കക്കരിക്ക കണ്ണിന് മുകളില് വെക്കുന്നത് കൊണ്ട് വല്ല ഗുണവുമുണ്ടോ? ഇക്കാര്യം അറിഞ്ഞിരിക്കണം
ബ്യൂട്ടി പാര്ലറെന്നും സൗന്ദര്യ സംരക്ഷണമെന്നും കേള്ക്കുമ്പോള് ആദ്യം എല്ലാവരുടേയും മനസില് വരുന്നത് കണ്ണില് കക്കരിക്കയും വെച്ച് മലര്ന്ന് കിടക്കുന്നതിന്റെ ചിത്രമായിരിക്കും. സൗന്ദര്യ സംരക്ഷണത്തിലെ ഒരു ഐക്കണിക് പിക് ആണ് ഇത് എന്നതില് സംശയമില്ല. എന്നാല് പലര്ക്കും എന്താണ് ഇതിന്റെ ഉപയോഗം എന്നതിനെ കുറിച്ച് വ്യക്തമായ ധാരണയുണ്ടായെന്ന് വരില്ല.
നന്നായി അരിഞ്ഞ കക്കരിക്ക നിങ്ങളുടെ കണ്ണുകള്ക്ക് മുകളില് വയ്ക്കുന്നത് നിങ്ങളുടെ മുഖത്തെ പൂര്ണ്ണമായും മാറ്റാന് പോകുന്നൊന്നുമില്ല. എന്നാല് ഈ പഴയ ബ്യൂട്ടി ഹാക്കിന് യഥാര്ത്ഥത്തില് ചില ശ്രദ്ധേയമായ ഗുണങ്ങളുണ്ട്. നിങ്ങളുടെ കണ്ണുകളില് ഫ്രഷ് വെള്ളരിക്കാ അല്ലെങ്കില് കക്കരിക്ക ഉപയോഗിക്കുന്നത് എത്രത്തോളം പ്രയോജനകരമാണെന്നും ഇത് എങ്ങനെ പരമാവധി പ്രയോജനപ്പെടുത്താമെന്നും നമുക്ക് നോക്കാം.
കക്കരിക്കയുടെ തണുപ്പിക്കല് പ്രഭാവം ചര്മ്മത്തിലേക്കുള്ള രക്തയോട്ടം ഉത്തേജിപ്പിക്കകയും വീക്കം കുറയ്ക്കുകയും ചെയ്യും. കക്കരിക്കയില് ജലാംശം കൂടുതലാണ്. ഇത് ചര്മ്മത്തിന് വളരെയധികം ജലാംശം നല്കുന്നു. അവ കുറച്ച് സമയം ചര്മ്മത്തില് വെക്കുകയാണെങ്കില് ചര്മ്മത്തിന് ഈ വെള്ളം ആഗിരണം ചെയ്ത് നേര്ത്ത വരകളുണ്ടാക്കാന് കഴിയും. കക്കരിക്കയില് വിറ്റാമിന് സിയും കെയും ധാരാളമായി അടങ്ങിയിട്ടുണ്ട്.
ഇത് തിളക്കമാര്ന്ന പ്രഭാവം നല്കുകയും കണ്ണിന് താഴെയുള്ള ഇരുണ്ട വൃത്തങ്ങള് കുറയ്ക്കുകയും ഫ്രീ റാഡിക്കലുകളെ തടയാന് സഹായിക്കുകയും ചെയ്യും. കക്കരിക്കയുടെ സ്വാഭാവിക തണുപ്പുള്ള സംവേദനം ഒരു വാസകോണ്സ്ട്രിക്റ്ററായി പ്രവര്ത്തിക്കുന്നതിന് കാരണമാകുന്നു. എങ്ങനെയാണ് കക്കരിക്ക കണ്ണുകള്ക്ക് മുകളില് വെക്കേണ്ടത് എന്ന് നമുക്ക് പരിശോധിക്കാം.
ആദ്യം മുഖം സോപ്പ് ഉപയോഗിച്ച് നന്നായി കഴുകുക. ഇത് നിങ്ങളുടെ കണ്ണുകളിലേക്ക് ബാക്ടീരിയ അല്ലെങ്കില് അഴുക്ക് വരാനുള്ള സാധ്യത കുറയ്ക്കുന്നു. ഒപ്പം കക്കരിക്കയും നന്നായി കഴുകണം. വിപണിയില് വാങ്ങുന്ന മിക്ക കക്കരിക്കളും കീടനാശിനിയിട്ട് വളര്ത്തുന്നവയായിരിക്കും. അതിനാല് പരമാവധി ഓര്ഗാനിക് കക്കരിക്ക തിരഞ്ഞെടുക്കാന് ശ്രദ്ധിക്കണം. നിങ്ങള്ക്ക് സെന്സിറ്റീവ് ചര്മ്മമാണ് എങ്കില് വീക്കം ഉണ്ടാക്കുന്നില്ലെന്ന് ഉറപ്പാക്കാന് പാച്ച് ടെസ്റ്റ് ചെയ്യണം.
കക്കരിക്ക കാല് ഇഞ്ച് കട്ടിയില് അരിഞ്ഞിട്ട് വേണം കണ്ണുകള്ക്ക് മുകളില് വെക്കാന്. അതിന് മുന്പ് 15 മുതല് 30 മിനിറ്റ് വരെ ഫ്രിഡ്ജില് വെച്ച് അല്പം കൂടി തണുപ്പ് നല്കാം. ഇത് ഏകദേശം അഞ്ച് മുതല് 10 മിനിറ്റ് വരെ കണ്ണിന് മുകളില് വെക്കാം. അതിന് ശേഷം ഉപേക്ഷിക്കുക. കക്കരിക്ക മാറ്റിയ ശേഷം ചര്മ്മവും കണ്ണിന് മുകളിലും നന്നായി മോയ്ചറൈസ് ചെയ്യുക.
Click it and Unblock the Notifications
Sign in with Google