മുടി തഴച്ചുവളരാൻ കഞ്ഞിവെള്ളവും ഉലുവയും മതിയോ? അറിയേണ്ട കാര്യങ്ങൾ ഇതാ!
മുടിക്ക് കരുത്തേകാനും കൂടുതൽ നീളത്തിൽ വളരാനും വളരെ പണ്ട് കാലം മുതൽ ആളുകൾ ഉപയോഗിക്കുന്നതാണ് കഞ്ഞി വെള്ളവും ഉലുവയും. മുടിക്ക് വളരെ അധികം സെറങ്ങളും ക്രീമുകളും അടക്കം ലഭ്യമായ ഇന്നത്തെ കാലത്തും കഞ്ഞി വെള്ളവും ഉലുവയും ട്രെൻഡിംഗ് ആണ്.
കഞ്ഞിവെള്ളത്തിൽ വിറ്റാമിൻ ബി, അമിനോ ആസിഡുകൾ, വിറ്റാമിൻ ഇ, ഇനോസിറ്റോൾ , ആന്റിഓക്സിഡന്റുകൾ എന്നിവ അടങ്ങിയിട്ടുണ്ട്. ഇവ കേടുവന്ന മുടിയുടെ ഉള്ളിലേക്ക് ആഴത്തിൽ ഇറങ്ങിച്ചെല്ലുകയും മുടി കഴുകിയ ശേഷവും അവിടെ നിലനിൽക്കുകയും ചെയ്യുന്നു. ഇത് മുടികൾ തമ്മിലുള്ള ഉരസൽ കുറയ്ക്കുകയും മുടിയുടെ ഇലാസ്തികത കൂട്ടുകയും മുടി പൊട്ടിപ്പോകുന്നത് തടയുകയും ചെയ്യുന്നു.
ഉലുവയിൽ ഇരുമ്പ്, നിക്കോട്ടിനിക് ആസിഡ്, പ്രോട്ടീനുകൾ, സാപ്പോണിനുകൾ, ഫ്ലേവനോയ്ഡുകൾ എന്നിവ ധാരാളമായി അടങ്ങിയിട്ടുണ്ട്. ഈ രണ്ട് ചേരുവകളും ഒന്നിക്കുമ്പോൾ അത് മുടിക്ക് ആവശ്യമായ ഈർപ്പവും, തലയോട്ടിയുടെ അസ്വസ്ഥതകളിൽ നിന്ന് ആശ്വാസവും, മുടിയുടെ വേരുകൾക്ക് നല്ല കരുത്തും നൽകുന്നു. ഒരൊറ്റ ദിവസം കൊണ്ട് മുടി വളർത്തുന്ന അത്ഭുത മരുന്നല്ല ഇത്, മറിച്ച് മുടിയുടെ മൊത്തത്തിലുള്ള ഗുണനിലവാരം മെച്ചപ്പെടുത്താൻ സഹായിക്കുന്ന പോഷകസമൃദ്ധമായ ഒരു മിശ്രിതമാണ്.
ഇത് എങ്ങനെ തയ്യാറാക്കാം?
½ കപ്പ് വേവിക്കാത്ത അരി
2 ടേബിൾസ്പൂൺ ഉലുവ
2 കപ്പ് വെള്ളം
അരി നന്നായി കഴുകിയ ശേഷം വെള്ളത്തിലിടുക. ഇതേ പാത്രത്തിലേക്ക് തന്നെ ഉലുവയും ചേർത്ത് കുതിർക്കാൻ വെക്കുക. അടുത്ത ദിവസം ഈ വെള്ളം അരിച്ചെടുക്കുക. ആവശ്യമെങ്കിൽ ഇത് ഒരു ദിവസം കൂടി പുളിക്കാൻ വെക്കാവുന്നതാണ്. ഇത് ഫ്രിഡ്ജിൽ സൂക്ഷിച്ചുവെക്കാം. ഷാംപൂ ചെയ്യുന്നതിന് തൊട്ടുമുമ്പ് തലയിൽ തേച്ചുപിടിപ്പിക്കാൻ ഇത് ഉപയോഗിക്കാം.
കഞ്ഞിവെള്ളം എല്ലാ ദിവസവും ഉപയോഗിക്കരുത്, ഇത് മുടി അമിതമായി വരണ്ടുപോകാൻ കാരണമാകും. നിങ്ങളുടെ മുടിയുടെ സുഷിരങ്ങൾ കുറവാണെങ്കിൽ ഈ വീട്ടുവൈദ്യം പൂർണ്ണമായും ഒഴിവാക്കുന്നതാണ് നല്ലത്.
ഇത് ഉപയോഗിച്ചതിന് ശേഷം പെട്ടെന്ന് മുടികൊഴിച്ചിൽ അനുഭവപ്പെടുകയാണെങ്കിൽ, ഉപയോഗം നിർത്തി ഒരു ചർമ്മരോഗ വിദഗ്ദ്ധനെ കാണുക. ഉപയോഗിക്കുന്നതിന് മുൻപ് ഒരു പാച്ച് ടെസ്റ്റ് ചെയ്യുന്നത് നന്നായിരിക്കും.
Click it and Unblock the Notifications
Sign in with Google