ബോളിവുഡ് താരങ്ങള് പോലും മാറി നില്ക്കും സാറയ്ക്ക് മുന്നില്; ഫിറ്റ്നസ് രഹസ്യം എന്താണെന്നറിയാമോ?
ക്രിക്കറ്റ് ഇതിഹാസം സച്ചിന് ടെണ്ടുല്ക്കറുടെ മകള് സാറ കുട്ടിക്കാലം തൊട്ടെ മാധ്യമങ്ങളുടേയും സോഷ്യല് മീഡിയയുടേയും ശ്രദ്ധ തേടിയിട്ടുള്ള ആളാണ്. മുന്പ് സച്ചിന് ടെന്ഡുല്ക്കറുടെ മകള് എന്നതായിരുന്നു സാറയുടെ ഐഡന്റിറ്റിയെങ്കിലും ഇപ്പോള് സാറ തന്റെ സൗന്ദര്യത്തിലും ഫിറ്റ്നസിലും മറ്റുള്ളവരുടെ മനസില് ഇടം നേടിയിരിക്കുകയാണ്. പല പൊതുപരിപാടികളിലും സാറയെ ആരാധകര് വളയാറുണ്ട്.
ക്രിക്കറ്റ് മത്സരങ്ങള് കാണാനെത്തിയാല് ഗാലറിയിലുള്ള സാറയെ ഒപ്പിയെടുക്കുക എന്നതാണ് ക്യാമറ പേഴ്സണ്മാരുടെ ജോലി. സെലിബ്രിറ്റി ലോകത്തെ ബ്യൂട്ടി ഐക്കണുകൡ ഒരാളാണ് സാറ എന്നതില് സംശയമില്ല. അടുത്തിടെ ശുഭ്മാന് ഗില്ലുമായി ബന്ധപ്പെട്ട് പല ഗോസിപ്പുകളിലും സാറ ഇടം നേടിയിരുന്നു. ഇതൊക്കെയാണെങ്കിലും സാറയുടെ ഫിറ്റ്നസ് എടുത്ത് പറയേണ്ടത് തന്നെയാണ്.
26 കാരിയായ സാറ തന്റെ ആരോഗ്യ സംരക്ഷണത്തിന് വലിയ ജാഗ്രത ചെലുത്തുന്നുണ്ട്. എന്തൊക്കെയാണ് സാറയുടെ ഫിറ്റ്നസ് രഹസ്യങ്ങള് എന്ന് നമുക്ക് നോക്കാം. ഫിറ്റ്നസ് നിലനിറുത്താന് ശരിയായ ഭക്ഷണം അത്യാവശ്യമാണ്. സാറ തന്റെ ഭക്ഷണക്രമം ശരിയായി ശ്രദ്ധിക്കുന്നുണ്ടെന്ന് ഉറപ്പുവരുത്തി കൊണ്ട് ലഘുവായ വ്യായാമവും ചെയ്യുന്നു. സമീകൃതാഹാരം ശരീരഭാരം നിയന്ത്രിക്കുമ്പോള് ഊര്ജത്തിനും പേശികളുടെ ആരോഗ്യത്തിനും ആവശ്യമായ പോഷകങ്ങള് നല്കുന്നു.
ഫിറ്റ്നസ് നിലനിറുത്താന് വര്ക്ക് ഔട്ട് ചെയ്യുന്നത് നിര്ണായകമാണ് എന്ന് സാറയ്ക്ക് അറിയാം. തന്റെ ജിമ്മിംഗ് ദിനചര്യയില് സ്ട്രെങ്ത് ട്രെയിനിംഗ് വ്യായാമങ്ങള് പോലുള്ള നിരവധി വ്യായാമങ്ങള് ഉള്പ്പെടുത്താന് സാറ ശ്രമിക്കാറുണ്ട്. വ്യായാമം ഹൃദയാരോഗ്യം വര്ധിപ്പിക്കുകയും ശക്തി വര്ദ്ധിപ്പിക്കുകയും ശരീരഭാരം നിയന്ത്രിക്കാന് സഹായിക്കുകയും ചെയ്യുന്നു. പലപ്പോഴും സാറ മാരത്തണുകളില് പങ്കെടുക്കുന്നത് കാണാറുണ്ട്.
ഓട്ടം ഒരു ഫലപ്രദമായ കാര്ഡിയോ വ്യായാമമാണ്. ഇത് ഹൃദയമിടിപ്പ് വര്ധിപ്പിക്കുന്നു, കലോറി കത്തിക്കുന്നു, ഹൃദയാരോഗ്യത്തെ ശക്തിപ്പെടുത്തുന്നു. അങ്ങനെ മൊത്തത്തിലുള്ള ഫിറ്റ്നസിന് സംഭാവന നല്കുന്നു. ഡംബെല്സ് ഉപയോഗിച്ച് വിവിധ അപ്പര്ബോഡി വര്ക്ക് ഔട്ട് സാറ ചെയ്യാറുണ്ട്. സാറ പലപ്പോഴും ജിമ്മില് പോകുന്നതിന്റെ ചിത്രങ്ങള് സോഷ്യല് മീഡിയയില് പങ്ക് വെക്കാറുണ്ട്.
വര്ക്ക് ഔട്ട് തന്റെ ജീവിതരീതിയുടെ ഭാഗമായി നിലനിര്ത്താന് സാറ ശ്രമിക്കുന്നു. ഫിറ്റ്നസ് നിലനിര്ത്താന് സ്ഥിരത അത്യാവശ്യമാണ്. പതിവ് വ്യായാമവും ആരോഗ്യകരമായ ശീലങ്ങളും ശാശ്വതമായ ഫലങ്ങളിലേക്ക് നയിക്കും. ഇത് മൊത്തത്തിലുള്ള ആരോഗ്യവും ക്ഷേമവും മെച്ചപ്പെടുത്തുന്നു. ശരീരത്തിനും മനസിനും ഒരുപോലെ ക്ഷേമം പകരുന്ന യോഗയും സാറയുടെ ദിനചര്യയുടെ ഭാഗമാണ്.
മാനസികാരോഗ്യത്തിനായി ഹോബികള്ക്ക് മുന്ഗണന നല്കാനും സാറ മറക്കാറില്ല. സന്തോഷകരവും ക്രിയാത്മകവുമായ സമീപനം നിലനിര്ത്താന് സാറ ശ്രമിക്കാറുണ്ട്. പോസിറ്റീവ് മാനസികാവസ്ഥ നിലനിര്ത്തുന്നത് ഫിറ്റ്നസിന് അത്യന്താപേക്ഷിതമാണ്.
Click it and Unblock the Notifications
Sign in with Google