പണം കയ്യിൽ നിൽക്കുന്നില്ലേ? എങ്കിൽ ഈ 4 വഴികൾ ഒന്ന് പരീക്ഷിച്ച് നോക്കൂ, മാറ്റം ഉറപ്പ്

കൈയിൽ പണം വരുന്നുണ്ടെങ്കിലും അത് എങ്ങോട്ടാണ് പോകുന്നതെന്ന് പലർക്കും ഒരു നിശ്ചയവുമണ്ടാകില്ല. മാസാവസാനം ആകുമ്പോഴേക്കും പോക്കറ്റ് കാലിയാവുകയും കടം വാങ്ങേണ്ടി വരികയും ചെയ്യുന്നത് സാധാരണമാണ്. ഇതിനൊരു മാറ്റം വരുത്താൻ ഇന്ന് ജൂലൈ 17 ഒരു നല്ല ദിവസമാണ്. നമ്മുടെ ജീവിതത്തിൽ ഉണ്ടാകുന്ന പണക്ഷാമവും സാമ്പത്തിക തടസ്സങ്ങളും മാറ്റാൻ സഹായിക്കുന്ന ലളിതമായ 4 ശീലങ്ങളെക്കുറിച്ചാണ് ഇവിടെ പറയാൻ പോകുന്നത്. ഇതിനെ നമുക്ക് '4-ഗണേശ വെൽത്ത് കോഡ്' എന്ന് വിളിക്കാം.

എന്തെങ്കിലും നല്ല കാര്യങ്ങൾ തുടങ്ങുന്നതിന് മുൻപ് വിഘ്നങ്ങൾ നീക്കുന്ന ഗണപതി ഭഗവാനെ ഓർക്കുന്നത് നല്ലതാണ്. ഇതൊരു മാന്ത്രിക വിദ്യയോ പെട്ടെന്ന് ലോട്ടറി അടിക്കാനുള്ള വഴിയോ അല്ല. മറിച്ച് നമ്മൾ അറിയാതെ വരുത്തിവെക്കുന്ന വലിയ സാമ്പത്തിക തെറ്റുകൾ തിരുത്താനും പണം സൂക്ഷിച്ചു വെക്കാനും സഹായിക്കുന്ന ചില പ്രായോഗിക ശീലങ്ങൾ മാത്രമാണ്.

1. നിങ്ങളുടെ പേഴ്‌സും പണം സൂക്ഷിക്കുന്ന സ്ഥലവും വൃത്തിയാക്കുക

പലപ്പോഴും നമ്മുടെ പേഴ്‌സിലോ പണം സൂക്ഷിക്കുന്ന ഡ്രോയറുകളിലോ നോക്കിയാൽ പഴയ ബില്ലുകൾ, ആവശ്യമില്ലാത്ത കടലാസുകൾ, കാലാവധി കഴിഞ്ഞ എടിഎം കാർഡുകൾ എന്നിവയാണ് കൂടുതൽ കാണാറുള്ളത്. ഇങ്ങനെയുള്ള അനാവശ്യ കാര്യങ്ങൾ ആദ്യം തന്നെ ചവറ്റുകുട്ടയിലേക്ക് വലിച്ചെറിയുക. പണം സൂക്ഷിക്കുന്ന സ്ഥലം എപ്പോഴും വൃത്തിയായി കിടക്കണം. എങ്കിൽ മാത്രമേ നമുക്ക് പണം കൈകാര്യം ചെയ്യുമ്പോൾ ഒരു നല്ല ചിന്ത ഉണ്ടാകൂ. താല്പര്യമുള്ളവർക്ക് ഈ ഡ്രോയറിൽ ഭഗവാന്റെ അനുഗ്രഹത്തിന്റെ പ്രതീകമായി ഒരു ചെറിയ മഞ്ഞയോ ചുവപ്പോ കളർ തുണി സൂക്ഷിക്കാവുന്നതാണ്.

2. ഗണപതി മന്ത്രം ജപിക്കാം

മനസ്സിന് നല്ലൊരു ശാന്തത കിട്ടാനും സാമ്പത്തിക പേടികൾ മാറാനും രാവിലെ തന്നെ ഗണപതി ഭഗവാനെ മനസ്സിൽ ധ്യാനിച്ച് ഈ ലളിതമായ മന്ത്രം ജപിക്കാം.

