ചായ കുടിച്ചാല് ആയുസ് കൂടുമോ..? അറിയാമോ ചായയുടെ ഈ ആരോഗ്യഗുണങ്ങള്
ചായ ഇഷ്ടപ്പെടാത്തവര് വളരെ വിരളമായിരിക്കും. മലയാളികളെ സംബന്ധിച്ച് ചായ അവരുടെ ദൈനംദിന ജീവിതത്തില് ഒഴിച്ചുകൂടാനാവാത്ത ഒന്നാണ്. ജോലിക്കിടയില് ഒരു കട്ടനടിച്ചാലോ എന്ന് സഹപ്രവര്ത്തകരോട് ചോദിക്കാത്തവരും വിരളമായിരിക്കും. അത്രമേല് ചായ ചിലരെ സ്വാധീനിക്കുന്നുണ്ട്. എന്നാല് ചായ എന്നും കുടിക്കുന്നത് വഴി എന്തെങ്കിലും ആരോഗ്യപ്രശ്നങ്ങളുണ്ടാകുമോ എന്ന് ചിന്തിക്കുന്നവരുമുണ്ട്.
2019 ലെ ന്യൂട്രിയന്റ്സ് ജേണലിലെ അവലോകനമനുസരിച്ച് ലോകമെമ്പാടും വെള്ളം കഴിഞ്ഞാല് ലോകത്ത് ഏറ്റവുമധികം ഉപയോഗിക്കുന്ന രണ്ടാമത്തെ പാനീയമാണ് ചായ. ലോക ജനസംഖ്യയുടെ മൂന്നില് രണ്ട് ഭാഗവും ചായ ഉപയോഗിക്കുന്നു. സ്ഥിരമായി ചായ കുടിക്കുന്ന അനേകം ആളുകളില് ഒരാളാണ് നിങ്ങളെങ്കില് ചായ കുടി നല്കുന്ന അത്ഭുതകരമായ നേട്ടങ്ങളെക്കുറിച്ചൊന്ന് പരിശോധിക്കാം.
നിരവധി പോഷകാഹാരങ്ങള് ഉള്ള ചായയുടെ പല വകഭേദഭങ്ങളും ഇന്ന് സുലഭമാണ്. പൊതുവെ നമ്മള് കഴിക്കുന്ന ചായയ്ക്ക് തന്നെ നാല് വകഭേദങ്ങളുണ്ട്. ഗ്രീന് ടീ, ബ്ലാക്ക് ടീ, ഒലോംഗ് ടീ, വൈറ്റ് ടീ എന്നിവയാണ് അവ. ഈ നാല് ചായകളും കാമെലിയ സിനെന്സിസ് ചെടിയില് നിന്നാണ് ഉരുത്തിരിഞ്ഞത്. ചായ ഉണ്ടാക്കുമ്പോള് ഈ തേയില ചൂടാകുന്നു എന്നതാണ് ഇവയെ ആരോഗ്യപരമാക്കുന്നത്.
മറ്റൊരു ചായ ഹെര്ബല് ടീ ആണ്. ഇത് തേയിലകള്ക്ക് പകരം പച്ചമരുന്നുകള്, പൂക്കള്, വേരുകള് മറ്റ് ചേരുവകള് എന്നിവ വെള്ളത്തില് കുതിര്ത്ത് ഉണ്ടാക്കുന്ന പാനീയങ്ങളാണ്. ആരോഗ്യകരമായ ഭക്ഷണക്രമത്തില് ഉള്പ്പെടുത്താന് എളുപ്പമുള്ള ഒരു പാനീയമാണ് ചായ. സ്ഥിരമായി ചായ കുടിക്കുന്നവര്ക്ക് ചില സവിശേഷമായ ആരോഗ്യ ഗുണങ്ങള് ഉണ്ടെന്ന് ഗവേഷണങ്ങള് കാണിക്കുന്നു.
ചായയില് കാണപ്പെടുന്ന സസ്യ സംയുക്തമായ ഫ്ലേവന്-3-ഓള്സിന്റെ ഉപയോഗം രക്തസമ്മര്ദ്ദം, കൊളസ്ട്രോള്, രക്തത്തിലെ പഞ്ചസാര എന്നിവ നിയന്ത്രിച്ച് ഹൃദയാരോഗ്യത്തെ മെച്ചപ്പെടുത്തുന്നു. രണ്ട് കപ്പ് കട്ടന് ചായയോ ഗ്രീന് ടീയോ പ്രതിദിനം കുടിക്കുന്നത് വഴി ഏകദേശം 400 മുതല് 600 മില്ലിഗ്രാം വരെ ഫ്ലേവന്-3-ഓള്സ് ശരീരത്തില് എത്തും.
