നായ്ക്കള്ക്ക് ഈ അഞ്ച് കാര്യങ്ങള് മുന്കൂട്ടി അറിയാനാകും, സൂചന തരുന്നത് ഇങ്ങനെ
വീട്ടില് വളര്ത്താവുന്ന മൃഗങ്ങളില് ഭൂരിഭാഗം പേര്ക്കും ഏറ്റവും കൂടുതല് ഇഷ്ടം നായ്ക്കളോടായിരിക്കും. പലവിധത്തിലുള്ള നായ്ക്കള് ഇന്ന് ലോകത്തുണ്ട്. വലിയ ഘ്രാണശക്തിയുള്ള ജീവികളായതിനാല് തന്നെ കേവലം ഇഷ്ടം എന്നതിനേക്കാളുപരി സുരക്ഷ കണക്കിലെടുത്ത് കൊണ്ട് കൂടി പലരും നായ്ക്കളെ വളര്ത്താറുണ്ട്. എന്നാല് ഇതിനെല്ലാം അപ്പുറം വരാന് പോകുന്ന ചില സംഭവങ്ങള് നേരത്തെ മനസിലാക്കാന് നായ്ക്കള്ക്ക് സാധിക്കും എന്ന് എത്ര പേര്ക്ക് അറിയാം?
കുസൃതിത്തരത്തിനും വിശ്വാസ്യതയ്ക്കും ധൈര്യത്തിനും അപ്പുറം നായ്ക്കള് ശ്രദ്ധേയമായ ആറാം ഇന്ദ്രിയം പ്രകടിപ്പിക്കുന്നു. അവയുടെ കഴിവുകള് തീര്ച്ചയായും അത് നമ്മെ അത്ഭുതപ്പെടുത്തും. നായ്ക്കള്ക്ക് സംഭവിക്കാന് പോകുന്നതിന് മുമ്പ് മനസിലാക്കാന് കഴിയുന്ന ചില കാര്യങ്ങള് എന്തൊക്കെയാണ് എന്ന് നമുക്ക് ഒന്ന് പരിശോധിക്കാം.
ഒരു കൊടുങ്കാറ്റ് അടിക്കുന്നതിന് മുമ്പ് നായ വിചിത്രമായി പെരുമാറുന്നത് നിങ്ങള് എപ്പോഴെങ്കിലും ശ്രദ്ധിച്ചിട്ടുണ്ടോ? അത് യാദൃശ്ചികമല്ല. നായ്ക്കള്ക്ക് കാലാവസ്ഥയെ കുറിച്ച് നേരത്തെ തന്നെ അറിയാന് സാധിക്കും. അവ ബാരോമെട്രിക് മര്ദ്ദത്തിലെ മാറ്റങ്ങളും സ്റ്റാറ്റിക് ഇലക്ട്രിക് ഫീല്ഡിലെ ഷിഫ്റ്റുകളും കണ്ടുപിടിക്കാന് കഴിവുള്ളവയാണ്. അവരുടെ അസ്വാഭാവികമായ കുരയോ നിങ്ങളുടെ മടിയില് പെട്ടെന്ന് വന്ന് കിടക്കുന്നതും ആകസ്മികമല്ല.
വരാനിരിക്കുന്ന മോശം കാലാവസ്ഥയെ കുറിച്ചുള്ള സൂചനയാണ് അത്. ഭൂമികുലുക്കം പോലുള്ള പ്രകൃതിദുരന്തങ്ങളേയും നായ്ക്കള്ക്ക് നേരത്തെ മനസിലാക്കാന് സാധിക്കും. ഭൗമോപരിതലത്തിനു താഴെയുള്ള പാറകളുടെ ചലനത്തിലൂടെ ഉണ്ടാകുന്ന വൈദ്യുത സിഗ്നലുകള് നായ്ക്കള്ക്ക് മനസിലാക്കാന് സാധിക്കും എന്നാണ് ഭൂകമ്പ ശാസ്ത്രജ്ഞര് പറയുന്നത്. നായയുടെ മണം പിടിക്കാനുള്ള കഴിവ് പ്രശസ്തമാണ്.
ഒപ്പം ഒരാളുടെ ശരീരഭാഷയും സൂക്ഷ്മമായ മുഖഭാവങ്ങളും വായിക്കാനുള്ള കഴിവുമുണ്ട്. ഈ അദ്വിതീയ വൈദഗ്ദ്ധ്യം അപകടസാധ്യത പ്രവചിക്കാന് അവരെ അനുവദിക്കുന്നു. നിങ്ങളുടെ നായ ആരോടെങ്കിലും അസ്വസ്ഥതയോ അനിഷ്ടമോ പ്രകടിപ്പിക്കുകയാണെങ്കില് അവ സാധ്യമായ ഭീഷണിയെക്കുറിച്ച് നിങ്ങള്ക്ക് മുന്നറിയിപ്പ് നല്കുകയാണ് എന്ന് അനുമാനിക്കാം. ബോംബും മയക്കുമരുന്നും കണ്ടെത്താനുള്ള അവരുടെ കഴിവ് സംരക്ഷണ സഹജാവബോധത്തിന്റെ വ്യാപ്തി കാണിക്കുന്നു.
മനുഷ്യരില് ഗുരുതരമായ രോഗങ്ങള് കണ്ടെത്തുന്നതിലും നായ സഹായിക്കുമെന്ന് പറയപ്പെടുന്നു. ക്യാന്സര് മുതല് രക്തത്തിലെ പഞ്ചസാരയുടെ അളവ് കുറയുന്നത് വരെ നായ്ക്കള്ക്ക് മനസിലാക്കാനാകും. ഗര്ഭധാരണം തിരിച്ചറിയാനുള്ള പ്രകൃത്യാതീതമായ കഴിവ് നായ്ക്കള്ക്ക് ഉണ്ട് എന്നും ചിലരൊക്കെ വാദിക്കുന്നുണ്ട്. എന്നാല് ഇതിന് ശാസ്ത്രീയ അടിത്തറയൊന്നുമില്ല.
Click it and Unblock the Notifications
Sign in with Google