ബ്രെഡ് പെട്ടെന്ന് പൂപ്പല്‍ പിടിക്കുന്നോ..? നല്ലതാണോ എന്ന് എങ്ങനെ തിരിച്ചറിയും? ഇക്കാര്യങ്ങള്‍ മറക്കരുത്

നമ്മളില്‍ പലരുടേയും ഇഷ്ടഭക്ഷണങ്ങളിലൊന്നാണ് ബ്രെഡ്. കടകളില്‍ നിന്ന് വാങ്ങുന്ന ബ്രെഡ് അസംസ്‌കൃതമായും കഴിക്കാം, അവ കൊണ്ട് മറ്റ് വിഭവങ്ങള്‍ ഉണ്ടാക്കുകയും ചെയ്യാം. ഏതായാലും അവ എളുപ്പത്തില്‍ ലഭിക്കുന്നവയും വൈവിധ്യമാര്‍ന്നതും നിങ്ങള്‍ക്ക് പരീക്ഷണത്തിന് മതിയായ ഇടവും നല്‍കുന്നതാണ് എന്നതില്‍ തര്‍ക്കമില്ല. വ്യത്യസ്ത പാചക ആവശ്യങ്ങള്‍ക്കായി നിങ്ങള്‍ക്ക് വ്യത്യസ്ത ഇനങ്ങളില്‍ ബ്രെഡ് ലഭിക്കും.

ക്ലാസിക് മില്‍ക്ക് ബ്രെഡും ബ്രൗണ്‍ ബ്രെഡും ആണ് നമ്മുടെ നാട്ടില്‍ സാധാരണയായി കിട്ടുന്നത്. എന്നാല്‍ നിര്‍ഭാഗ്യവശാല്‍ ചിലപ്പോഴെങ്കിലും നമ്മള്‍ വാങ്ങിക്കുന്ന ബ്രെഡ് നമ്മളെ പറ്റിക്കാറുണ്ട്. ഇവ ചിലപ്പോള്‍ വേഗത്തില്‍ പൂപ്പല്‍ പിടിക്കുകയും രുചി നഷ്ടം സംഭവിക്കുകയും ചെയ്യും. അതിനാല്‍ ഇവ വീട്ടിലേക്ക് വാങ്ങി വരുന്നതിന് മുമ്പ് പാക്കറ്റുകളിലെ ലേബലിലേക്ക് ഒന്ന് കണ്ണോടിക്കുന്നത് പ്രധാനമാണ്.

ഇവിടെ ഒരു പാക്കറ്റ് ബ്രെഡ് വാങ്ങുന്നതിന് മുമ്പ് നിങ്ങള്‍ പരിശോധിക്കേണ്ട ചില പ്രധാന കാര്യങ്ങളാണ് പറയാന്‍ പോകുന്നത്. അവ എന്തൊക്കെയാണ് എന്ന് നോക്കാം. ബ്രെഡ് നിര്‍മ്മാണ പ്രക്രിയയ്ക്ക് യീസ്റ്റ് സജീവമാക്കുന്നതിന് കുറച്ച് പഞ്ചസാര ആവശ്യമാണെന്ന് നമുക്കെല്ലാവര്‍ക്കും അറിയാം. എന്നാല്‍ അത് ഒരു മഫിന്‍ ആയി മാറുന്നില്ല എന്ന് നിങ്ങള്‍ ഉറപ്പാക്കണം. അതിനാല്‍ നിങ്ങള്‍ ബ്രെഡ് വാങ്ങുമ്പോള്‍ ലേബലില്‍ ചേര്‍ത്ത പഞ്ചസാര പരിശോധിക്കുക.

കാരണം ചില കമ്പനികള്‍ ഭക്ഷണത്തിന്റെ ഈര്‍പ്പം നിലനിര്‍ത്താന്‍ അധിക പഞ്ചസാര, കരിമ്പ് നീര്, തേന്‍, മറ്റ് മധുരപലഹാരങ്ങള്‍ എന്നിവ ഉപയോഗിക്കാറുണ്ട്. പഞ്ചസാര പോലെ ഉപ്പും ബ്രെഡിന് ആവശ്യമാണ്. എന്നാല്‍ പലപ്പോഴും ചില ബ്രാന്‍ഡുകള്‍ സുഗന്ധങ്ങള്‍ വര്‍ധിപ്പിക്കുന്നതിന് ആവശ്യമായതിനേക്കാള്‍ കൂടുതല്‍ ഉപ്പ് ചേര്‍ക്കുന്നു. ഇത് ഒരു അഡിറ്റീവായി പ്രവര്‍ത്തിക്കുന്നു.

