ഇന്ത്യൻ ഇൻസ്റ്റിറ്റ്യൂട്ട് ഓഫ് സ്പൈസ് റിസർച്ചിൽ ഒഴിവ്; റെയിൽവെയിലും 1785 ഒഴിവുകൾ..അപേക്ഷിക്കാം

കോഴിക്കോട് ഐസിഎആർ-ഇന്ത്യൻ ഇൻസ്റ്റിറ്റ്യൂട്ട് ഓഫ് സ്പൈസസ് റിസർച്ച് ഒരു യംഗ് പ്രൊഫഷണൽ-I തസ്തികയിലേക്ക് അപേക്ഷ ക്ഷണിച്ചു. കരാർ അടിസ്ഥാനത്തിലാണ് നിയമനം. അപേക്ഷിക്കാനുള്ള അവസാന തീയതി 21 ആണ്. ഈ തസ്തികയിൽ ഒരു ഒഴിവ് മാത്രമാണുള്ളത്. ഹ്യുമാനിറ്റീസിലുള്ള ഏതെങ്കിലും അടിസ്ഥാന ബിരുദമാണ് അപേക്ഷിക്കാനുള്ള കുറഞ്ഞ വിദ്യാഭ്യാസ യോഗ്യത.

കമ്പ്യൂട്ടർ അധിഷ്ഠിത ഓഫീസ് സോഫ്റ്റ്‌വെയറുകളിലും ഓഫീസ് ഭരണത്തിലും ഫയലിംഗിലും ചുരുങ്ങിയത് രണ്ട് വർഷത്തെ പ്രവൃത്തിപരിചയം അഭികാമ്യമാണ്. ഐ സി എ ആർ അല്ലെങ്കിൽ ഏതെങ്കിലും സർക്കാർ സ്ഥാപനങ്ങളിലെ പ്രവൃത്തിപരിചയമുള്ളവർക്ക് മുൻഗണനയുണ്ട്. പ്രോജക്ട് ഫയലുകൾ (ഹാർഡ് കോപ്പികളും സോഫ്റ്റ് കോപ്പികളും), ദൈനംദിന ഓഫീസ് കത്തിടപാടുകൾ, റിപ്പോർട്ടുകൾ തയ്യാറാക്കൽ, PME, HRD പ്രവർത്തനങ്ങളുമായി ബന്ധപ്പെട്ട കാര്യങ്ങൾ എന്നിവ കൈകാര്യം ചെയ്യുക എന്നിവയാണ് പ്രധാന ചുമതലകൾ.

കൂടാതെ, വിദ്യാർത്ഥികളുമായും ഉദ്യോഗസ്ഥരുമായും ഏകോപിപ്പിച്ച് റിപ്പോർട്ടുകൾ ഫയൽ ചെയ്യുക, ഓൺലൈൻ പോർട്ടലുകളിൽ വിവരങ്ങൾ പുതുക്കുക, ഉദ്യോഗസ്ഥർ നൽകുന്ന മറ്റ് ജോലികൾ ചെയ്യുക എന്നിവയും ചെയ്യണം.

തുടക്കത്തിൽ ഒരു വർഷത്തേക്കാണ് നിയമനം. സ്ഥാപനത്തിന്റെ ആവശ്യകതയും ഉദ്യോഗാർത്ഥിയുടെ പ്രകടനവും വിലയിരുത്തി ഇത് ഓരോ വർഷവും വീതം പരമാവധി മൂന്ന് വർഷം വരെ നീട്ടാവുന്നതാണ്. പ്രതിമാസം 30,000 രൂപയാണ് ശമ്പളം. അധികാരപരമായ ആവശ്യങ്ങൾക്കായി ആഭ്യന്തര യാത്രകൾ ചെയ്യേണ്ടി വന്നാൽ, യംഗ് പ്രൊഫഷണൽ-I ന് യാത്രാബത്തയും ദിവസബത്തയും ലഭിക്കും.

