മുടി ചകിരി പോലെ ആയോ? തേങ്ങാപ്പാലും, തേനും, ചെറുനാരങ്ങയുമുണ്ടോ? പരിഹാരം വീട്ടൽ തന്നെ ഉണ്ട്..
നിങ്ങളുടെ മുടിക്ക് തേങ്ങാപ്പാൽ ഉപയോഗിക്കുന്നത് നല്ലതാണെന്ന് അറിയാമോ? മിക്ക ആളുകൾക്കും തേങ്ങാപ്പാൽ ഭക്ഷണത്തിൽ പോഷകപ്രദവും രുചികരവുമായ ഒരു കൂട്ടിച്ചേർക്കലാണെന്ന് അറിയാവുന്ന കാര്യമാണ്. എന്നാൽ , മുടിയുടെ ആരോഗ്യം വർദ്ധിപ്പിക്കാൻ ഇത് ഉപയോഗിക്കാമെന്ന് കുറച്ച് പേർക്ക് മാത്രമേ അറിയാവുള്ളൂ.
തേങ്ങാപ്പാലിൽ പ്രോട്ടീൻ, കൊഴുപ്പ്, കാൽസ്യം, സോഡിയം, ഫോസ്ഫറസ്, ഇരുമ്പ്, പൊട്ടാസ്യം എന്നിവയുണ്ട്. ഇതിൽ സിങ്ക്, വിറ്റാമിൻ ബി 12, വിറ്റാമിൻ ഇ എന്നിവയും ഉണ്ട്. ഈ ഘടകങ്ങൾ തേങ്ങാപ്പാൽ മുടിക്ക് വളരെയധികം ഗുണം ചെയ്യും.
നിങ്ങളുടെ മുടിയിൽ തേങ്ങാപ്പാൽ ഉപയോഗിക്കുന്നതിനുള്ള ചില ടിപ്പുകൾ: ശുദ്ധമായ തേങ്ങാപ്പാൽ നിങ്ങളുടെ മുടിക്ക് ധാരാളം ഗുണങ്ങളാണ് നൽകുന്നത്. നിങ്ങളുടെ മുടിയിൽ തേങ്ങാപ്പാൽ എങ്ങനെ ഉപയോഗിക്കാമെന്ന് നോക്കിയാലോ..
നിങ്ങളുടെ ഹെയർ മാസ്കായി തേങ്ങാപ്പാൽ ഉപയോഗിക്കാം: മുടി വളർച്ചയെ പ്രോത്സാഹിപ്പിക്കുന്നതിനായി മിക്ക ആളുകളും തേങ്ങാപ്പാൽ ഒരു ഹെയർ മാസ്കായി ഉപയോഗിക്കുന്നുണ്ട്.. ഹെയർ മാസ്ക്ക് തയ്യാറാക്കാൻ, തേങ്ങാപ്പാൽ നാലിലൊന്ന് ചൂടാക്കി ചെറുതായി ചൂടാകുമ്പോൾ തലയോട്ടിയിൽ മസാജ് ചെയ്യുക. പത്തുമിനിറ്റ് സൗമ്യമായി ചെയ്യുക. കൂടാതെ, നിങ്ങളുടെ മുടിയുടെ അറ്റത്ത് പുരട്ടി പാൽ കണ്ടീഷണറായും ഉപയോഗിക്കാം. ആഴ്ചയിൽ ഒരു ദിവസം ചെയ്താൽ മതി.
തേനും തേങ്ങാപ്പാലും ഉപയോഗിച്ച് ഒരു ഹെയർ മാസ്ക് തയ്യാറാക്കുക: തേൻ ഒരു പ്രകൃതിദത്ത ഹെയർ കണ്ടീഷണറാണ്. നിങ്ങളുടെ ഇഴകളിൽ ഈർപ്പം നിലനിർത്താൻ തേൻ സഹായിക്കുന്നു. തേങ്ങാപ്പാലുമായി തേൻ സംയോജിപ്പിക്കുമ്പോൾ മുടിയുടെ ആരോഗ്യത്തിന് ഗുണം ചെയ്യുന്ന അനുയോജ്യമായ ഒരു ഹെയർ മാസ്ക് സൃഷ്ടിക്കുന്നു. ആറ് ടേബിൾസ്പൂൺ തേങ്ങാപ്പാലും മൂന്ന് ടീസ്പൂൺ തേനും ആണ് ഈ മാസ്ക്ക് തയ്യാറാക്കാൻ ആവശ്യം . ഒരു പാത്രത്തിൽ ചേരുവകൾ മിക്സ് ചെയ്യുക. മുടിയിലും തലയോട്ടിയിലും മസാജ് ചെയ്യുക. 20- 30 മിനിറ്റ് അങ്ങനെ തന്നെ വെയ്ക്കാം. വരണ്ട പോയ മുടിക്ക് ഇത് നല്ലതാണ്.
നാരങ്ങാനീരും തേങ്ങാപ്പാലും ഉപയോഗിച്ച് ഹെയർ മാസ്ക് ഉണ്ടാക്കാവുന്നതാണ്: എണ്ണമയമുള്ള തലയോട്ടിയാണോ എങ്കിൽ തേങ്ങാപ്പാലിൽ നാരങ്ങാനീര് കലർത്തി ഹെഹയർ മാസ്ക് തയ്യാറാക്കാം . നാല് ടേബിൾസ്പൂൺ ശുദ്ധമായ തേങ്ങാപ്പാലിൽ രണ്ട് ടീസ്പൂൺ നാരങ്ങാനീര് കലർത്തുക. ചേരുവകൾ നന്നായി കലർത്തി നാല് മണിക്കൂർ ഫ്രിഡ്ജിൽ വയ്ക്കുക. അതിന് ശേഷം ഇത് മുടിയിൽ പുരട്ടു. 40 മുതൽ 50 മിനിറ്റ് വരെ അങ്ങനെ ഇരിക്കട്ടെ. ശേഷം കഴുകിക്കളയാം.
Click it and Unblock the Notifications
Sign in with Google