സൗന്ദര്യത്തിന് ലക്ഷങ്ങൾ വേണ്ട! ദീപിക പദുകോണിന്റെ സ്കിൻകെയർ സീക്രട്ട് ഇതാ

സിനിമ ലോകത്തെ തിരക്കുകൾക്കിടയിലും ബോളിവുഡ് സുന്ദരി ദീപിക പദുകോണിന്റെ ചർമ്മം എങ്ങനെയാണ് എപ്പോഴും ഇത്ര ഫ്രഷ് ആയി ഇരിക്കുന്നത്? ആരാധകർക്കിടയിലെ ഈ നിത്യഹരിത ചോദ്യത്തിന് ലളിതമായ ഉത്തരം നൽകുകയാണ് താരം. തന്റെ തിളങ്ങുന്ന ചർമ്മത്തിന്റെ രഹസ്യം വിലകൂടിയ ക്രീമുകളോ സങ്കീർണ്ണമായ ചികിത്സകളോ അല്ലെന്നും, മറിച്ച് ചിട്ടയായ ചില അടിസ്ഥാന ശീലങ്ങളാണെന്നും ദീപിക വ്യക്തമാക്കുന്നു. 'ചർമ്മത്തെ സ്നേഹിക്കുക, അതിനെ ശ്വസിക്കാൻ അനുവദിക്കുക' എന്നതാണ് തന്റെ സൗന്ദര്യ സംരക്ഷണമെന്ന് താരം പറയുന്നു.

തന്റെ തിളങ്ങുന്ന ചർമ്മത്തിന് പിന്നിലെ മൂന്ന് പ്രധാന ഘടകങ്ങളെക്കുറിച്ച് താരം അടുത്തിടെ മനസ്സ് തുറന്നു. ചർമ്മത്തിന് അമിതമായ പരിചരണം നൽകുന്നതിനേക്കാൾ, അത് ലളിതമായി വെക്കുക എന്നതാണ് തന്റെ മന്ത്രമെന്ന് ദീപിക പറയുന്നു. ചെറുപ്പത്തിൽ തന്റെ അമ്മ പകർന്നു നൽകിയ പാഠങ്ങളാണ് ഇന്നും താൻ പിന്തുടരുന്നതെന്നും അവർ കൂട്ടിച്ചേർത്തു.

ചർമ്മം തിളങ്ങാൻ ദീപിക ചെയ്യുന്ന കാര്യങ്ങൾ കാര്യങ്ങൾ ഇവയാണ്

ക്ലെൻസിങ് (Cleansing): ചർമ്മം കൃത്യമായി വൃത്തിയാക്കുക എന്നതാണ് ദീപികയുടെ ആദ്യത്തെയും പ്രധാനപ്പെട്ടതുമായ നിയമം. ദിവസവും രാവിലെയും രാത്രിയും ചർമ്മത്തിലെ അഴുക്കും എണ്ണമയവും നീക്കം ചെയ്യുന്നതിനായി മൃദുവായ ക്ലെൻസർ ഉപയോഗിക്കുന്നത് ചർമ്മം ഫ്രഷ് ആയി നിലനിൽക്കാൻ സഹായിക്കുന്നു.

ഹൈഡ്രേഷൻ (Hydration): ചർമ്മത്തിലെ ഈർപ്പം നിലനിർത്തുന്നതിൽ ദീപിക ഒട്ടും വിട്ടുവീഴ്ച ചെയ്യാറില്ല. ചർമ്മത്തിന് ആവശ്യമായ മോയ്സ്ചറൈസർ ഉപയോഗിക്കുന്നതിലൂടെ ചർമ്മം വരണ്ടുപോകാതെയും കൂടുതൽ തിളക്കത്തോടെയും ഇരിക്കുമെന്ന് താരം സാക്ഷ്യപ്പെടുത്തുന്നു. ചർമ്മത്തിന് പുറത്തുള്ള പരിചരണത്തിന് പുറമെ ധാരാളം വെള്ളം കുടിക്കുന്നതും ദീപികയുടെ ശീലമാണ്.

സൺസ്ക്രീൻ (Sunscreen): സൂര്യപ്രകാശത്തിൽ നിന്നുള്ള സംരക്ഷണത്തിനായി സൺസ്ക്രീൻ ഉപയോഗിക്കുന്നത് ഒഴിവാക്കാനാവാത്ത കാര്യമാണെന്ന് ദീപിക പറയുന്നു. വെയിലത്ത് ഇറങ്ങുമ്പോൾ മാത്രമല്ല, വീടിനുള്ളിൽ ഇരിക്കുമ്പോഴും ലാപ്ടോപ്പ്, മൊബൈൽ എന്നിവയിൽ നിന്നുള്ള പ്രകാശത്തിൽ നിന്ന് സംരക്ഷണം നേടാൻ സൺസ്ക്രീൻ സഹായിക്കും.

മറ്റ് രഹസ്യങ്ങൾ: സ്കിൻകെയർ ഉൽപ്പന്നങ്ങൾ ഉപയോഗിക്കുന്നതിനൊപ്പം തന്നെ ആരോഗ്യകരമായ ജീവിതശൈലിയും ദീപിക പാലിക്കുന്നു. പ്രഭാതത്തിൽ ഇളം ചൂടുവെള്ളം കുടിക്കുന്നത് ശരീരത്തിലെ വിഷാംശങ്ങൾ നീക്കം ചെയ്യാൻ സഹായിക്കുമെന്ന് അവർ വിശ്വസിക്കുന്നു. കൂടാതെ, ചർമ്മത്തിലെ നീർക്കെട്ട് കുറയ്ക്കാനായി തണുത്ത വെള്ളത്തിൽ മുഖം മുക്കി വെക്കുന്ന രീതിയും (Ice water face dunk) ദീപിക പിന്തുടരാറുണ്ട്.

സങ്കീർണ്ണമായ സ്കിൻകെയർ രീതികളേക്കാൾ ഉപരിയായി അടിസ്ഥാനപരമായ കാര്യങ്ങളിൽ ശ്രദ്ധ കേന്ദ്രീകരിക്കുന്നത് ചർമ്മത്തെ എങ്ങനെ മാറ്റിമറിക്കുമെന്ന് ദീപികയുടെ വാക്കുകൾ വ്യക്തമാക്കുന്നു. ഏതൊരാൾക്കും എളുപ്പത്തിൽ പിന്തുടരാവുന്ന ഈ ശീലങ്ങൾ സ്ഥിരമായി പാലിച്ചാൽ ചർമ്മത്തിന് സ്വാഭാവിക തിളക്കം ലഭിക്കുമെന്ന് താരം ഉറപ്പുനൽകുന്നു.