ചക്ക ധൈര്യമായി കഴിച്ചോളൂ, ചര്മ്മം വെട്ടിത്തിളങ്ങും; എണ്ണിയാലൊടുങ്ങാത്ത ഗുണങ്ങള് വേറേയും
ചക്കയുടെ മണമോ അതിന്റെ വ്യതിരിക്തമായ രൂപമോ കാരണം മനംമടുത്തവരില് ഒരാളാണോ നിങ്ങള്? അതെ എന്നാണ് ഉത്തരം എങ്കില് ആ ചിന്ത മാറ്റാന് നിങ്ങള് വൈകിപ്പോയി എന്നേ പറയാനുള്ളൂ. എല്ലാ പ്രധാന സൂക്ഷ്മ പോഷകങ്ങളും നിറഞ്ഞുനില്ക്കുന്ന ഒരു പോഷക ശക്തികേന്ദ്രമാണ് ചക്ക. മറ്റ് മായങ്ങളൊന്നുമില്ലാത്ത ഈ ഫലം നമ്മളില് പലരുടേയും വീട്ടില് സുലഭമായി ലഭിക്കുന്ന ഒന്നാണ്.
പഴുത്ത ശേഷം പഴുക്കുന്നതിന് മുന്പും ഇത് വിവിധ രൂപത്തില് കഴിക്കാം എന്നതാണ് ഏറ്റവും വലിയ ഹൈലൈറ്റ്. ചക്കയുടെ ഇനി പറയാന് പോകുന്ന ഗുണങ്ങള് ഇത് നിങ്ങളുടെ ഇഷ്ടഭക്ഷണമാക്കി മാറ്റാന് സഹായിക്കും എന്നതില് സംശയമില്ല. ചക്കക്ക് കുറഞ്ഞ ഗ്ലൈസെമിക് സൂചികയാണ് ഉള്ളത്. ഇത് നിങ്ങളുടെ രക്തപ്രവാഹത്തിലെ പഞ്ചസാരയുടെ അളവ് ഉയരുന്നത് തടയാന് സഹായിക്കുന്നു.
ചക്ക വിത്ത് ഭക്ഷണ നാരുകളുടെ നല്ല ഉറവിടമാണ് എന്നാണ് ശ്രീലങ്കയിലെ ശ്രീ ജയവര്ദ്ധനെപുര സര്വകലാശാലയിലെ ഗവേഷകര് പറയുന്നത്. ചക്കയില് ഉയര്ന്ന അളവില് വിറ്റാമിന് സി അടങ്ങിയിട്ടുണ്ട്. ഇത് ക്യാന്സറിനും ഹൃദ്രോഗത്തിനും കാരണമാകുന്ന വീക്കം തടയാന് സഹായിക്കും. മേരിലാന്ഡിലെ നാഷണല് ഇന്സ്റ്റിറ്റ്യൂട്ട് ഓഫ് ഹെല്ത്തില് നടത്തിയ ഒരു പഠനത്തില്, പഴങ്ങളും പച്ചക്കറികളും അടങ്ങിയ ഭക്ഷണക്രമം ആരോഗ്യത്തിന് നല്ലതാണ് എന്ന് കണ്ടെത്തിയിരുന്നു.
ഹൃദയ സംബന്ധമായ അസുഖങ്ങള്, സ്ട്രോക്ക്, ക്യാന്സര് എന്നിവയുടെ അപകടസാധ്യത കുറയ്ക്കാനും ഇത് ഫലപ്രദമാണ് എന്ന് കണ്ടെത്തിയിരുന്നു. നിങ്ങള് ഉയര്ന്ന രക്തസമ്മര്ദ്ദ പ്രശ്നമുള്ള ഒരാളാണെങ്കില് ചക്ക നല്ലതാണ്. ചക്കയില് ഫ്ലേവനോണുകള് ധാരാളം അടങ്ങിയിട്ടുണ്ട്. ഇത് രക്തസമ്മര്ദ്ദം കുറയ്ക്കാന് മാത്രമല്ല, രക്തത്തിലെ പഞ്ചസാരയുടെയും കൊളസ്ട്രോളിന്റെയും അളവ് സാധാരണ പരിധിക്കുള്ളില് നിലനിര്ത്താന് സഹായിക്കുന്നു.
