ഉറങ്ങുന്നതിന് മുന്‍പ് പഴങ്ങള്‍ കഴിക്കുന്നവര്‍ ഇക്കാര്യം തീര്‍ച്ചയായും അറിഞ്ഞിരിക്കണം

പഴങ്ങള്‍ നമ്മള്‍ക്കെല്ലാവര്‍ക്കും ഇഷ്ടമായിരിക്കും. പല തരത്തിലുള്ള പഴങ്ങള്‍ നമുക്ക് ചുറ്റുമുണ്ട്. പഴങ്ങളെല്ലാം പോഷകങ്ങളുടെ കലവറയാണ് എന്നതില്‍ സംശയമില്ല. എന്നാല്‍ പഴങ്ങള്‍ കഴിക്കുന്നതിന് പ്രത്യേക സമയമുണ്ട് എന്ന് നിങ്ങള്‍ക്കറിയാമോ. ചില പഴങ്ങള്‍ പ്രദാനം ചെയ്യുന്ന ഗുണങ്ങള്‍ ശരിയായി നമ്മുടെ ശരീരത്തില്‍ പ്രവര്‍ത്തിക്കാന്‍ ഈ പ്രത്യേക സമയങ്ങളില്‍ കഴിക്കുന്നതായിരിക്കും നല്ലത് എന്നാണ് ആരോഗ്യ വിദഗ്ധര്‍ പറയുന്നത്.

ഏതൊരു പഴത്തിനും അതിന്റേതായ ഗുണങ്ങളും സവിശേഷമാര്‍ന്ന പോഷക ഘടകങ്ങളും പ്രകൃതിദത്തമായ പഞ്ചസാരയും ഉണ്ട്. എന്നാല്‍ ഇത് ശരിയായ സമയത്തല്ല കഴിക്കുന്നത് എങ്കില്‍ ഇവയുടെ ഗുണം കാര്യക്ഷമമായി ലഭിച്ചെന്ന് വരില്ല. മിക്കവരും രാത്രി ഭക്ഷണം കഴിച്ച ശേഷം പഴങ്ങള്‍ കഴിക്കാന്‍ ഇഷ്ടപ്പെടുന്നവരാണ്. എന്നാല്‍ ഏതൊക്കെ പഴങ്ങളാണ് ഈ സമയത്ത് കഴിക്കേണ്ടത് എന്ന് പലര്‍ക്കുമറിയില്ല. രാത്രിയില്‍ ഉറങ്ങാന്‍ കിടക്കുന്നതിന് മുന്‍പ് കഴിക്കേണ്ട പഴങ്ങള്‍ ഇവയാണ്...

കിവി

കിവിപ്പഴത്തിനുള്ളില്‍ ആരോഗ്യത്തിന് ഏറെ പ്രയോജനം ചെയ്യുന്ന വിലപ്പെട്ട വിവിധ സംയുക്തങ്ങളുടെ സാന്നിധ്യം നിരവധി പഠനങ്ങള്‍ വെളിപ്പെടുത്തിയിട്ടുണ്ട്. ആന്റിഓക്‌സിഡന്റുകളുടേയും സെറോടോണിന്റേയും സമ്പന്നമായ കലവറയായ കിവിപ്പഴങ്ങള്‍ ഉറക്ക അസ്വസ്ഥതകളെ അകറ്റാന്‍ ഉത്തമമായ മാര്‍ഗമാണ്. അതുകൊണ്ട് നല്ല ഉറക്കം ആഗ്രഹിക്കുന്നു ഏതൊരാള്‍ക്കും ഉറങ്ങുന്നതിന് മുന്‍പ് കിവിപ്പഴം കഴിക്കുന്നത് നല്ലതാണ്.

ചെറി

ചെറിപ്പഴങ്ങളും ഉറക്കത്തെ പ്രോത്സാഹിപ്പിക്കും എന്നാണ് പറയുന്നത്. പ്രത്യേകിച്ച് എരിവുള്ള ചെറികള്‍ ഉറക്ക-ഉണര്‍വ് ചക്രത്തെ നിയന്ത്രിക്കുന്ന മെലറ്റോണിന്‍ എന്ന ഹോര്‍മോണുകളാല്‍ സമ്പന്നമാണ്. വൈകുന്നേരം ചെറി കഴിക്കുന്നത് കൂടുതല്‍ ശാന്തമായ ഉറക്കത്തിന് സഹായിക്കും എന്നാണ് ആരോഗ്യവിദഗ്ധര്‍ പറയുന്നത്.

പൈനാപ്പിള്‍

നമ്മളില്‍ പലരുടേയും വീട്ടില്‍ കണ്ടുവരുന്ന സ്വാദിഷ്ടമായ ഒരു ഫലമാണ് പൈനാപ്പിള്‍. ദഹനത്തെ സഹായിക്കുന്ന എന്‍സൈമായ ബ്രോമെലൈന്‍ പൈനാപ്പിളില്‍ അടങ്ങിയിട്ടുണ്ട്. വൈകുന്നേരങ്ങളില്‍ പൈനാപ്പിള്‍ കഴിക്കുന്നത് നിങ്ങളുടെ ശരീരത്തിന്റെ ദഹന പ്രക്രിയയെ പിന്തുണയ്ക്കുമെന്നതിനാല്‍ നല്ല ഉറക്കവും ലഭിക്കും.

പീച്ച് പഴങ്ങള്‍

പീച്ച് പഴങ്ങള്‍ ജലാംശം നല്‍കുന്നതും കലോറി കുറവുമാണ്. മൊത്തത്തിലുള്ള ആരോഗ്യത്തിന് സഹായിക്കുന്ന വിറ്റാമിനുകളും ധാതുക്കളും പീച്ച് പഴങ്ങളില്‍ അടങ്ങിയിട്ടുണ്ട്. വിറ്റാമിന്‍ എയുടെയും സിയുടെയും കലവറയാണ് പീച്ച് പഴങ്ങള്‍. കൂടാതെ പൊട്ടാസ്യവും നാരുകളും ധാരാളം അടങ്ങിയിട്ടുമുണ്ട്. പഴുപ്പിച്ച പഴങ്ങളും ഉണക്കിയെടുത്ത പഴങ്ങളുമെല്ലാം പലരുടേയും ആഹാരത്തിന്റെ ഭാഗമാണ്.

English summary

Food Tips In Malayalam: Those Who Eat Fruits Before Going To Sleep Must Know This