തടി കുറക്കാൻ മുട്ടയും അവക്കാഡോയും കഴിക്കുന്നവരാണോ? ഇക്കാര്യം അറിഞ്ഞില്ലെങ്കിൽ പണി കിട്ടിയേക്കും

Updated: Wednesday, June 19, 2024, 14:33 [IST]

മുട്ടയാണോ അവക്കാഡോയാണോ തടി കുറക്കാൻ എളുപ്പത്തിൽ സഹായിക്കുക? സംശയമുണ്ടോ? എന്നാൽ അത്തരമൊരു സംശയം വേണ്ട. ഇവ രണ്ടും ശരീരഭാരം കുറക്കാൻ ഉത്തമമാണ്. മുട്ട പോലെ തന്നെ പ്രോട്ടീൻ സമ്പുഷ്ടമാണ് അവക്കാഡോയും. എന്നാൽ എല്ലാവർക്കും ഇവ രണ്ടും ഒരുപോലെ പ്രവർത്തിക്കില്ല. കാരണം ഇവയുടെ ആരോഗ്യ ഗുണങ്ങൾ വ്യത്യസ്തമാണ്. അതുകൊണ്ട് തന്നെ നിങ്ങൾക്ക് ഇവയിൽ ഏതാണ് വേണ്ടതെന്ന് ആദ്യം ഉറപ്പ് വരുത്തേണ്ടതുണ്ട്. അതിന് ആദ്യം ഇവയുടെ ആരോഗ്യ ഗുണങ്ങൾ എങ്ങനെ വ്യത്യാസപ്പെട്ടിരിക്കുന്നുവെന്ന് അറിയണം. വിശദമായി വായിക്കാം

മുട്ട

പ്രോട്ടീൻ- പ്രോട്ടീൻ ഉറവിടമാണ് മുട്ട. മുട്ടയിൽ ഏകദേശം 6 ഗ്രാം പ്രോട്ടീൻ അടങ്ങിയിട്ടുണ്ട്, ഇത് എല്ലാ അവശ്യ അമിനോ ആസിഡുകളും ലഭിക്കാൻ സഹായിക്കുന്നു.

കൊഴുപ്പുകൾ-മുട്ടയിൽ പൂരിതവും അപൂരിതവുമായ കൊഴുപ്പുകൾ ഉൾപ്പെടെ ഏകദേശം 5 ഗ്രാം കൊഴുപ്പും 186 മില്ലിഗ്രാം കൊളസ്ട്രോളും ഉണ്ട്.

വിറ്റാമിനുകളും ധാതുക്കളും- വിറ്റാമിൻ ബി 12, ഡി, എ, റൈബോഫ്ലേവിൻ, സെലിനിയം, ഫോസ്ഫറസ് തുടങ്ങിയ ധാതുക്കളും ധാരാളം അടങ്ങിയിട്ടുണ്ട്. തലച്ചോറിൻ്റെ ആരോഗ്യത്തിന് ആവശ്യമായ കോളിൻ എന്ന പദാർത്ഥവും മുട്ടയിൽ ഉണ്ട്.

കലോറി-70 -80 കലോറി

ഫൈബർ-മുട്ടയിൽ കാര്യമായ അളവിൽ നാരുകൾ ഇല്ല.

കാർബോഹൈഡ്രേറ്റ്- മുട്ടയിൽ കാർബോഹൈഡ്രേറ്റിന്റെ അളവ് അവോക്കാഡോകളേക്കാൾ 11 മടങ്ങ് കുറവാണ്.

പഞ്ചസാര- മുട്ടയിൽ ഏകദേശം 0.37 ഗ്രാം പഞ്ചസാരയുണ്ട്.

അവക്കാഡോ

കൊഴുപ്പുകൾ-ആരോഗ്യകരമായ കൊഴുപ്പുകൾക്ക് പേരുകേട്ടതാണ് അവക്കാഡോ. ഒരു വലിയ അവക്കാഡോയിൽ ഏകദേശം 21 ഗ്രാം കൊഴുപ്പ് അടങ്ങിയിട്ടുണ്ട്.

