മൃഗചികിത്സാ സേവനം പദ്ധതി: വെറ്ററിനറി സർജൻമാരുടെ ഒഴിവുകൾ
തിരുവനന്തപുരം ജില്ലയിലെ വിവിധ ബ്ലോക്കുകളിൽ രാത്രികാല അടിയന്തിര മൃഗചികിത്സാ സേവനം പദ്ധതിയുടെ ഭാഗമായി വെറ്ററിനറി സർജൻമാരെ ദിവസവേതനടിസ്ഥാനത്തിൽ നിയമിക്കുന്നതിന് ജൂലൈ ആറിനു രാവിലെ 11ന് ജില്ലാ മൃഗസംരക്ഷണ ഓഫീസിൽ അഭിമുഖം നടത്തും. കേരള സ്റ്റേറ്റ് വെറ്ററിനറി കൗൺസിൽ (കെ.വി.എസ്.സി) രജിസ്ട്രേഷൻ ഉള്ള ഉദ്യോഗാർഥികൾക്ക് അഭിമുഖത്തിൽ പങ്കെടുക്കാം. കൂടുതൽ വിവരങ്ങൾക്ക്: 0471-2330736. അഭിമുഖത്തിൽ പങ്കെടുക്കുന്ന ഉദ്യോഗാർഥികൾ ബയോഡേറ്റയും സർട്ടിഫിക്കറ്റുകളുടെ അസലും പകർപ്പുകളും ഹാജരാക്കണം.
അധ്യാപക ഒഴിവ്
തരുവണ ഗവ.ഹയര്സെക്കണ്ടറി സ്ക്കൂളില് ഹൈസ്ക്കൂള് വിഭാഗത്തില് എച്ച്.എസ്.ടി ഗണിതം, എച്ച്.എസ്.ടി ഉറുദു എന്നീ തസ്തികകളിലേയ്ക്ക് ദിവസ വേതാനാടിസ്ഥാനത്തില് താല്ക്കാലിക അധ്യാപരെ നിയമിക്കുന്നതിനുളള കൂടിക്കാഴ്ച ജൂലൈ 8ന് രാവിലെ 11 മണിക്ക് നടക്കും. ഉദ്യോഗാര്ത്ഥികള് അസ്സല് സര്ട്ടിഫിക്കറ്റ്, പകര്പ്പ് എന്നിവ സഹിതം ഹാജരാകണം. ഫോണ്: 04935 232080.
അധ്യാപക ഒഴിവ്
നെടുമങ്ങാട് സർക്കാർ ടെക്നിക്കൽ ഹൈസ്കൂളിൽ ഹൈസ്കൂൾ ടീച്ചർ (സോഷ്യൽ സയൻസ്) തസ്തികയിൽ താത്കാലിക (ദിവസവേതന അടിസ്ഥാനത്തിൽ) ഒരു ഒഴിവുണ്ട്. ഹൈസ്കൂൾതലത്തിൽ സോഷ്യൽ സയൻസ് ക്ലാസ്സുകൾ കൈകാര്യം ചെയ്യാൻ യോഗ്യതുള്ള അപേക്ഷകർക്ക് ജൂലായ് 8ന് രാവിലെ 10:30 ന് സ്കൂളിൽ നടക്കുന്ന അഭിമുഖ പരീക്ഷയിൽ പങ്കെടുക്കാം. യോഗ്യത സർട്ടിഫിക്കറ്റുകൾ, എക്സ്പീരിയൻസ് സർട്ടിഫിക്കറ്റുകൾ എന്നിവയുടെ അസൽ അഭിമുഖത്തിന് ഹാജരാക്കണം. വിശദവിവരങ്ങൾക്ക്: 0472 2812686, 9447376337.
മീഡിയ അക്കാദമിയില് പിജി ഡിപ്ലോമ
കേരള മീഡിയ അക്കാദമിയുടെ ഇന്സ്റ്റിറ്റ്യൂട്ട് ഓഫ് കമ്യൂണിക്കേഷന് നടത്തുന്ന പിജി ഡിപ്ലോമ കോഴ്സ് പ്രവേശനത്തിന് അപേക്ഷ ക്ഷണിച്ചു. ജേര്ണലിസം ആന്ഡ് കമ്യൂണിക്കേഷന്, ടെലിവിഷന് ജേര്ണലിസം, പബ്ലിക് റിലേഷന്സ് ആന്ഡ് അഡ്വര്ടൈസിങ്ങ്, എന്നീ പോസ്റ്റ് ഗ്രാജ്വേറ്റ് ഡിപ്ലോമ കോഴ്സുകള്ക്ക് ജൂലൈ 15 വരെ ഓണ്ലൈനായി അപേക്ഷ സമര്പ്പിക്കാം.
