എന്നും രാവിലെ ഓട്സ് കഴിക്കല്ലേ... പണികിട്ടും; ഇക്കാര്യം മറന്ന് പോകല്ലേ..!
ഇന്നത്തെ കാലത്ത് പലരും തിരക്കേറിയ ജീവിതം നയിക്കുന്നവരാണ്. അതിനാല് തന്നെ വേഗത്തില് തയ്യാറാക്കാന് സാധിക്കുന്ന ഭക്ഷണങ്ങള് തിരഞ്ഞെടുക്കാനായിരിക്കും പലര്ക്കും താല്പര്യം. എന്നാല് അത് ആരോഗ്യകരമായിരിക്കുകയും വേണം. അത്തരക്കാര്ക്ക് ഏറ്റവും ഫലപ്രദമായ മികച്ച ഓപ്ഷനാണ് ഒാട്സ് എന്നതില് സംശയമില്ല. ഓട്സ് അവയുടെ വിവിധ ആരോഗ്യ ഗുണങ്ങള്ക്ക് പേരുകേട്ടതാണ്.
എന്നാല് മറ്റേതൊരു ഭക്ഷണത്തെയും പോലെ അവയ്ക്കും പാര്ശ്വഫലങ്ങളുണ്ട്. അധികാമായാല് അമൃതും വിഷം എന്ന ചൊല്ല് ഓട്സിന്റെ കാര്യത്തിലും അനുയോജ്യമാണ്. ദിവസവും ഓട്സ് കഴിക്കുന്നവരാണ് നിങ്ങള് എങ്കില് ചില ആരോഗ്യപ്രശ്നങ്ങളും നിങ്ങളെ കാത്തിരിക്കുന്നുണ്ട് എന്നാണ് ആരോഗ്യവിദഗ്ധര് പറയുന്നത്. എല്ലാ ദിവസവും ഓട്സ് കഴിക്കുന്നത് കൊണ്ട് എന്തെല്ലാം ദോഷഫലങ്ങളാണ് നിങ്ങളെ കാത്തിരിക്കുന്നത് എന്ന് നോക്കാം.
ഓട്സ് സ്വാഭാവികമായും ഗ്ലൂറ്റന് രഹിതമാണെങ്കിലും ഗോതമ്പ്, ബാര്ലി എന്നിവ കൈകാര്യം ചെയ്യുന്നയിടങ്ങളിലാണ് ഇവയുണ്ടാക്കുന്നത്. ഇത് മലിനീകരണത്തിന് കാരണമാകും. നിങ്ങള് സീലിയാക് ഡിസീസ് അല്ലെങ്കില് ഗ്ലൂറ്റന് സെന്സിറ്റിവിറ്റി ഉള്ള ആളാണെങ്കില് സര്ട്ടിഫൈഡ് ഗ്ലൂറ്റന്-ഫ്രീ ഓട്സ് തിരഞ്ഞെടുക്കേണ്ടത് പ്രധാനമാണ്. ഓട്സിലെ നാരുകള് ദഹനം മെച്ചപ്പെടുത്താന് സഹായിക്കുന്നു.
എന്നിരുന്നാലും, ഓട്സിന്റെ അമിതമായ ഉപഭോഗം ചില വ്യക്തികളില് ഗ്യാസ്ട്രബിളിനും വീക്കത്തിനും കാരണമാകും. ഫൈബര് അടങ്ങിയ ഭക്ഷണം ക്രമേണ വര്ധിപ്പിക്കുന്നത് ഈ പ്രശ്നം ലഘൂകരിക്കാന് സഹായിക്കും. ഓട്സില് ഫൈറ്റിക് ആസിഡ് അടങ്ങിയിട്ടുണ്ട്. ഇത് കാത്സ്യം, ഇരുമ്പ്, സിങ്ക് തുടങ്ങിയ ചില ധാതുക്കളുടെ ആഗിരണത്തെ തടയും. ഓട്സ് കുതിര്ക്കുകയോ പുളിപ്പിക്കുകയോ ചെയ്യുന്നത് അവയുടെ ഫൈറ്റിക് ആസിഡിന്റെ അളവ് കുറയ്ക്കാന് സഹായിക്കും.
ഓട്സ് പോഷകഗുണമുള്ളതാണെങ്കിലും അവയില് കലോറി കൂടുതലാണ്. നിങ്ങള് കലോറി ഉപഭോഗം നിയന്ത്രിക്കാന് ശ്രമിക്കുമ്പോള് അവ പതിവായി കഴിക്കുന്നത് ഒഴിവാക്കുകയും ചെയ്യുക. ഓട്സ് ധാരാളം അളവില് പോഷകങ്ങള് നല്കും. എന്നാല് ശരീരത്തിന് എല്ലാ ദിവസവും ആവശ്യമായ എല്ലാ പോഷകങ്ങളും ലഭിക്കുന്നുണ്ടെന്ന് ഉറപ്പാക്കാന് വിവിധതരം ഭക്ഷണങ്ങള് ഉള്പ്പെടുന്ന സമീകൃതാഹാരം നിലനിര്ത്തേണ്ടത് അത്യാവശ്യമാണ്.
അതിനാല് പ്രഭാതഭക്ഷണത്തിന് ദിവസവും ഓട്സിനെ ആശ്രയിക്കുന്നത് ഒരു മോശം ആശയമാണ്. ഓട്സ് പതിവായി കഴിക്കുന്നത് ചിലരില് അലര്ജിക്ക് കാരണമാകും. ഓട്സ് കഴിച്ചതിന് ശേഷം നിങ്ങള്ക്ക് ചൊറിച്ചില്, ദഹനസംബന്ധമായ അസ്വസ്ഥതകള് എന്നിവ അനുഭവപ്പെടുകയാണെങ്കില് ഒരു ഡോക്ടറെ സമീപിച്ച് വേണ്ട നിര്ദേശം പിന്തുടരുക.
Click it and Unblock the Notifications
Sign in with Google