പ്രമേഹം സ്വാഭാവികമായി നിയന്ത്രിക്കാന് ജീവിതശൈലിയിലെ ചില മാറ്റങ്ങള് നിങ്ങളെ ഒരുപാട് മുന്നോട്ട് പോകാന് സഹായിക്കും. ടൈപ്പ്-2 പ്രമേഹത്തെ അകറ്റി നിര്ത്താന് നിങ്ങള്ക്ക് ഭക്ഷണക്രമത്തില് ചില മാറ്റങ്ങള് കൊണ്ടുവരാം. ഉദാഹരണത്തിന്, നിങ്ങളുടെ ദൈനംദിന ഭക്ഷണത്തില് ചക്ക ഉള്പ്പെടുത്തുന്നത് ടൈപ്പ്-2 പ്രമേഹം, ഹൃദ്രോഗം തുടങ്ങിയ വിട്ടുമാറാത്ത രോഗങ്ങളുടെ അപകടസാധ്യത കുറയ്ക്കും.
ഇതില് അടങ്ങിയിരിക്കുന്ന കരോട്ടിനോയിഡുകളാണ് ഇതിന് കാരണം. ചക്കയിലെ ഉയര്ന്ന വിറ്റാമിന് എ, സി എന്നിവയുടെ ഉള്ളടക്കം നിരവധി രോഗങ്ങളെ തടയുകയും നിങ്ങളുടെ പ്രതിരോധശേഷി വര്ധിപ്പിച്ച് വൈറല് അണുബാധയ്ക്കുള്ള സാധ്യത കുറയ്ക്കുകയും ചെയ്യുന്നു. വിറ്റമിന് സി പോലുള്ള പോഷകങ്ങളും ആന്റിഓക്സിഡന്റുകളും കൂടുതലായതിനാല് ചര്മ്മത്തിന്റെ ആരോഗ്യം മെച്ചപ്പെടുത്താനും ഇതിന് കഴിയും.
-
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി -
'വിനീതാണ് അമ്മയ്ക്ക് മൊബൈൽ ഫോൺ വാങ്ങിച്ചു കൊടുത്തത്, അത് എനിക്ക് പാരയായി';എം മോഹനൻ്റെ കുറിപ്പ് -
ശനിയും സൂര്യനും ഒന്നിക്കുന്നു; ഈ നക്ഷത്രക്കാരുടെ ഭാഗ്യം തെളിയും, കടം കൊടുത്ത പണം കിട്ടും, പ്രണയം പൂവണിയും! -
ആഗ്രഹിക്കുന്നതെല്ലാം നടക്കും... ഈ രാശിക്കാരുടെ ശുക്രനുദിച്ചു, നിങ്ങളുമുണ്ടോ? -
'പക്വത ഇല്ല,ഭർത്താവിനുള്ള പിന്തുണ തനിക്കും കിട്ടുമെന്ന തെറ്റിധാരണ,ആര്യ രാജേന്ദ്രന് വിനയായത് ഇതൊക്കെ' -
വീണ്ടും ലോക്ക്ഡൗണോ? വ്യക്തത വരുത്തി കേന്ദ്ര സര്ക്കാര്, എന്തും നേരിടാന് സജ്ജം -
യുഎഇയിൽ വ്യാപകമായ മഴ, കൂട്ടിന് ഇടിമിന്നലും ശക്തമായ കാറ്റും; കാരണം ന്യൂനമർദ്ദം, ഡ്രൈവർമാർ ജാഗ്രത! -
10 എണ്ണ ടാങ്കറുകൾ ഹോർമുസ് വഴി കടത്തിവിട്ടു; ഇറാൻ്റെ 'രഹസ്യ സമ്മാനം',വെളിപ്പെടുത്തി ട്രംപ് -
എല്ലാ ആഴ്ചയിലും ഒരു ഗ്രാം പൊന്ന്! കൊച്ചിക്കാരെ പോലെ സ്വര്ണം വാങ്ങി നോക്കിയാലോ? -
പെന്ഷന് 25740 രൂപയായി വര്ധിക്കും? 186% വര്ധനവ്, ശമ്പള കമ്മീഷന് ശുപാര്ശ ഇങ്ങനെയോ? -
കൊടുവള്ളിയിൽ പികെ ഫിറോസിന് കാര്യങ്ങൾ എളുപ്പമാവില്ല; സലീം മടവൂർ തിളങ്ങുമോ? 13 സ്ഥാനാർത്ഥികൾ രംഗത്ത്
Click it and Unblock the Notifications
Sign in with Google