ചപ്പാത്തി നഹീ ചോര്, ചോര് എന്ന് പറയാന് വരട്ടെ..! കഴിക്കാന് ഏതാണ് ഏറ്റവും ബെസ്റ്റ്..?
ഏതൊരാളുടെയും ആരോഗ്യകരമായ ജീവിതത്തിന് ഭക്ഷണം പ്രധാനമാണ്. ഇന്നത്തെ കാലത്ത് വിവിധയിനം ഭക്ഷണങ്ങള് നമ്മുടെ എല്ലാം മെനുവിലുണ്ടാകും. എന്നാല് അവ എത്രത്തോളം ആരോഗ്യകരമാണ് എന്നതിനെ കുറിച്ച് തര്ക്കങ്ങളുണ്ടായിരിക്കാം. ഇന്ത്യന് സാഹചര്യങ്ങളില് ചോറ്, ചപ്പാത്തി എന്നിവ പ്രധാന ഭക്ഷണങ്ങളാണ്. ചോറാണോ ചപ്പാത്തിയാണോ മികച്ച ഭക്ഷണം എന്നതിനെ കുറിച്ച് പലര്ക്കും തര്ക്കമുണ്ടാകാറുണ്ട്.
പലരും പലവിധത്തിലുള്ള അഭിപ്രായമാണ് ഇത് സംബന്ധിച്ച് പങ്ക് വെക്കാറുള്ളത്. എങ്കിലും പലര്ക്കും രണ്ടിലും അടങ്ങിയിരിക്കുന്ന പോഷകങ്ങളുടേയും ധാതുക്കളുടേയും അളവിനെ കുറിച്ച് അറിയില്ല എന്നതാണ് യാഥാര്ത്ഥ്യം. ചപ്പാത്തിയിലും അരിയിലും അടങ്ങിയിരിക്കുന്ന വിവിധ പോഷകങ്ങള് എങ്ങനെയൊക്കെയാണ് എന്ന് നമുക്കൊന്ന് നോക്കാം.
ചപ്പാത്തി ഇന്ന് പല വീടുകളിലും പ്രധാന ഭക്ഷണമാണ്. ഗോതമ്പ് മാവും വെള്ളവും ഉപയോഗിച്ചാണ് ചപ്പാത്തിയുണ്ടാക്കുന്നത് എല്ലാവര്ക്ക് അറിയാമല്ലോ. മറുവശത്ത് ഏഷ്യന്യിലെ തന്നെ പല രാജ്യങ്ങളിലും അരി വേവിച്ചുണ്ടാക്കുന്ന ചോറ് ഒരു പ്രധാന ഭക്ഷണമാണ്. അരിയുടെ പല വകഭേദങ്ങളും ഇന്ന് സുലഭമാണ്. ചോറും ചപ്പാത്തിയും പോഷകമൂല്യത്തില് ഒരു പരിധിവരെ തുല്യമാണ്.
ഇവ നമ്മുടെ ശരീരത്തില് എങ്ങനെ എത്തുന്നു എന്നത് അവ കഴിക്കുന്ന രീതിയെ ആശ്രയിച്ചിരിക്കുന്നു. മുഴുവന് ഗോതമ്പ് ചപ്പാത്തി കൂടുതല് പോഷകഗുണമുള്ളതും വൈറ്റമിന് ബി, ഫോളേറ്റ്, മഗ്നീഷ്യം, സിങ്ക് എന്നിവ നല്കുകയും ചെയ്യുന്നു. ടചോറിലേക്ക് വന്നാല് സാധാരണ ഉപയോഗിക്കുന്ന വെള്ള അരിയേക്കാള് പോഷകഗുണം മട്ട അരി കൊണ്ടുള്ള ചോറിനാണ് എന്നാണ് പറയുന്നത്.
ചപ്പാത്തിയിലെ കലോറിയുടെ അളവ് അതിന്റെ വലുപ്പത്തെയും കനത്തെയും ആശ്രയിച്ചിരിക്കുന്നു. 70-80 കലോറി വരെ ചപ്പാത്തിയില് അടങ്ങിയിരിക്കാം. മറുവശത്ത് അതേ അളവിലുള്ള വെള്ള അരി കൊണ്ടുള്ള ചോറില് ഏകദേശം 204 കലോറി അടങ്ങിയിട്ടുണ്ടായിരിക്കും. ചോറിലേയും ചപ്പാത്തിയിലേയും കൊഴുപ്പിന്റെ അളവ് സമാനമാണ്. അരിയില് കൊഴുപ്പും കൊളസ്ട്രോളും കുറവാണ്. ചപ്പാത്തി കൊളസ്ട്രോള്രഹിതവും പൂരിത കൊഴുപ്പുള്ളതുമാണ്.
മട്ട അരിയില് വെളുത്ത അരിയേക്കാള് കൂടുതല് നാരുകള് അടങ്ങിയിട്ടുണ്ടെങ്കിലും അരി കാര്ബോഹൈഡ്രേറ്റിനാല് സമ്പുഷ്ടമാണ്. ദഹനത്തെ സഹായിക്കുന്ന നല്ല അളവിലുള്ള കാര്ബോഹൈഡ്രേറ്റുകളും നാരുകളും ചപ്പാത്തിയും നല്കുന്നു. ഒരു ഗോതമ്പ് ചപ്പാത്തിക്ക് വെളുത്ത മാവ് ചപ്പാത്തിയേക്കാള് കൂടുതല് പ്രോട്ടീന് ഉണ്ടായിരിക്കും. ഇത് സാധാരണയായി ഏകദേശം 4 ഗ്രാം വരും. ഒരു കപ്പ് അരിയില് 4-5 ഗ്രാം മുതല് പ്രോട്ടീനായിരിക്കും ഉണ്ടാകുക.
പോഷകഗുണങ്ങള് ഏറെക്കുറെ സമാനമായതിനാല് ചപ്പാത്തി വേണോ ചോറ് വേണോ എന്നുള്ളത് നിങ്ങളുടെ വ്യക്തിഗത മുന്ഗണനകളെയും ഭക്ഷണ ആവശ്യങ്ങളെയും ആശ്രയിച്ചിരിക്കുന്നു. ചോറാണെങ്കിലും ചപ്പാത്തിയാണെങ്കിലും കറികള്, മാംസം മറ്റ് പോഷക സമ്പുഷ്ടമായ ഭക്ഷണങ്ങള് എന്നിവയോടൊപ്പം കഴിക്കുന്നത് ആരോഗ്യകരമായ ശീലമാണ്.
Click it and Unblock the Notifications
Sign in with Google