പ്രായം 62 ആയി, എന്നാലും ശരീരം കാക്കുന്നതില് വിട്ടുവീഴ്ചയില്ല; സുനില് ഷെട്ടിയുടെ ഫിറ്റ്നസിന്റെ രഹസ്യം
ബോളിവുഡില് വളരെ പെട്ടെന്ന് തന്റേതായ സ്ഥാനം കണ്ടെത്തിയ താരമാണ് സുനില് ഷെട്ടി. മൂന്ന് പതിറ്റാണ്ട് നീണ്ടുനില്ക്കുന്ന തന്റെ അഭിനയജീവിതത്തില് 100 ലേറെ ചിത്രങ്ങളില് സുനില് ഷെട്ടി അഭിനയിച്ചിട്ടുണ്ട്. പോപ്കോണ് എന്റര്ടൈന്മെന്റ്സ് എന്ന പ്രൊഡക്ഷന് ഹൗസും താരത്തിന് സ്വന്തമായുണ്ട്. 1991 ല് ബല്വാന് എന്ന ചിത്രത്തിലൂടെയാണ് സുനില് ഷെട്ടി ബോളിവുഡില് എത്തുന്നത്.
1990 കളില് ഏറ്റവും കൂടുതല് പ്രതിഫലം വാങ്ങുന്ന ബോളിവുഡ് നടന്മാരില് ഒരാളായിരുന്നു സുനില് ഷെട്ടി. 2023 ല് ഹണ്ടര് തൂടേഗാ നഹി തോടെഗാ എന്ന ചിത്രത്തിലാണ് സുനില് ഷെട്ടി അവസാനമായി അഭിനയിച്ചത്. 62 കാരനായ സുനില് ഷെട്ടി തന്റെ ശരീരസംരക്ഷണത്തിനായി കൃത്യമായ ഡയറ്റും ഫിറ്റ്നസും പരിപാലിക്കുന്ന താരം കൂടിയാണ്. സോഷ്യല് മീഡിയയില് ഈ വിവരം താരം പങ്കുവെക്കാറുമുണ്ട്.
ഈ പ്രായത്തിലും സുനില് ഷെട്ടി കര്ശനമായ ഭക്ഷണക്രമവും ജീവിതശൈലിയും പിന്തുടരുന്നു. ഇത് താരത്തെ ആക്ടീവായും ഫിറ്റുമായും നിലനിര്ത്താന് സഹായിക്കുന്നു. രാത്രി 10.30 ന് ഉറങ്ങുന്ന സുനില് ഷെട്ടി രാവിലെ നേരത്തെ എഴുന്നേല്ക്കുന്ന ആളാണ്. ഇത് തന്റെ ഭക്ഷണത്തില് നിന്ന് പരമാവധി പ്രയോജനങ്ങള് നേടാന് ശരീരത്തെ സഹായിക്കുന്നു. ഓരോ ഭക്ഷണത്തിനും കലോറി കണക്കാക്കുകയും ആവശ്യാനുസരണം ഭക്ഷണം കഴിക്കുകയും ചെയ്യുന്നയാളാണ് അദ്ദേഹം.
ആരോഗ്യമുള്ളവരായിരിക്കാന് വെളുത്ത അരി, പഞ്ചസാര, പാല്, പനീര്, മറ്റ് സ്വാഭാവിക വെളുത്ത ഭക്ഷണങ്ങള് അദ്ദേഹം ഒഴിവാക്കുന്നു. ഒരിക്കല് താന് പ്രോട്ടീന് സപ്ലിമെന്റുകള് പരീക്ഷിച്ചിരുന്നു എന്നും എന്നാല് അവ തന്റെ ശരീരത്തിന് നല്ലതല്ലെന്ന് പിന്നീട് മനസിലാക്കിയതാേടെ അവ നിര്ത്തിയെന്നും ഒരിക്കല് അദ്ദേഹം ഒരു അഭിമുഖത്തില് വെളിപ്പെടുത്തിയിരുന്നു. ഇപ്പോള് ശരീരത്തിന്റെ ആവശ്യങ്ങള് നിറവേറ്റാന് പ്രകൃതിദത്ത പ്രോട്ടീന് സ്രോതസുകളെയാണ് ആശ്രയിക്കുന്നത്.
പ്രഭാതഭക്ഷണത്തിന് നാല് മുതല് അഞ്ച് വരെ മുട്ടയുടെ വെള്ള കഴിക്കാനാണ് അദ്ദേഹം ഇഷ്ടപ്പെടുന്നത്. ഉച്ചഭക്ഷണത്തിനും അത്താഴത്തിനും റാഗി റൊട്ടി, ദാല്, സബ്ജി, അല്ലെങ്കില് മാംസം എന്നിവയാണ് സുനില് ഷെട്ടി തിരഞ്ഞെടുക്കുന്നത്. വൈകുന്നേരത്തെ ലഘുഭക്ഷണത്തിന് ചിക്കന് സൂപ്പ് ആണ് താരത്തിന്റെ ഫേവറിറ്റ്.
മധുരക്കിഴങ്ങ് കൊണ്ടുള്ള വിഭവങ്ങളും അദ്ദേഹത്തിന്റെ ലഘുഭക്ഷണത്തില് ഉള്പ്പെടുന്നു. സുനില് ഷെട്ടിക്ക് രണ്ട് മക്കളാണ് ഉള്ളത്. മകളായ അതിയ ഷെട്ടി ഇന്ത്യന് ക്രിക്കറ്റ് താരം കെ എല് രാഹുലിനെയാണ് വിവാഹം കഴിച്ചിരിക്കുന്നത്.
Click it and Unblock the Notifications
Sign in with Google