"ഓം ഗം ഗണപതയേ നമഃ"

ഈ മന്ത്രം കുറഞ്ഞത് 21 തവണയെങ്കിലും മുഴുവൻ ശ്രദ്ധയോടെ ജപിക്കാൻ ശ്രമിക്കുക. സമയം ഉള്ളവർക്ക് ഇത് 108 തവണ ജപിക്കുന്നത് കൂടുതൽ നല്ലതാണ്. നമ്മുടെ കടങ്ങൾ വീട്ടാൻ സഹായിക്കണേ എന്നും പണം നല്ല കാര്യങ്ങൾക്ക് മാത്രം ചെലവഴിക്കാൻ ബുദ്ധി നൽകണേ എന്നും ഭഗവാനോട് പ്രാർത്ഥിക്കാം.

3. പണവുമായി ബന്ധപ്പെട്ട 4 കാര്യങ്ങൾ എഴുതിവെക്കുക

ഒരു ചെറിയ പേപ്പർ എടുത്ത് നിങ്ങളുടെ സാമ്പത്തിക കാര്യങ്ങളെക്കുറിച്ച് കൃത്യമായ 4 ലക്ഷ്യങ്ങൾ എഴുതിവെക്കുക. വെറുതെ "പണക്കാരനാകണം" എന്ന് എഴുതാതെ, ചെയ്യാൻ പറ്റുന്ന കാര്യങ്ങൾ വേണം എഴുതാൻ. ഉദാഹരണത്തിന്.

"ഈ ആഴ്ച മുതൽ ഞാൻ അനാവശ്യ ചിലവുകൾ ഒഴിവാക്കും."

"കടം വാങ്ങി സാധനങ്ങൾ വാങ്ങുന്ന ശീലം ഞാൻ നിർത്തും."

"എല്ലാ മാസവും ഒരു ചെറിയ തുകയെങ്കിലും മാറ്റി വെക്കാൻ ഞാൻ ശ്രമിക്കും."

"കഠിനാധ്വാനത്തിലൂടെ എന്റെ വരുമാനം കൂട്ടാൻ നോക്കും."
ഇത് എഴുതിയ ശേഷം ആ കടലാസ് നാളെ നിങ്ങളുടെ പൂജാമുറിയിലോ പ്രാർത്ഥിക്കുന്ന സ്ഥലത്തോ വെക്കുക.

4. പണം ലാഭിക്കാൻ ഒരു കാര്യമെങ്കിലും നാളെ ചെയ്യുക

വെറുതെ പ്രാർത്ഥിച്ചതുകൊണ്ടോ പേപ്പറിൽ എഴുതിവെച്ചതുകൊണ്ടോ മാത്രം നമ്മുടെ കയ്യിൽ പണം വരികയോ കടങ്ങൾ തീരുകയോ ഇല്ല. അതിനായി നാളെ തന്നെ ഒരു ചെറിയ കാര്യം പ്രാവർത്തികമാക്കണം. ഉദാഹരണത്തിന്, ആവശ്യമില്ലാതെ സബ്‌സ്‌ക്രൈബ് ചെയ്തു വെച്ചിരിക്കുന്ന ഒടിടി പ്ലാറ്റ്‌ഫോമുകളോ ആപ്പുകളോ ഉണ്ടെങ്കിൽ അത് റദ്ദാക്കുക, അല്ലെങ്കിൽ മറ്റുള്ളവർക്ക് കൊടുക്കാനുള്ള ചെറിയ കടങ്ങൾ വല്ലതുമുണ്ടെങ്കിൽ അത് നാളെ തന്നെ കൊടുത്തു തീർക്കാൻ നോക്കുക. ഈ ഒരു ചെറിയ തുടക്കം നിങ്ങളുടെ സാമ്പത്തിക ജീവിതത്തിൽ വലിയൊരു മാറ്റത്തിന്റെ തുടക്കമായിരിക്കും.

പിന്നെ നടക്കില്ലെന്ന് ഉറപ്പുള്ള കാര്യങ്ങൾ മറ്റുള്ളവർക്ക് വാഗ്ദാനം നൽകരുത്. പണം വെറുതെ ധൂർത്തടിക്കരുത്. മടിയും അച്ചടക്കമില്ലായ്മയും ഉണ്ടെങ്കിൽ ഒരിക്കലും കയ്യിൽ പണം നിൽക്കില്ലെന്ന് ഓർക്കുക. നാളെ തന്നെ ഈ ചെറിയ ശീലങ്ങൾ നിങ്ങളുടെ ജീവിതത്തിൽ പരീക്ഷിച്ച് തുടങ്ങൂ.