മിഷിഗണ്‍ സ്റ്റേറ്റ് യൂണിവേഴ്‌സിറ്റിയുടെ റിപ്പോര്‍ട്ട് അനുസരിച്ച്, ഒരു കഷ്ണം ബ്രെഡില്‍ 100-200 മില്ലിഗ്രാമില്‍ കൂടുതല്‍ സോഡിയം അടങ്ങിയിരിക്കാന്‍ പാടില്ല എന്നാണ് പറയുന്നത്. അതിനാല്‍, മൊത്തം ഉപ്പിന്റെ അളവ് അനുസരിച്ച് ലേബല്‍ പരിശോധിക്കണം. ബ്രെഡില്‍ അടങ്ങിയിരിക്കുന്ന ചേരുവകള്‍ പരിശോധിക്കുക എന്നതാണ് അടുത്ത ഘട്ടം. പലപ്പോഴും ആരോഗ്യകരമായ ഓപ്ഷനുകളാണെന്ന് കരുതി ബ്രൗണ്‍ ബ്രെഡ്, ഗോതമ്പ് ബ്രെഡ്, മള്‍ട്ടി-ഗ്രെയിന്‍ ബ്രെഡ് എന്നിവയാണ് പലരും വാങ്ങാറുള്ളത്.

എന്നാല്‍ നിര്‍ഭാഗ്യവശാല്‍ എപ്പോഴും അത് അങ്ങനെയാകണം എന്നില്ല. ചില കമ്പനികള്‍ പലപ്പോഴും മറ്റ് തരത്തിലുള്ള മാവും മുകളില്‍ പറഞ്ഞവക്കൊപ്പം ചേര്‍ക്കുന്നത് അവ രുചികരവും ചെലവ് കുറഞ്ഞതുമാക്കും. അതിനാല്‍ ഇവ വാങ്ങുന്നതിന് മുമ്പ് പാക്കറ്റിന്റെ പിന്‍ഭാഗത്ത് സൂചിപ്പിച്ചിരിക്കുന്ന ചേരുവകള്‍ എപ്പോഴും പരിശോധിക്കുക. ബ്രെഡ് വാങ്ങുമ്പോള്‍ നിങ്ങള്‍ ആദ്യം ചെയ്യേണ്ടത് എക്‌സ്പയറി ഡേറ്റും പാക്കറ്റിംഗ് ഡേറ്റും പരിശോധിക്കുക എന്നതാണ്.

ബ്രെഡിന്റെ രുചിയും ഘടനയും പുതുമയും വര്‍ദ്ധിപ്പിക്കാന്‍ പല ബ്രാന്‍ഡുകളും പ്രിസര്‍വേറ്റീവുകളും അഡിറ്റീവുകളും ഉപയോഗിക്കുന്നു. അഡിറ്റീവുകളുള്ള ബ്രെഡ് പരമാവധി ഒഴിവാക്കുക എന്നതാണ് ഏറ്റവും നല്ല രീതി. ബ്രെഡിലെ ഏറ്റവും ജനപ്രിയമായ ഘടകങ്ങളിലൊന്നാണ് ഫൈബര്‍. എന്നാല്‍ പ്രോസസ്സിംഗ് സമയത്ത് ബ്രെഡ് പലപ്പോഴും നാരുകള്‍ ഗണ്യമായി നഷ്ടപ്പെടുത്തുന്നു.

ഇത് തിരഞ്ഞെടുക്കാന്‍ അത്ര ആരോഗ്യകരമല്ലാത്ത ഉല്‍പ്പന്നമാക്കി മാറ്റുന്നു. അതിനാല്‍, നിങ്ങളുടെ ബ്രെഡ് പാക്കറ്റ് എടുക്കുന്നതിന് മുമ്പ് ലേബലില്‍ സൂചിപ്പിച്ചിരിക്കുന്ന നാരിന്റെ അളവ് എപ്പോഴും പരിശോധിക്കുക.

English summary

Food Tips: You Should Check These Things Before Buying A Packet Of Bread