പ്രോട്ടീൻ-ഒരു ഇടത്തരം പഴത്തിൽ ഏകദേശം 3 ഗ്രാം പ്രോട്ടീനുണ്ടാകും.

വിറ്റാമിനുകളും ധാതുക്കളും-പൊട്ടാസ്യം, വിറ്റാമിൻ ഇ, കെ, ഫോളേറ്റ്, വിറ്റാമിൻ സി എന്നിവ ധാരാളമായി അടങ്ങിയിട്ടുണ്ട്. ഇടത്തരം അവോക്കാഡോയ്‌ക്ക് ഏകദേശം 10 ഗ്രാം നാരുകളും ഉണ്ടാകും.

കലോറി- ഒരു ഇടത്തരം അവോക്കാഡോയിൽ ഏകദേശം 234 കലോറി ഉണ്ടാകും

കാർബോഹൈഡ്രേറ്റ്‌സ്-ഏകദേശം 8.6 ഗ്രാം കാർബോഹൈഡ്രേറ്റ്സ് ലഭിക്കും.

പഞ്ചസാര- അവോക്കാഡോകളിൽ ഏകദേശം മുട്ടയുടെ അത്രതന്നെ പഞ്ചസാരയും അടങ്ങിയിട്ടുണ്ട്.

തടി കുറക്കാൻ സഹായിക്കുന്നത് എങനെയെന്ന് നോക്കാം

മുട്ട കഴിച്ചാൽ വയർ നിറഞ്ഞിരിക്കുന്നതായി തോന്നാൻ സഹായിക്കും. മാത്രമല്ല ഇവയിൽ പ്രോട്ടീനും അടങ്ങിയിട്ടുണ്ട്. ഇത് വയറിന് പൂർണത നൽകുന്നു. അതുവഴി അമിതമായി ഭക്ഷണം കഴിക്കണമെന്ന തോന്നൽ ഇല്ലാതാക്കും. മുട്ട പോലുള്ള പ്രോട്ടീൻ സമ്പുഷ്ടമായ ഭക്ഷണങ്ങളുടെ തെർമിക് പ്രഭാവം (TEF) ഉപാപചയ നിരക്ക് വർദ്ധിപ്പിക്കും.ദഹന സമയത്ത് കൂടുതൽ കലോറി കത്തിച്ച് കളയാൻ ഇത് ഉത്തമമാണ്. കുറഞ്ഞ കലോറി മാത്രമാണ് ഇവയിൽ ഉള്ളത്.

അവക്കാഡോ-അവോക്കാഡോയിൽ അടങ്ങിയിരിക്കുന്ന നാരുകളും ആരോഗ്യകരമായ കൊഴുപ്പുകളും കൂടുതൽ നേരത്തേക്ക് വിശപ്പ് ഇല്ലാതാക്കുന്നു. അതുവഴി നിങ്ങളുടെ കലോറി ഉപഭോഗം കുറക്കുന്നു. കലോറിയിൽ ഉയർന്നതാണെങ്കിലും, അവോക്കാഡോകൾ മൊത്തത്തിലുള്ള ആരോഗ്യത്തെ പിന്തുണയ്ക്കുന്ന അവശ്യ പോഷകങ്ങളാൽ സമ്പുഷ്ടമാണ്.

എങ്ങനെയാണ് ഇവ വ്യത്യസ്തപ്പെട്ടിരിക്കുന്നത്?

കൂടുതൽ പ്രോട്ടീനും കുറഞ്ഞ കലോറിയും ആവശ്യമുള്ളവരാണ് മുട്ട കഴിക്കേണ്ടത്.പൂർണ്ണതയും മൊത്തത്തിലുള്ള ആരോഗ്യവും നിലനിർത്തുന്നതിനും ആരോഗ്യകരമായ കൊഴുപ്പുകളും നാരുകളും ശരീരത്തിലെത്തണമെങ്കിൽ നിങ്ങൾക്ക് അവക്കാഡോ ധൈര്യമായി തിരഞ്ഞെടുക്കാം.