പ്രഭാത ഭക്ഷണത്തിനൊപ്പം ചായ കുടിക്കാമോ? വൈകുന്നേരം എപ്പോഴാണ് ചായ കുടിക്കേണ്ടത്? വിശദമായി അറിയാം

Updated: Friday, August 25, 2023, 14:32 [IST]

ചായ, ഭൂരിഭാഗം ആളുകൾക്കും ഒരു ദിവസത്തെ ഊർജം മുഴുവൻ ലഭിക്കുന്നത് രാവിലെ കുടിക്കുന്ന ചായയിലൂടെയാണ്. ചിലർക്ക് രാവിലെ എഴുന്നേറ്റ ഉടൻ തന്നെ ചായ വേണം, ഒരു ദിവസം തന്നെ ഒന്നിലധികം ചായ കുടിക്കുന്നവരുണ്ട്.

തലവേദന വരുമ്പോൾ, സമ്മർദ്ദം വരുമ്പോഴുമൊക്കെ ചായ കുടിക്കുന്നവരുണ്ട്... എന്നാൽ ചായ കുടി നല്ല ശീലമാണോ? എപ്പോഴാണ് ചായ കുടിക്കേണ്ടത്, എത്ര കപ്പ് വരെ കുടിക്കാം? ഇങ്ങനെ പല ചോദ്യങ്ങളും ഉണ്ട്.. ചായ കുടിക്കും മുൻപ് നിങ്ങൾ തീർച്ചയായും അറിഞ്ഞിരിക്കേണ്ട ചില കാര്യങ്ങൾ ഉണ്ട്.

ചായ കുടിക്കുമ്പോൾ പിന്തുടരേണ്ട കാര്യങ്ങൾ:

ഭക്ഷണത്തിനും പ്രഭാതഭക്ഷണത്തിനും ശേഷം കുറഞ്ഞത് രണ്ട് മണിക്കൂറെങ്കിലും ചായ കുടിക്കണമെന്നാണ് ഡയറ്റീഷ്യൻ ശ്രുതി ഭരദ്വാജ് പറയുന്നത്. രാവിലെയോ വൈകുന്നേരമോ ചായ കുടിക്കുന്നത് കുഴപ്പമില്ലെന്നും പക്ഷേ പ്രഭാത ഭക്ഷണത്തിന് ഒപ്പം ചായ കുടിക്കുന്നത് ഒഴിവാക്കുന്നതാണ് നല്ലതെന്ന് അവർ പറയുന്നു. എന്നാൽ പ്രഭാത ഭക്ഷണത്തിനൊപ്പം ചായ കുടിക്കുന്നത് കുഴപ്പമില്ലെന്നാണ് ഡയറ്റീഷ്യൻ പ്രിയ പാലൻ പറയുന്നത്.

"ചായയിൽ ടാന്നിൻ അടങ്ങിയിട്ടുണ്ട്, അത് അസിഡിറ്റിക്ക് കാരണമാകില്ല. ഒരാൾക്ക് കടുത്ത അസിഡിറ്റി ഉണ്ടെങ്കിൽ, ഒരാൾ ആദ്യം രാവിലെ വെറും വയറ്റിൽ ഒരു കപ്പ് ചായ കുടിക്കുന്നത് ഒഴിവാക്കണം. നിങ്ങൾക്ക് അൽപ്പം കൂടുതൽ പാൽ ചേർക്കാം. ആ സാഹചര്യത്തിൽ അതിന്റെ ശക്തി കുറയും," പ്രിയ പാലൻ പറയുന്നു.

അതേസമയം നിങ്ങളുടെ വൈകുന്നേരത്തെ ഭക്ഷണത്തിന് ശേഷം ഒരു ചൂടുള്ള ചായ കുടിക്കണമെന്ന് തോന്നുകയാണെങ്കിൽ, ഒരു ഹെർബൽ ചായയിലേക്ക് മാറാൻ ശ്രമിക്കുക. ചമോമൈൽ പോലുള്ള ഹെർബൽ ടീകൾ, ഒരു നീണ്ട ദിവസത്തെ ജോലിക്ക് ശേഷം ആശ്വാസം നൽകും

ഒരാൾക്ക് ഒരു ദിവസം എത്ര കപ്പ് ചായ കുടിക്കാം?

ഒരു ദിവസം 2-3 കപ്പ് മതിയെന്നാണ് ഡയറ്റീഷ്യൻസ് പറയുന്നത്. ഉറങ്ങുന്നതിന് തൊട്ടുമുമ്പ് ചായ കുടിക്കുന്നത് ഒഴിവാക്കാനും പറയുന്നു.

ചായ കുടിക്കുമ്പോൾ ചെയ്യേണ്ടതും ചെയ്യരുതാത്തതുമായ കാര്യങ്ങൾ:

1. ചായ അധികം നേരം തിളപ്പിക്കരുത്.
2. പാലും പഞ്ചസാരയും അധികം ചേർക്കരുത്. പാലും പഞ്ചസാരയും ചേർക്കാതെയാണ് ചായയുടെ യഥാർത്ഥ സത്ത വരുന്നത്. പാൽ ചേർക്കണമെങ്കിൽ അവസാനം ചൂടുള്ള പാൽ ചേർത്ത് തിളപ്പിച്ച ശേഷം ഗ്യാസ് ഓഫ് ചെയ്യുക. ദീർഘനേരം തിളപ്പിക്കരുത്
3. ടീ ബാഗുകൾ ഉപയോഗിക്കരുത്

4. നിങ്ങൾക്ക് രാത്രി ചായ കുടിക്കാൻ താൽപ്പര്യമുണ്ടെങ്കിൽ, രാത്രി 8:30-ഓടെ കുടിക്കുന്നതാണ് ഏറ്റവും നല്ല സമയം, കാരണം നമ്മുടെ ദഹനം ഏറ്റവും ശക്തമാകുന്ന സമയമാണിത്.
5. ഉച്ചകഴിഞ്ഞ് 3 മണിക്ക ചായ കുടിക്കുന്നത് ശരീരത്തിന വളരെ ഗുണം ചെയ്യും, കാരണം ഇത് നമ്മുടെ രോഗപ്രതിരോധ ശേഷി വർദ്ധിപ്പിക്കും. പനിയും ജലദോഷവും തടയും.