ക്രീം ബിസ്കറ്റിലെ ക്രീം അടര്ത്തി കഴിക്കുന്നവരാണോ നിങ്ങള്; ആരോഗ്യം വെറുതേ ബലി കൊടുക്കല്ലേ
കുട്ടികള്ക്കും മുതിര്ന്നവര്ക്കും ഏറെ ഇഷ്ടമുള്ളതാണ് ക്രീം ബിസ്ക്കറ്റുകള്. ഇന്ന് വിപണിയില് എവിടെ നോക്കിയാലും പല നിറത്തിലും വലിപ്പത്തിലുമുള്ള ക്രീം ബിസ്ക്കറ്റുകള് ലഭ്യമാണ്. പലപ്പോഴും കുട്ടികള്ക്ക് സ്കൂളില് സ്നാക്സ് ബോക്സില് ഇതു കൊടുത്തുവിടാറുണ്ട്. പരസ്യങ്ങളിലും ക്രീം ബിസ്ക്കറ്റ് തന്നെയാണ് താരം. പലരും വൈകുന്നേരങ്ങളില് ചായക്കൊപ്പം വിളമ്പുന്നതും ഇത്തരം ബിസ്ക്കറ്റുകളാണ്.
പ്രത്യേകിച്ച് ക്രീം ബിസ്ക്കറ്റ് അടര്ത്തി ക്രീം മാത്രം കഴിക്കുന്നതും പലരുടെയും ശീലമാണ്. എന്നാല് നിങ്ങള് ആരോഗ്യം പതിയെ ബലി കൊടുക്കുകയാണെന്നുള്ള കാര്യം മറക്കണ്ട. ഇത്തരം ബിസ്ക്കറ്റുകള് പതിവായി കഴിക്കുന്നത് ആരോഗ്യത്തിന് വളരെ ഹാനികരമാണ്. പ്രത്യേകിച്ച് കുട്ടികള്ക്ക്. ക്രീം ബിസ്ക്കറ്റുകളില് പോഷകപ്രദമായ ഒന്നുമില്ലെന്നു മാത്രമല്ല ശരീരത്തിന് ആവശ്യമില്ലാത്ത രാസവസ്തുക്കളാണള്ളത്.
ഒരു ക്രീം ബിസ്ക്കറ്റിനുള്ളിലെ ഫില്ലിങ് യഥാര്ഥത്തില് ക്രീം അല്ല, അത് വനസ്പതി അല്ലെങ്കില് ഡാല്ഡ പോലുള്ള ഹൈഡ്രജനേറ്റഡ് കൊഴുപ്പുകള്, പഞ്ചസാര സിറപ്പ്, കൃത്രിമ ഫ്ളേവറുകള്, സുഗന്ധങ്ങള്, കളറിങ് ഏജന്റുകള്, കേടാകാതിരിക്കാനുള്ള പ്രിസര്വേറ്റിവുകള് എന്നിവയുടെ മിശ്രിതമാണ്. ഇത് പതിവായി ശരീരത്തില് ചെല്ലുന്നത് ഹാനികരമാണ്.
യഥാര്ഥ ക്രീമിനെ അനുകരിക്കുകയും നിര്മാണ ച്ചെലവ് കുറഞ്ഞതുമായ ഇവയില് ഒരു പോഷകഘടകവുമില്ലെന്ന് തന്നെ പറയാം. ഇത്തരത്തിലുള്ള ക്രീമില് അടങ്ങിയിരിക്കുന്ന ഏറ്റവും അപകടകാരി കൊഴുപ്പ് തന്നെയാണ്. ഇത് ഹൃദ്രോഗ സാധ്യത വര്ധിപ്പിക്കുകയും കാലക്രമേണ ടൈപ് 2 പ്രമേഹത്തിലേക്കും നയിക്കുന്നു. കുട്ടികളില് പൊണ്ണത്തടി, ഫാറ്റി ലിവര്, വളര്ച്ച മുരടിപ്പ് എന്നിവക്കും കാരണമാകുന്നു. കൂടാതെ, കുടലിന്റെ ആരോഗ്യം തടസ്സപ്പെടുത്തുകയും ദഹനപ്രശ്നങ്ങള്ക്കും പ്രതിരോധശേഷി കുറയുന്നതിനും കാരണമാകുന്നു.
ഇതിലടങ്ങിയിരിക്കുന്ന ബ്യൂട്ടിലേറ്റഡ് ഹൈഡ്രോക്സിയാനിസോള് പോലുള്ള രാസവസ്തുക്കള് അര്ബുദകാരികളാണ്. സോഡിയം ബെന്സോയേറ്റ്, കൃത്രിമ ചായങ്ങള് എന്നിവ കുട്ടികളില് മാനസിക വൈകല്യങ്ങള്ക്കും ഹൈപ്പര് ആക്ടിവിറ്റിക്കും കാരണമാകും. ക്രീം ബിസ്കറ്റുകള് പതിവായി കഴിക്കുന്നത് ഹോര്മോണ് തകരാറുകള് ഉള്പ്പെടെയുള്ള ഗുരുതര ഉപാപചയ പ്രശ്നങ്ങളിലേക്കുള്ള കവാടമാണ്. ക്രീം ബിസ്കറ്റുകള് മധുരമുള്ളതായിരിക്കാം, പക്ഷേ ആരോഗ്യത്തിന് മധുരമുള്ളതല്ല.
ക്രീം ബിസ്കറ്റുകള്ക്ക് പകരം, ധാന്യങ്ങള്, നട്ട്സ്, ഈത്തപ്പഴം, വാഴപ്പഴം, വെളിച്ചെണ്ണ, ഉണക്കിയ പഴങ്ങള് തുടങ്ങിയവ ഉപയോഗിച്ചുണ്ടാക്കുന്ന കുക്കികളും മറ്റ് ലഘുഭക്ഷണങ്ങളും കഴിക്കാവുന്നതാണ്.
-
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി
Click it and Unblock the Notifications
Sign in with Google