ചെമ്പരത്തി മുതൽ നെല്ലിക്ക വരെ; മുടി വേഗത്തിൽ വളരണമെങ്കിൽ ഇതൊന്ന് പരീക്ഷിച്ച് നോക്കൂ
മുട്ടോളം മുടി വേണമെന്ന് ആഗ്രഹിക്കാത്തവർ കുറവായിരിക്കും. മുടി നമ്മുടെ സൗന്ദര്യത്തിൽ പ്രധാന പങ്കുവഹിക്കുന്ന ഒന്നാണ്. നല്ല കറുത്ത നിറത്തിൽ നീണ്ടുകിടക്കുന്ന കട്ടിയുള്ള മുടി തന്നെയായിരിക്കും ഭൂരിഭാഗം പേരും ആഗ്രഹിക്കുന്നത്. മുടി വളരാൻ വേണ്ടി പല പല വഴികൾ നിങ്ങളും പരീക്ഷിച്ച് കാണില്ലേ, എന്നിട്ടും ഫലം ഒന്നും ഉണ്ടായിട്ടില്ലെങ്കിൽ ഇനി പറയുന്ന വഴികൾ പരീക്ഷിച്ച് നോക്കൂ, മുടി വളരെ വേഗത്തിൽ വളരും.
നിങ്ങളുടെ മുടി നീളത്തിലും ആരോഗ്യത്തിലും വളരണമെങ്കിൽ ശരിയായ പരിചരണം വേണം. മുടി വളർച്ചയെ ഉത്തേജിപ്പിക്കുകയും തലയോട്ടിയുടെ ആരോഗ്യം മെച്ചപ്പെടുത്തുകയും മുടിയെ ശക്തിപ്പെടുത്തുകയും ചെയ്യുന്ന ഗുണങ്ങളുള്ള ചില സസ്യങ്ങളെക്കുറിച്ചാണ് പറയുന്നത്. വിശദമായി അറിയാം..
നെല്ലിക്ക: ആയുർവേദത്തിൽ മുടിയുടെ സംരക്ഷണത്തിന് സഹായിക്കുന്ന ഒന്നായാണ് നെല്ലക്കയെ കാണുന്നത്. വിറ്റാമിൻ സി, ആന്റി ഓക്സിഡന്റുകൾ എന്നിവയാൽ സമ്പന്നമാണ് നെല്ലിക്ക. ഇത് രോമകൂപങ്ങളെ ശക്തിപ്പെടുത്തി മുടി വളർച്ചയെ പ്രോത്സാഹിപ്പിക്കുകയും അകാല നര തടയുകയും ചെയ്യുന്നു. നിങ്ങൾക്ക് നെല്ലിക പല വിധത്തിൽ ഉപയോഗിക്കാം. എണ്ണയായോ പൊടിയായോ ചായയായോ നെല്ലിക്ക ഉപയോഗിക്കാം.
ഭൃംഗരാജ്: മുടി വളർച്ചയ്ക്ക് സഹായിക്കുന്ന "ഔഷധങ്ങളുടെ രാജാവ്" എന്നറിയപ്പെടുന്ന ഭൃംഗരാജ് എണ്ണ അല്ലെങ്കിൽ പൊടി മുടി വളർച്ചയെ ഉത്തേജിപ്പിക്കുകയും മുടി കൊഴിച്ചിൽ കുറയ്ക്കുകയും ചെയ്യുന്നു.
ഇത് തലയോട്ടിയെ പോഷിപ്പിക്കുകയും രക്ത ചംക്രമണം മെച്ചപ്പെടുത്തുകയും ചെയ്യും. രോമ കൂപങ്ങളെ ശക്തിപ്പെടുത്തുകയും ആരോഗ്യകരവും വേഗത്തിൽ ഉള്ളതുമായ മുടി വളർച്ചയെ പ്രോത്സാഹിപ്പിക്കുകയും ചെയ്യും.
ഉലുവ: ഉലുവയിൽ പ്രോട്ടീനും നിക്കോട്ടിനിക് ആസിഡും ധാരാളം അടങ്ങിയിട്ടുണ്ട്. ഇത് മുടി വളർച്ചയ്ക്ക് ഗുണം ചെയ്യും. അവ രോമകൂപങ്ങളെ ശക്തിപ്പെടുത്തുകയും പൊട്ടുന്നത് തടയുകയും ചെയ്യും. മുടിക്ക് തിളക്കവും ഉണ്ടാകും. ഉലുവ ഒരു രാത്രി മുഴുവൻ കുതിർത്ത് അരച്ച് പേസ്റ്റ് രൂപത്തിലാക്കി മുടിയിൽ തേച്ച് കഴുകാം.
ചെമ്പരത്തി: ചെമ്പരുത്തി പൂക്കളിലും ഇലകളിലും വിറ്റാമിനുകളും അമിനോ ആസിഡുകളും അടങ്ങിയിട്ടുണ്ട്. ഇത് മുടിയെ പോഷിപ്പിക്കുകയും മുടിയുടെ വളർച്ച പ്രോത്സാഹിപ്പിക്കുകയും ചെയ്യും.
മുടി കൊഴിച്ചിലും തടയും. ഇതിന്റെ സ്വാഭാവിക കണ്ടീഷനിംഗ് ഗുണങ്ങൾ മുടിയെ മൃദുവാക്കുകയും ചെയ്യും. വേഗത്തിലുള്ള മുടി വളർച്ചെ പ്രോത്സാഹിപ്പിക്കുന്നതിന് ഹെയർ മാസ്ക്കുകൾ, എണ്ണകൾ എന്നീ രൂപത്തിൽ ചെമ്പരത്തി ഉപയോഗിക്കാം.
Click it and Unblock the Notifications
Sign in with Google