അതിരാവിലെ വെറും വയറ്റിൽ കാപ്പി കുടിക്കുന്നവരാണോ?; ഇപ്പോൾ നിർത്തിക്കോ, കാത്തിരിക്കുന്നത് എട്ടിന്റെ പണി

Published: Sunday, February 25, 2024, 15:46 [IST]

രാവിലെ എഴുന്നേറ്റാൽ വെറും വയറ്റിലൊരു കാപ്പിയില്ലെങ്കിൽ ദിവസം തന്നെ തീർന്നുവെന്ന് കരുതുന്നവർ ഉണ്ട്. അതിരാവിലെയുള്ള കാപ്പി ഇവർക്ക് വെറുമൊരു പാനീയമെന്നതിന് അപ്പുറം ദിവസം തുടങ്ങാനുള്ള ഊർജം കൂടിയാണ്.

എന്നാൽ വെറും വയറ്റിൽ കാപ്പി കുടിക്കുന്നത് ആരോഗ്യപ്രദമല്ലത്രേ. കാപ്പികുടി ദഹനക്കേട് ഉണ്ടാക്കുമെന്ന് മാത്രമല്ല പോഷകങ്ങൾ ആഗിരണം ചെയ്യുന്ന പ്രക്രിയയെ തടസ്സപ്പെടുത്തുകയും രോഗപ്രതിരോധ സംവിധാനത്തെ അപകടപ്പെടുത്തുകയും ചെയ്യുമെന്നാണ് പഠനങ്ങൾ പറയുന്നത്.കാപ്പി കുടി എങ്ങനെയൊക്കെ നിങ്ങളുടെ ആരോഗ്യത്തെ ബാധിക്കുമെന്ന് വിശദമായി അറിയാം.

1. ഉത്കണ്ഠയും വിറയലും

ഉത്തേജകമാണ് കഫീൻ, അത് ഉണർവും ഊർജ്ജവും ലഭിക്കാൻ സഹായിക്കും. എന്നിരുന്നാലും വെറും വയറ്റിൽ കാപ്പി കുടിക്കുന്നത് വർദ്ധിച്ച ഉത്കണ്ഠ വർധിപ്പിക്കാനും അസ്വസ്ഥത, വിറയൽ എന്നിവ അനുഭവപ്പെടാനും കാരണമായേക്കും. ഇത് തീർച്ചയായും നമ്മുടെ ദൈനംദിന കാര്യങ്ങളെ ബാധിക്കുകയും ഏകാഗ്രത നഷ്ടപ്പെടുന്നതിന് വഴിവെയ്ക്കുകയും ചെയ്യുന്നു.

2. അസിഡിറ്റി പ്രശ്നങ്ങൾക്ക് കാരണമാകും

കാപ്പിയിൽ അസിഡിക് ഗുണങ്ങൾ ഉണ്ട്. അതുകൊണ്ട് തന്നെ വെറും വയറ്റിൽ കാപ്പി കുടിക്കുന്നത് അസിഡിറ്റി പ്രശ്നങ്ങൾക്ക് കാരണമായേക്കും. കാപ്പിയിലെ കഫിന്റേയും അസിഡിറ്റിയുടേയും ഉയർന്ന അളവ്, വയറ്റിലെ ആവരണത്തെ പ്രകോപിപ്പിച്ച് അസ്വസ്ഥത നെഞ്ചെരിച്ചൽ , ആസിഡ് റിപ്ലക്സ് എന്നിവ പോലുള്ള അവസ്ഥയിലേക്ക് നയിച്ചേക്കും. ഇത് സ്ഥിരമാകുന്നത് പെപ്റ്റിക് അൾസർ പോലുള്ള ഗുരുതരമായ ദഹനനാള പ്രശ്നങ്ങൾക്ക് കാരണമാകും.

3.ദഹനപ്രശ്നങ്ങൾ
ഇറിറ്റബിൾ ബവൽ സിൻഡ്രോം (IBS) അല്ലെങ്കിൽ കോശജ്വലന മലവിസർജ്ജനം (IBD) പോലുള്ള പ്രശ്നങ്ങൾ അനുഭവിക്കുന്നവർ കാപ്പി വെറും വയറ്റിൽ കുടിക്കുന്നത് ഒഴിവാക്കുന്നതായിരിക്കും ഉത്തമം. കാപ്പി കുടിക്കുന്നത് രോഗലക്ഷണങ്ങൾ വർദ്ധിപ്പിക്കുമെന്ന് മാത്രമല്ല കഫീൻ്റെ ഉത്തേജക ഫലങ്ങൾ മലവിസർജ്ജനം വർദ്ധിപ്പിക്കുകയും വയറിളക്കമോ വയറുവേദനയോ പോലുള്ള പ്രശ്നങ്ങൾക്ക് കാരണമാകുകയും ചെയ്യും.

4. പോഷകങ്ങൾ ആഗിരണം ചെയ്യുന്നതിനെ തടസ്സപ്പെടുത്തുന്നു

കാപ്പിയിൽ അടങ്ങിയിരിക്കുന്ന ടാന്നിൻസ് എന്നറിയപ്പെടുന്ന സംയുക്തങ്ങൾ
ഇരുമ്പ്, കാൽസ്യം എന്നിവയുൾപ്പെടെയുള്ളവയുടെ ആഗിരണത്തെ തടസപ്പെടുത്തുന്നു. അതുകൊണ്ട് തന്നെ ശരീരത്തിൽ മതിയായ പോഷകങ്ങൾ എത്താതിരിക്കുന്നതിനും ഇത് കാരണമായേക്കും.

രക്തത്തിലെ പഞ്ചസാരയുടെ ഏറ്റക്കുറച്ചിലുകൾക്ക് കാരണമാകുന്നു

കഫീൻ ഇൻസുലിൻ സംവേദനക്ഷമതയേയും മെറ്റബോളിസത്തേയും ബാധിക്കും. ഇത് രക്തത്തിലെ പഞ്ചസാരയുടെ അളവിൽ ഏറ്റക്കുറച്ചിലുകൾക്കും കാരണമാകുന്നു. കാപ്പി കുടിക്കുന്നത് രക്തത്തിലെ പഞ്ചാസാര വേഗത്തിൽ ഉയരാൻ കാരണമാകുകയും അതേ വേഗത്തിൽ തന്നെ കുറയുകയും ചെയ്യും. ഇത് ക്ഷീണം പോലുള്ള അലസ്ഥയ്ക്ക് കാരണമാകും. കാലക്രമേണ, ഈ ഏറ്റക്കുറച്ചിലുകൾ ഇൻസുലിൻ പ്രതിരോധത്തിനും ടൈപ്പ് 2 പ്രമേഹം പോലുള്ള രോഗാവസ്ഥയിലേക്ക് നയിക്കുകയും ചെയ്യും.

Published On February 25, 2024