ഉള്ളി മുതല് തേങ്ങാപ്പാല് വരെ; മുടി കൊഴിച്ചില് ഒറ്റയടിക്ക് മാറ്റാം, ഇതൊന്ന് പരീക്ഷിച്ചാലോ..!
ഇന്നത്തെ കാലത്ത് എല്ലാവരും നേരിടുന്ന ഏറ്റവും സാധാരണമായ പ്രശ്നങ്ങളിലൊന്നാണ് മുടി കൊഴിച്ചില്. കെമിക്കല് ഹെയര് ട്രീറ്റ്മെന്റുകള്, സമ്മര്ദ്ദം, ഭക്ഷണ ക്രമം എന്നിവ കാരണമാണ് മിക്ക മുടി കൊഴിച്ചിലുകളും സംഭവിക്കുന്നത്. കൂടാതെ വെള്ളത്തിന്റെയും വായുവിന്റെയും ഗുണനിലവാരവും മുടിയുടെ ആരോഗ്യത്തെ സ്വാധീനിക്കും. വായുവിന്റെ ഗുണ നിലവാരം നിങ്ങളുടെ തലയോട്ടിയെ കുഴപ്പത്തിലാക്കുകയും വീക്കം, ചൊറിച്ചില് എന്നിവ ഉണ്ടാക്കുകയും ചെയ്യും.
ഇത് നിങ്ങളുടെ മുടിയെ ദുര്ബലമാക്കുകയും മുടി കൊഴിച്ചില് പ്രശ്നങ്ങളിലേക്ക് നയിക്കുകയും ചെയ്യും. ചില സമയങ്ങളില് നിങ്ങളുടെ തലമുടി മങ്ങിയതും പൊട്ടുന്നതും പരുക്കനും ആയി തോന്നാന് കാരണം ഇതാണ്. സമ്മര്ദ്ദം അകാല നരയ്ക്ക് കാരണമാകാം. മനസ് ശാന്തമായിരിക്കാന് ഒരാള്ക്ക് യോഗയോ ധ്യാനമോ പരീക്ഷിക്കാവുന്നതാണ്. എങ്കിലും മുടി പരിപാലനം ഏറ്റവും കൃത്യതയോടെ ചെയ്യേണ്ടുന്ന ഒന്ന് തന്നെയാണ്.
മുടിയുടെ ഗുണ നിലവാരം മെച്ചപ്പെടുത്താനും നിലനിര്ത്താനും മുടിക്ക് തിളക്കവും മൃദുത്വവും ആരോ്യവും ലഭിക്കാന് സഹായിക്കുന്ന ചില പ്രകൃതിദത്തമായ പരിഹാരങ്ങളെ കുറിച്ചാണ് ഇനി പറയാന് പോകുന്നത്. വീട്ടിലിരുന്ന് തന്നെ പരീക്ഷിക്കാവുന്ന ഈ മാര്ഗങ്ങള് ഏതൊക്കെയാണ് എന്നല്ലേ?
ഉള്ളി നീര്
മുടി സംരക്ഷണത്തിന്റെ കാര്യത്തില് ഉള്ളി നീര് ഒരു സൂപ്പര് ഹീറോ ആണ്. ആന്റി ബാക്ടീരിയല് ശക്തികളാല് നിറഞ്ഞിരിക്കുന്ന ഇത് അണുബാധയ്ക്കെതിരെ പോരാടുന്നതിലും രക്ത ചംക്രമണം വര്ധിപ്പിക്കുന്നതിലും ഏറ്റവും ഫലപ്രദമായ ചേരുവകളിലൊന്നാണ്. ഇത് മുടി കൊഴിച്ചില് തടയുന്നു. നിങ്ങള്ക്ക് വീട്ടില് തന്നെ ഉണ്ടാക്കുന്ന ഉള്ളി നീര് നേരിട്ട് തലയില് പുരട്ടാം. അല്ലെങ്കില് വെളിച്ചെണ്ണയില് കലര്ത്തി ആഴ്ചയില് ഒരിക്കല് പുരട്ടാം.