ക്യാന്സര് വരാനുള്ള സാധ്യത കുറയ്ക്കാന് ചായ കുടിക്കുന്നത് വഴി സാധിക്കും എന്നാണ് 2020 ലെ അഡ്വാന്സസ് ഇന് ന്യൂട്രീഷന് പഠനത്തില് പ്രസിദ്ധീകരിച്ച ഡാറ്റ സൂചിപ്പിക്കുന്നത്. ഓറല് ക്യാന്സര് വരുന്നത് തടയാന് ചായ കുടിക്കുന്നത് കാരണമാകും എന്നാണ് പഠനത്തില് പറയുന്നത്. ആന്റിഓക്സിഡന്റ് ഗുണങ്ങളുള്ള ചായയിലെ പോളിഫെനോള്, ക്യാന്സര് വികസനത്തിന് കാരണമാകുന്ന കോശങ്ങളുടെ വളര്ച്ചയെ തടയും.
തലച്ചോറിന്റെ ആരോഗ്യത്തെ സംരക്ഷിക്കാന് ഗ്രീന് ടീയില് അടങ്ങിയിരിക്കുന്ന എല്-തിയനൈന് എന്ന അമിനോ ആസിഡ് സസഹായിക്കും. ജേണല് ഓഫ് മെഡിസിനല് ഫുഡ് 2021-ല് പ്രസിദ്ധീകരിച്ച പഠനമനുസരിച്ച്, ചായയില് കാണപ്പെടുന്ന എല്-തിയനൈന് ശ്രദ്ധ മെച്ചപ്പെടുത്തുന്നതിനും ഓര്മശക്തി വര്ദ്ധിപ്പിക്കുന്നതിനും സഹായിക്കും എന്നാണ് പറയപ്പെടുന്നത്.
ബ്ലാക്ക്, ഗ്രീന് ടീകളില് പോളിഫെനോള് ധാരാളം അടങ്ങിയിട്ടുണ്ട്. 2020-ല് ഫ്രോണ്ടിയേഴ്സ് ഇന് ഇമ്മ്യൂണോളജിയില് നടത്തിയ ഒരു അവലോകനം പ്രകാരം ഇവ രോഗപ്രതിരോധ ആരോഗ്യത്തെ സഹായിക്കും. ചായ ആന്റി-ഇന്ഫ്ലമേറ്ററി ഗുണങ്ങളുള്ള സംയുക്തങ്ങളാല് സമ്പുഷ്ടമാണ് ഇത് രോഗപ്രതിരോധശേഷിയെ മെച്ചപ്പെടുത്തും.
പ്രതിദിനം രണ്ടോ അതിലധികമോ കപ്പ് കുടിക്കുന്നവരില് മരണ സാധ്യത 13% കുറയ്ക്കുന്നു എന്നാണ് 2022-ലെ അന്നല്സ് ഓഫ് ഇന്റേണല് മെഡിസിനല് പഠനം കാണിക്കുന്നത്. ചായ കുടിക്കുന്നത് ഹൃദയ സംബന്ധമായ അസുഖങ്ങള്, ഇസ്കെമിക് ഹൃദ്രോഗം, സ്ട്രോക്ക് എന്നിവ വഴിയുള്ള മരണത്തില് നിന്ന് രക്ഷതേടാന് സഹായിക്കുന്നു. ശരീരത്തിലെ ജലാംശം നിലനിര്ത്താന് ചായ സ്ഥിരം, കുടിക്കുന്നത് വഴി സാധിക്കുന്നു. ശരീര താപനില നിയന്ത്രിക്കാനും ദഹനം ക്രമമായി നിലനിര്ത്താനും ഇത് സഹായിക്കും.
-
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
'ഇന്ന് എനിക്ക് ഫ്ലാറ്റ് ഉണ്ട്, ആഡംബര വാഹനങ്ങളുണ്ട്, ഇതൊക്കെയും എന്റെ കഴിവ് കൊണ്ട് നേടിയെടുത്തത്'; അഖിൽ മാരാർ -
പിണറായിയുടേത് 'സംഘി ക്യാബിനറ്റ്'! പിഷാരടിയെ തൊട്ടാൽ വിവരം അറിയും; ആഞ്ഞടിച്ച് ഷാഫി പറമ്പിൽ -
യുഎസ്-ഇറാൻ നേരിട്ടുള്ള ചർച്ചകൾക്ക് വേദിയാവാൻ ഇസ്ലാമാബാദ്; മധ്യസ്ഥ ശ്രമങ്ങളുമായി ഈജിപ്തും തുർക്കിയും -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
'വരത്തന്' അല്ല, നിങ്ങളില് ഒരുവന് വിജയ്; പേരമ്പൂരില് കോടികള് ചെലവിട്ട് വീട്, സര്വെ ഫലം തിരിച്ചടി -
മോഹൻലാലുമായുള്ള മുഖ്യമന്ത്രിയുടെ അഭിമുഖത്തിന് ചിലവായത് ലക്ഷങ്ങൾ! ഉപയോഗിച്ചത് സർക്കാർ ഫണ്ട് -
യുപിയിൽ പാക് ചാരശൃംഖല തകർത്തു; 22 പേർ പിടിയിൽ, പുറത്തുവരുന്നത് ഞെട്ടിക്കുന്ന വിവരങ്ങൾ
Click it and Unblock the Notifications
Sign in with Google