തൈരും ഉലുവയും.. കര്പ്പൂരവും വെളിച്ചെണ്ണയും; താരന് കളയാന് ഏതാണ് ബെസ്റ്റ്?
ഇന്നത്തെ കാലത്ത് മുടികൊഴിച്ചില് ഭൂരിഭാഗം പേരുടേയും ഒരു സാധാരണ പ്രശ്നമായി മാറിയിരിക്കുന്നു. മാറിയ ജീവിതശൈലി, കേശസംരക്ഷണത്തിലെ അപാകത, മലിനീകരണം, കാലാവസ്ഥ തുടങ്ങി നിരവധി കാരണങ്ങളാല് മുടികൊഴിച്ചില് സംഭവിക്കാറുണ്ട്. എങ്കിലും പലരിലും പൊതുവായി കാണുന്ന താരനും മുടികൊഴിച്ചിലിന് വലിയ സംഭാവന നല്കുന്നുണ്ട്. താരന് ഇല്ലാതായാല് മുടികൊഴിയുന്നതും നിയന്ത്രിക്കാന് പറ്റും.
ഇന്ന് വിപണിയില് പലതരത്തിലുള്ള കേശസംരക്ഷണ മാര്ഗങ്ങള് ലഭ്യമാണ്. എന്നാലും ആളുകള്ക്ക് പ്രകൃതിദത്ത പരിഹാരങ്ങളോടുള്ള താല്പര്യത്തിന് കുറവൊന്നുമില്ല. രാസപദാര്ത്ഥങ്ങള് അടങ്ങിയ വസ്തുക്കളേക്കാള് പാര്ശ്വഫലങ്ങള് കുറവുള്ള പ്രകൃതിദത്ത മാര്ഗങ്ങള് പരീക്ഷിക്കാനായിരിക്കും പലര്ക്കും പൊതുവെ താല്പര്യം. ഈ അവസരത്തില് പൊതുവെ താരന് അകറ്റാന് ഉപയോഗിച്ച് വരുന്ന ചില ഉപാധികള് എന്തൊക്കെയാണ് എന്ന് നോക്കാം.
താരന് അകറ്റാന് പണ്ട് തൊട്ടെ കടുകെണ്ണ ഉപയോഗിക്കാറുണ്ട്. കടുകെണ്ണയും നാരങ്ങാ നീരും ചേര്ന്ന മിശ്രിതം തലയില് തേക്കുന്നത് താരനെ അകറ്റുകയും നിങ്ങളുടെ മുടിക്ക് കൂടുതല് തിളക്കം സമ്മാനിക്കുകയും ചെയ്യും. എന്നാല് ഈ ചികിത്സയുടെ ഒരേയൊരു പോരായ്മ എണ്ണമയം കളയാന് നിങ്ങളുടെ മുടി രണ്ടോ മൂന്നോ തവണ ഷാംപൂ ചെയ്യേണ്ടതായി വന്നേക്കാം എന്നതാണ്.
സുപ്രധാന ധാതുക്കളും പോഷകങ്ങളും കൊണ്ട് സമ്പുഷ്ടമായ മുള്ട്ടാണി മിട്ടിയയും കേശസംരക്ഷണത്തിന് ഉപയോഗിക്കാം. ഇത് എല്ലാ തരത്തിലുമുള്ള അടരുകളുള്ള മുടിയും താരനും ഒഴിവാക്കി നിങ്ങളുടെ തലയോട്ടിയെ ആരോഗ്യത്തോടെ നിലനിര്ത്തുന്നു. മുടിയുടെ വികസനം പ്രോത്സാഹിപ്പിക്കാന് നിങ്ങളുടെ ഫോളിക്കിളുകളെ ശക്തിപ്പെടുത്തുന്നതിനും ഇത് സഹായിക്കുന്നു.
മുള്ട്ടാണി മിട്ടി മുടിയിലെ രാസവസ്തുക്കള് ഒഴിവാക്കി ശുദ്ധീകരിക്കുന്നു. ഇത് ഉപയോഗിക്കുന്നത് നിങ്ങളുടെ തലയോട്ടിയിലെ താരന്, എക്സിമ എന്നിവ തടയാന് സഹായിക്കുന്നു, ഇത് ആരോഗ്യകരമായ മുടി വളര്ച്ചയെ പ്രോത്സാഹിപ്പിക്കുന്നു. ആര്യവേപ്പും താരനെതിരെ പോരാടാന് നിങ്ങള്ക്ക് സഹായകമാകും. വേപ്പ് സത്തില് ആന്റി ബാക്ടീരിയല്, ആന്റിസെപ്റ്റിക്, പുനരുല്പ്പാദനം, പുനര്നിര്മ്മാണ ഗുണങ്ങള് ഉണ്ടെന്ന് പറയപ്പെടുന്നു.
വേപ്പിന്റെ ആന്റി ബാക്ടീരിയല്, ആന്റിഫംഗല് ഗുണങ്ങള്, താരന്, വരണ്ട തലയോട്ടി, തലയോട്ടിയിലെ അണുബാധകള് എന്നിവ ഇല്ലാതാക്കും എന്നാണ് ആയുര്വേദത്തില് പറഞ്ഞിരിക്കുന്നത്. ആന്റിഓക്സിഡന്റുകള്, ഫാറ്റി ആസിഡുകള്, വിറ്റാമിന് ഇ, മറ്റ് സുപ്രധാന ഘടകങ്ങള് എന്നിവയാല് സമ്പന്നമായ ഇതിന് താരന് അകറ്റാനും മുടികൊഴിച്ചില് തടയാനും കഴിയും. ടീ ട്രീ ഓയിലും താരന് അകറ്റാന് നിങ്ങളെ സഹായിക്കും.
താരന് ഉണ്ടാക്കുന്ന ഫംഗസിന്റെ വളര്ച്ച കുറയ്ക്കാനും താരനെ പോഷിപ്പിക്കുന്ന കൊഴുപ്പിനെ ഇല്ലാതാക്കാനും ഇതിന് കഴിയും. തലയോട്ടിയിലെ ചൊറിച്ചിലിനെ ഇല്ലാതാക്കാനും ടീ ട്രീ ഓയിലിന്റെ ആന്റി ഇന്ഫ്ലമേറ്ററി ഗുണങ്ങള് സഹായിക്കും. വെളിച്ചെണ്ണയ്ക്കൊപ്പം കര്പ്പൂരം ചേര്ത്ത് തേക്കുന്നതും താരനെതിരെ പോരാടാന് നിങ്ങള്ക്ക് സഹായകമാകും.
താരനുള്ള ഒരു സാധാരണ പ്രതിവിധിയാണ് തൈരും ഉലുവയും ചേര്ത്തുള്ള മിശ്രിതം. ഇത് നിങ്ങളുടെ തലയോട്ടി വൃത്തിയാക്കുകയും ചൊറിച്ചില് കുറയ്ക്കുകയും ഒരേസമയം ഈര്പ്പമുള്ളതാക്കുകയും ചെയ്യും. ഇതിനായി നിങ്ങള് ഉലുവ കുതിര്ത്ത് പേസ്റ്റാക്കി പൊടിച്ച് തൈരില് കലര്ത്തണം. ഇത് തലയോട്ടിയില് പുരട്ടിയ ശേഷം അരമണിക്കൂറോളം ഇരിക്കട്ടെ. പിന്നീട് ഷാംപു ഉപയോഗിച്ച് ഇത് നന്നായി കഴുകി കളയാം.
Click it and Unblock the Notifications
Sign in with Google