തേങ്ങാപ്പാല്
നാളികേര ഉല്പ്പന്നങ്ങള് ചര്മ്മത്തിനും മുടിക്കും ഒരു രക്ഷകനാണ്. തേങ്ങാപ്പാല് ജലാംശം നല്കുന്ന ഒന്നാണ്. മൃദുവായ വെളിച്ചെണ്ണയുമായി കലര്ത്തുമ്പോള് നിങ്ങളുടെ രോമകൂപങ്ങളെ ജീവസുറ്റതാക്കാന് ഇതിന് സാധിക്കും. മിശ്രിതം നിങ്ങളുടെ മുടിയുടെ വേരുകളില് മസാജ് ചെയ്ത് 10 മിനിറ്റ് നില്ക്കട്ടെ. അതിന് ശേഷം കഴുകി കളയുക. നല്ല ആരോഗ്യമുള്ള തിളങ്ങുന്നതും മെലിഞ്ഞതുമായ മുടി ലഭിക്കും.
ആപ്പിള് സിഡെര് വിനെഗര്
സാധാരണയായി നിങ്ങളുടെ രോമകൂപങ്ങളെ കുഴപ്പിക്കുന്ന മുടിയിലെ അഴുക്കും മറ്റും കളയുന്നതിന് ആപ്പിള് സിഡെര് വിനെഗറില് നിങ്ങളുടെ ഹെയര് ഓയില് ഒഴിച്ച് ആഴ്ചയില് ഒന്നോ രണ്ടോ തവണ 10 മിനിറ്റ് മസാജ് ചെയ്യാം. അഴുക്കും അണുക്കളും നല്ല എണ്ണകളെ അകത്തേക്ക് കടക്കുന്നത് തടയുന്നു. ആപ്പിള് സിഡെര് വിനെഗറും വെള്ളവും എണ്ണയും ചേര്ത്ത് മുടിയും തലയോട്ടിയും നന്നാക്കും. ഇത് മുടി വളര്ച്ചയെ സഹായിക്കും.
ഒലിവ് ഓയില്
ഒലീവ് ഓയില് പ്രധാനമായും ആന്റി ഓക്സിഡന്റുകളും ഫാറ്റി ആസിഡുകളും അടങ്ങിയതാണ്. ഇത് രോമകൂപങ്ങളെ ശക്തിപ്പെടുത്തുന്നതിനുള്ള ശക്തി കേന്ദ്രമാണ്. ഇത് ആഴ്ചയില് ഒന്നോ രണ്ടോ തവണ ഉപയോഗിച്ചാല് തലയോട്ടിക്ക് ആശ്വാസം നല്കുകയും മുടി വളര്ച്ചയുടെ ശക്തി വര്ധിപ്പിക്കുകയും ചെയ്യുന്നു. ഇതിനൊപ്പം നിങ്ങള്ക്ക് ആവണക്കെണ്ണയോ റോസ്മേരി ഓയിലോ ചേര്ക്കാം. ഇത് നിങ്ങളുടെ മുടിക്ക് തിളക്കവും നീളവും നല്കും.
കറിവേപ്പിലയും വെളിച്ചെണ്ണയും
കറിവേപ്പില വെളിച്ചെണ്ണയുമായി സംയോജിപ്പിക്കുമ്പോള് മുടി വളര്ച്ച വര്ധിപ്പിക്കുമെന്ന് പറയപ്പെടുന്നു, കാരണം അവ പ്രോട്ടീന് നഷ്ടം കുറയ്ക്കുകയും മുടി കൊഴിച്ചില് പ്രശ്നങ്ങള് കുറയ്ക്കുകയും ചെയ്യുന്നു. നിങ്ങള് ഒരു പിടി കറിവേപ്പില വെളിച്ചെണ്ണയില് ചൂടാക്കുക. പിന്നീട് ഇളം ചൂടിലേക്ക് തണുപ്പിക്കുക. ആഴ്ചയില് ഒരിക്കല് നിങ്ങളുടെ ഇഴകളിലും തലയോട്ടിയിലും പുരട്ടുക. 15 മിനിറ്റിന് ശേഷം നല്ല ഷാംപൂവും കണ്ടീഷണറും ഉപയോഗിച്ച് കഴുകിക്കളയാം.
Click it and Unblock the Notifications
Sign in with Google