പ്രായം 21നും 45നും മധ്യേ ആയിരിക്കണം. 1980 നവംബർ 21നും 2004 നവംബർ 21നും ഇടയിൽ ജനിച്ചവർക്ക് അപേക്ഷിക്കാം. സർക്കാർ നിയമങ്ങൾക്കനുസരിച്ച് SC/ST/OBC/ഭിന്നശേഷിക്കാർ/വിമുക്തഭടന്മാർ എന്നിവർക്ക് ഉയർന്ന പ്രായപരിധിയിൽ ഇളവുകൾ ലഭിക്കും. കൂടുതൽ വിവരങ്ങൾക്ക് http://www.spices.res.in/sites/default/files/vacancies/Notification%20%26%20Application.pdf

സൗത്ത് ഈസ്റ്റേൺ റെയിൽവേയിൽ 1785 ഒഴിവുകൾ

സൗത്ത് ഈസ്റ്റേൺ റെയിൽവേ അപ്രന്റിസ് തസ്തികകളിലേക്ക് അപേക്ഷ ക്ഷണിച്ചു. 1785 ഒഴിവുകളാണ് ഉള്ളത്. . യോഗ്യരായ ഉദ്യോഗാർത്ഥികൾക്ക് ഔദ്യോഗിക വെബ്സൈറ്റായ rrcser.co.in വഴി ഓൺലൈനായി അപേക്ഷിക്കാം. അപേക്ഷിക്കാനുള്ള അവസാന തീയതി ഡിസംബർ 18 ആണ്. യോഗ്യതാ മാനദണ്ഡങ്ങൾ, തിരഞ്ഞെടുപ്പ് പ്രക്രിയ എന്നിവ ഉൾപ്പെടെയുള്ള വിശദാംശങ്ങൾ താഴെ ‌

ഈ തസ്തികയിലേക്ക് അപേക്ഷിക്കുന്നവർക്ക് അംഗീകൃത ബോർഡിൽ നിന്ന് കുറഞ്ഞത് 50% മാർക്കോടെ മെട്രിക്കുലേഷൻ (10+2 സിസ്റ്റത്തിൽ 10-ാം ക്ലാസ്) പാസായിരിക്കണം. കൂടാതെ, NCVT/SCVT നൽകിയ ITI പാസ് സർട്ടിഫിക്കറ്റും (അപ്രന്റിസ്ഷിപ്പ് ചെയ്യാൻ ഉദ്ദേശിക്കുന്ന ട്രേഡിൽ) ഉണ്ടായിരിക്കണം. 2026 ജനുവരി 1-ന് ഉ 15 വയസ്സിനും 24 വയസ്സിനും ഇടയിൽ പ്രായമുണ്ടായിരിക്കണം. പ്രായം കണക്കാക്കുന്നതിന് മെട്രിക്കുലേഷൻ സർട്ടിഫിക്കറ്റോ ജനന സർട്ടിഫിക്കറ്റോ പരിഗണിക്കും.

മെറിറ്റ് ലിസ്റ്റിന്റെ അടിസ്ഥാനത്തിലാണ് തിരഞ്ഞെടുപ്പ് നടക്കുക. അപേക്ഷിച്ച എല്ലാ ഉദ്യോഗാർത്ഥികളുടേയും മെട്രിക്കുലേഷൻ പരീക്ഷയിലെ മൊത്തം 50% മാർക്ക് ഉൾപ്പെടെയുള്ള ശതമാനം കണക്കാക്കിയാണ് ഓരോ ട്രേഡിലെയും മെറിറ്റ് ലിസ്റ്റ് തയ്യാറാക്കുന്നത്.

മെട്രിക്കുലേഷൻ ശതമാനം കണക്കാക്കുമ്പോൾ, എല്ലാ വിഷയങ്ങളിലും ലഭിച്ച മാർക്കുകൾ പരിഗണിക്കും. ഏതെങ്കിലും ഒരു വിഷയത്തിലോ ഏതാനും വിഷയങ്ങളിലോ ലഭിച്ച മാർക്കുകൾ മാത്രം അടിസ്ഥാനമാക്കിയായിരിക്കില്ല ഇത്.

അപേക്ഷാ ഫീസ് 100 ആണ്. SC/ST/PWD/വനിതാ ഉദ്യോഗാർത്ഥികളെ ഫീസ് അടയ്ക്കുന്നതിൽ നിന്ന് ഒഴിവാക്കിയിട്ടുണ്ട്. ഡെബിറ്റ് കാർഡ്, ക്രെഡിറ്റ് കാർഡ്, ഇന്റർനെറ്റ് ബാങ്കിംഗ്, UPI, ഇ-വാലറ്റുകൾ എന്നിവ വഴി ഫീസ് അടയ്ക്കാം.

കൂടുതൽ വിവരങ്ങൾ അറിയുന്നതിനായി ഉദ്യോഗാർത്ഥികൾക്ക് സൗത്ത് ഈസ്റ്റേൺ റെയിൽവേയുടെ ഔദ്യോഗിക വെബ്സൈറ്റ് സന്ദർശിക്കാവുന്നതാണ്.