'അവരെ കണ്ട് പഠിക്ക്, നീയൊന്ന് മിണ്ടാതിരിക്ക്..'; കുട്ടികളോട് ഒരിക്കലും പറയാന് പാടില്ലാത്ത വാക്കുകള്..!!
കുഞ്ഞുങ്ങളെ വളര്ത്തുക എന്നത് ഏറെ ശ്രദ്ധയോടെ ചെയ്യേണ്ട ഒന്നാണ്. നാളത്തെ വാഗ്ദാനങ്ങളായതിനാല് തന്നെ വലിയ കരുതലും ജാഗ്രതയും കുട്ടികളെ പരിപാലിക്കുന്നതില് ആവശ്യമാണ്. വളര്ച്ചയുടെ ഘട്ടത്തില് നിങ്ങളുടെ അവരോടുള്ള പെരുമാറ്റം അവരുടെ ഉള്ളില് മായാതെ നിലനില്ക്കും. കുട്ടികള് ഒരു ശൂന്യമായ സ്ലേറ്റ് പോലെയാണ്. നമ്മള് അവരോട് സംസാരിക്കുന്നതെന്തും അവരില് എന്നേക്കും നിലനില്ക്കുന്നു.
അതുകൊണ്ട് തന്നെ നമ്മള് അവരോട് സംസാരിക്കുന്ന രീതിയും വളരെ പ്രധാനമാണ്. വികാരത്തേക്കാളുപരിയായി വിവേകത്തോടെ വേണം കുട്ടികളുമായി ഇടപഴകാന്. അതിനാല്, കുട്ടികളോട് പറയാന് പാടില്ലാത്ത ചില വാക്കുകളെ കുറിച്ച് മാതാപിതാക്കള് അറിഞ്ഞിരിക്കേണ്ടത് വളരെ പ്രധാനമാണ്.
നാണക്കേടാകല്ലെ, പരിഹാസ്യനാകല്ലെ എന്നൊക്കെ നമ്മള് പൊതുവെ ഉപയോഗിക്കുന്ന വാക്കുകളാണ്. എന്നാല് നിങ്ങളുടെ ഉദ്ദേശ്യങ്ങള് നല്ലതായിരിക്കാമെങ്കിലും കുട്ടിയെ പരിഹാസ്യമെന്ന് ആവര്ത്തിച്ച് വിളിക്കുന്നത് അവരെ അപകീര്ത്തിപ്പെടുത്താന് ഇടയാക്കും. നമ്മള് എപ്പോഴും കുട്ടികളോട് പറയുന്ന ഒന്നാണ് മിണ്ടിതിരിക്ക് എന്നത്. എന്നാല് ഈ വാചകം നിങ്ങളുടെ കുട്ടിയെ ദോഷകരമായി ബാധിക്കാന് സാധ്യതയുണ്ട്.
അത് നിങ്ങളുടെ കുട്ടി അനുകരിക്കാനും സാധ്യതയുണ്ട്. നിന്നേക്കുറിച്ച് ലജ്ജതോന്നുന്നു എന്നും കുട്ടികളോട് പറയരുത്. നിങ്ങളുടെ കുട്ടിയെ കുറിച്ച് ഒരിക്കലും ലജ്ജിക്കരുത്. മറിച്ച് അവരുടെ തെറ്റുകളില് നിന്ന് പാഠം പഠിക്കാനുള്ള അവസരം ഒരുക്കുക. നിങ്ങളുടെ കുട്ടിയെ ഒരിക്കലും മറ്റുള്ളവരുമായി താരതമ്യം ചെയ്യരുത്. മറ്റുള്ള കുട്ടികള് നിങ്ങളെക്കാള് മികച്ചവരാണ് എന്ന് ഒരിക്കലും കുട്ടികളോട് പറയരുത്.
മെച്ചപ്പെടേണ്ട പെരുമാറ്റത്തെ ശ്രദ്ധിക്കേണ്ടത് പ്രധാനമാണെങ്കിലും, കാരണം വിശദീകരിക്കാതെ കുട്ടികളില് നിങ്ങള് നിരാശ പ്രകടിപ്പിക്കരുത്. കുട്ടിയുടെ വികാരങ്ങള് തള്ളിക്കളയുന്നത് അവരുടെ വികാരങ്ങളെ അസാധുവാക്കുകയും വൈകാരിക പ്രകടനത്തെ നിരുത്സാഹപ്പെടുത്തുകയും ചെയ്യും. അതിനാല് എന്ത് പറഞ്ഞാലും കരയുന്ന കുട്ടിയാണ് എന്ന് പറയാന് പാടില്ല. കുട്ടിയില് അനാവശ്യ സമ്മര്ദ്ദം ചെലുത്തരുത്.
നീ ശ്രമിക്കാത്തത് കൊണ്ടല്ലേ എന്ന് കുട്ടികളോട് ഒരിക്കലും പറയരുത്. പകരം അവരുടെ പരിശ്രമവും വളര്ച്ചയും പ്രോത്സാഹിപ്പിക്കുക. നീ എനിക്കെപ്പോഴും സങ്കടം മാത്രമെ തന്നിട്ടുള്ളൂ എന്ന് കുട്ടികളോട് പറയരുത്. നിങ്ങളുടെ വികാരങ്ങള്ക്ക് കുട്ടിയെ കുറ്റപ്പെടുത്തുന്നത് അവരില് കുറ്റബോധത്തിലേക്കും ഉത്കണ്ഠയിലേക്കും നയിച്ചേക്കാം. എന്നോടിനി മിണ്ടേണ്ട എന്ന് പറയാന് പാടില്ല.
ആശയവിനിമയം നിര്ത്തുന്നത് അകലം സൃഷ്ടിക്കുകയും നിങ്ങളുടെ കുട്ടിയുടെ ചിന്തകളും വികാരങ്ങളും പങ്കിടാന് വിമുഖത കാണിക്കുകയും ചെയ്യും. എനിക്ക് നേരമില്ല എന്ന് കുട്ടിയോട് എപ്പോഴും പറയരുത്. നിങ്ങളുടെ കുട്ടിയെ ശ്രദ്ധിക്കുന്നതിനോ സമയം ചെലവഴിക്കുന്നതിനോ മുന്ഗണന കൊടുക്കാതെ തിരക്കിലാണെന്ന് അറിയിക്കുന്നത് അവരെ അപ്രധാനമെന്ന് തോന്നിപ്പിക്കും.
നിങ്ങളുടെ കുട്ടിയെ 'മോശം' എന്ന് ലേബല് ചെയ്യുന്നത് അവരുടെ ഐഡന്റിറ്റിയെ പ്രതികൂലമായി രൂപപ്പെടുത്തും. തെറ്റായ പെരുമാറ്റങ്ങളെ അഭിസംബോധന ചെയ്ത് നല്ല കാര്യങ്ങള് ചെയ്യുന്നതിന്റെ പ്രാധാന്യം ഊന്നിപ്പറയുക. വലിയ കുട്ടികള് കരയില്ല എന്ന് പറഞ്ഞ് കൊടുക്കരുത്. വികാരങ്ങളെ അടിച്ചമര്ത്തുന്നത് പിന്നീടുള്ള ജീവിതത്തില് വൈകാരിക ബുദ്ധിമുട്ടുകള്ക്ക് ഇടയാക്കും.
Click it and Unblock the Notifications
Sign in with Google