ഏതെങ്കിലും വിഷയത്തില് ബിരുദമാണ് അടിസ്ഥാന യോഗ്യത. അവസാനവര്ഷ ബിരുദ പരീക്ഷയെഴുതി ഫലം കാത്തിരിക്കുന്നവര്ക്കും അപേക്ഷിക്കാം. 2022 മെയ് 31ന് 28 വയസ്സ് കവിയരുത്. പട്ടികജാതി, പട്ടികവര്ഗ്ഗ, ഒ.ഇ.സി. വിഭാഗക്കാര്ക്ക് നിയമാനുസൃത വയസ്സ് ഇളവും ഫീസിളവും ലഭിക്കും. അഭിരുചി പരീക്ഷയുടേയും ഇന്റര്വ്യൂവിന്റേയും അടിസ്ഥാനത്തിലായിരിക്കും പ്രവേശനം. പ്രവേശന പരീക്ഷ ഓണ്ലൈനായാണ് നടത്തുക. കോഴ്സ് സംബന്ധിച്ച വിശദ വിവരങ്ങള് മീഡിയ അക്കാദമിയുടെ www.keralamediaacademy.org എന്ന വെബ്സൈറ്റില് ലഭിക്കും. അപേക്ഷകള് ഓണ്ലൈനായി വെബ്സൈറ്റിലൂടെ സമര്പ്പിക്കാം. ഓണ്ലൈന് അപേക്ഷ ജൂലൈ 15 നകം സമര്പ്പിക്കണം. ഇ-മെയില്: [email protected] ഫോണ്: 0484 2422275.
അപേക്ഷ ക്ഷണിച്ചു
ആലപ്പുഴ: കെല്ട്രോണിന്റെ വഴുതക്കാട് നോളജ് സെന്ററില് തൊഴിലധിഷ്ഠിത കോഴ്സുകളിലേക്ക് അപേക്ഷ ക്ഷണിച്ചു.
അഡ്വാന്സ്ഡ് ഡിപ്ലോമ ഇന് മീഡിയാ ഡിസൈനിംഗ് ആന്ഡ് ഡിജിറ്റല് ഫിലിം മേക്കിംഗ്, ഡിപ്ലോമ ഇന് ഹാര്ഡ്വെയര് ആന്ഡ് നെറ്റ്വര്ക്ക് മെയിന്റനന്സ് വിത്ത് ഇ-ഗാഡ്ജറ്റ് ടെക്നോളജി, ഡിപ്ലോമ ഇന് ലോജിസ്റ്റിക്സ് ആന്ഡ് സപ്ലൈ ചെയിന് മാനേജ്മെന്റ്, വെബ് ഡിസൈന് ആന്റ് ഡെവലപ്മെന്റ്സ്, ഡിപ്ലോമ ഇന് ഇന്ത്യന് ആന്ഡ് ഫോറിന് അക്കൗണ്ടിംഗ്, സോഫ്റ്റ്വെയര് ടെസ്റ്റിംഗ്, മൊബൈല് ഫോണ് ടെക്നോളജി, എ.സി ആന്ഡ് റഫ്രിജറേഷന്, സൈബര് സെക്യൂരിറ്റി, ഡിജിറ്റല് മാര്ക്കറ്റിംഗ് എന്നിവയാണ് കോഴ്സുകള്. അപേക്ഷ അയയ്ക്കേണ്ട വിലാസം- കെല്ട്രോണ് നോളജ് സെന്റര്, രണ്ടാം നില, ചെമ്പിക്കലം ബില്ഡിംഗ്, ബേക്കറി-വിമന്സ് കോളേജ് റോഡ്, വഴുതയ്ക്കാട് പി.ഒ, തിരുവനന്തപുരം. ഫോണ്: 8590605260, 0471-2325154
Click it and Unblock the Notifications
Sign in with Google