൾ ഡയറക്ടർ, സി-മെറ്റ്, പാറ്റൂർ, വഞ്ചിയൂർ പി.ഒ, തിരുവനന്തപുരം 695035 എന്ന വിലാസത്തിൽ ഫെബ്രുവരി 10 നകം അയയ്ക്കണം. ശമ്പളം 64,140 രൂപ. വിശദവിവരങ്ങൾക്ക്: 0471-2302400, www.simet.in.
നോൺ അക്കാദമിക് ജൂനിയർ റസിഡന്റ് നിയമനം
Recommended Video
ആലപ്പുഴ: ഗവൺമെന്റ് മെഡിക്കൽ കോളജിൽ നോൺ അക്കാദമിക് ജൂനിയർ റസിഡന്റുമാരെ തിരഞ്ഞെടുക്കുന്നതിനുള്ള അഭിമുഖം ജനുവരി 28, 29, 31 തീയതികളിൽ രാവിലെ 11ന് പ്രിൻസിപ്പലിന്റെ ഓഫീസിൽ നടക്കും.
യോഗ്യത- അംഗീകൃത സർവകലാശാലയിൽ നിന്നുള്ള എം.ബി.ബി.എസ് ബിരുദം നേടി ഒരു വർഷത്തെ ഇന്റേൺഷിപ്പ് പൂർത്തിയാക്കിയവരെയാണ് പരിഗണിക്കുന്നത്, ടി.സി.എം.സി രജിസ്ട്രേഷൻ സർട്ടിഫിക്കറ്റ്, സ്വഭാവ സർട്ടിഫിക്കറ്റ് എന്നിവയും ഉണ്ടായിരിക്കണം.
പ്രവൃത്തിപരിചയം അഭികാമ്യം. പ്രതിമാസ വേതനം- 45,000 രൂപ. താൽപര്യമുള്ളവർ അസൽ സർട്ടിഫിക്കറ്റുകളുമായി അഭിമുഖം നടക്കുന്ന ദിവസങ്ങളിൽ ഓഫീസിൽ ഹാജരാകണം.
[email protected] എന്ന ഇ-മെയിൽ വിലാസത്തില് 27 വരെ അപേക്ഷ നൽകാം. ഫോൺ: 0477- 22822015.
Click it and Unblock the Notifications
Sign in with Google