ഒറ്റയടിക്ക് മുടികൊഴിച്ചില് നില്ക്കണോ..? വീട്ടില് തന്നെയുണ്ട് പരിഹാരം, ഫലമുറപ്പ്
മുടികൊഴിച്ചില് എന്നത് ഇന്നത്തെ കാലത്ത് ലോകമെമ്പാടുമുള്ളവര് അഭിമുഖീകരിക്കുന്ന ഒരു സാധാരണ പ്രശ്നമാണ്. ലിംഗ, പ്രായഭേദമില്ലാതെ എല്ലാവരും മുടികൊഴിച്ചില് നിര്ത്താന് ആഗ്രഹിക്കുന്നു. ഓരോ വ്യക്തിക്കും മുടികൊഴിച്ചില് വ്യത്യസ്തമായ രീതിയിലാണ് അനുഭവപ്പെടുന്നത്. അതിനാല് തന്നെ ഇതിനായുള്ള ചികിത്സകളും വ്യത്യസ്തമായിരിക്കും. പല കാരണങ്ങള് കൊണ്ട് മുടികൊഴിച്ചില് അനുഭവപ്പെടാറുണ്ട്.
എങ്കിലും പൊതുവായി നമ്മള് ശ്രദ്ധിക്കേണ്ട ചില കാര്യങ്ങളുണ്ട്. ഇവ നമ്മള് പാലിച്ചാല് മുടികൊഴിച്ചില് വളരെ പെട്ടെന്ന് തന്നെ നിയന്ത്രിച്ച് നിര്ത്താനാകും. ഇന്നത്തെ കാലത്ത് പലവിധത്തിലുള്ള കേശ സംരക്ഷണ മാര്ഗങ്ങള് വിപണിയില് ലഭ്യമാണ്. എന്നാല് ഇവയില് പലതും ചിലര്ക്കെങ്കിലും പാര്ശ്വഫലങ്ങള് സൃഷ്ടിക്കുന്നവയായിരിക്കും. ഇത്തരക്കാര്ക്ക് മുടി കൊഴിച്ചില് നിയന്ത്രിച്ച് നിര്ത്താന് എന്തൊക്കെയാണ് ചെയ്യേണ്ടത് എന്ന് നോക്കാം.
നമ്മള് കഴിക്കുന്ന ഭക്ഷണത്തിലെ പ്രോട്ടീന്റെ അളവ് മുടി എത്ര വേഗത്തില് വളരുന്നു എന്നതിനെ കാര്യമായി സ്വാധീനിക്കുന്നു. ഓരോ വ്യക്തിയുടെയും പ്രോട്ടീന് ഉപഭോഗം പരസ്പരം വ്യത്യസ്തമാണെങ്കിലും ഒരു കിലോഗ്രാം ശരീരഭാരത്തിന് 1 മുതല് 1.6 ഗ്രാം വരെ പ്രോട്ടീന് ആവശ്യമാണ്. ബീന്സ്, പയര്വര്ഗ്ഗങ്ങള്, മുട്ട, മറ്റ് പ്രോട്ടീന് അടങ്ങിയ ഭക്ഷണങ്ങള് എന്നിവ കഴിക്കുന്നത് ദൈനംദിനം പ്രോട്ടീന് ശരീരത്തില് എത്താന് സഹായിക്കും.
ഇടയ്ക്കിടെ മുടി കഴുകുന്നത് മുടിയുടെ സ്വാഭാവിക ഘടനയെയും തിളക്കത്തെയും ബാധിക്കും. മാത്രമല്ല മുടിക്ക് ഇത് മങ്ങിയ രൂപവും നല്കുന്നു. ഓരോ ദിവസവും മുടി കഴുകേണ്ട ആവശ്യമില്ല. ഇടയ്ക്കിടെ മുടി കഴുകുന്നത് വരണ്ടതും നരച്ചതുമായ മുടിക്ക് കാരണമാകും. ഇത് മുടിയില് കേടുപാടുകള് വരുത്താനുള്ള സാധ്യതയും വര്ധിപ്പിക്കുന്നു. മാത്രമല്ല ഇത് മുടിയില് കുരുക്കിന് കാരണമാകും.
സ്വാഭാവികമായി അത് അഴിക്കാന് ചീകുമ്പോള് മുടി പൊട്ടിപ്പോകുന്നതിനും കാരണമാകും. പതിവായി തല മസാജ് ചെയ്യുന്നത് രക്തചംക്രമണം ഗണ്യമായി വര്ധിപ്പിക്കുമെന്ന് തെളിയിക്കപ്പെട്ടിട്ടുണ്ട്. മുടികൊഴിച്ചില് തടയാനുള്ള ഏറ്റവും മികച്ചതും എളുപ്പമുള്ളതുമായ മാര്ഗമാണിത്. മുടി വളര്ച്ച വര്ധിപ്പിക്കുന്നതിന് പുറമേ ഇത് മുടിയുടെ ആരോഗ്യം നിലനിര്ത്തുകയും സമ്മര്ദ്ദം കുറയ്ക്കാന് സഹായിക്കുകയും ചെയ്യുന്നു.
ചൂടുള്ള എണ്ണ ഉപയോഗിച്ച് തലയോട്ടിയില് മസാജ് ചെയ്യുന്നതിന്റെ ഫലം വേഗത്തില് തിരിച്ചറിയാനാകും. അവ മുടിയുടെ പുറംതൊലി അടയ്ക്കുകയും മുടിയെ ശക്തിപ്പെടുത്തുകയും വേരുകളില് നിന്ന് സംരക്ഷിക്കുകയും ചെയ്യുന്നു. മുടി സംരക്ഷണ ഉല്പ്പന്നങ്ങളായ ഷാംപൂ, കണ്ടീഷണര്, മാസ്ക്കുകള്, മറ്റ് സ്റ്റൈലിംഗ് ഉല്പ്പന്നങ്ങള് എന്നിവയുടെ അമിത ഉപയോഗവും മുടികൊഴിച്ചിലിനെ ത്വരിതപ്പെടുത്തും.
ഇത്തരം ഉല്പ്പന്നങ്ങള് തിരഞ്ഞെടുക്കുമ്പോള് സള്ഫേറ്റ് ഇല്ലാത്തവ തിരഞ്ഞെടുക്കുക. ഇതിനുപുറമെ, സ്ട്രെയിറ്റനര്, കേളിംഗ് അയേണുകള് തുടങ്ങിയ ഹീറ്റ് സ്റ്റൈലിംഗ് ടൂളുകളുടെ ഉപയോഗം പരിമിതപ്പെടുത്തുക. മുടി ചീകാന് പ്ലാസ്റ്റിക് ചീപ്പിന് പകരം മരത്തിന്റെ തടി കൊണ്ടുള്ള ചീപ്പ് ഉപയോഗിക്കുക. ഇത് മുടിയുടെ പോഷണത്തിന് സഹായിക്കും. തലയോട്ടിയിലെ എണ്ണ എല്ലായിടത്തും എത്തിക്കാനും സഹായിക്കും.
ഓര്ക്കുക മുടികൊഴിച്ചില് നിയന്ത്രിക്കുന്നത് ക്രമാനുഗതവും നിരന്തരവുമായ ഒരു പ്രക്രിയയാണ്. എന്നിരുന്നാലും മുകളില് പഞ്ഞ ശീലങ്ങള് ഒരു നിശ്ചിത സമയത്തിനുള്ളില് ഫലപ്രദമായ ഫലങ്ങള് കാണിക്കും. ഇതിനിടയിലും ഒരാള്ക്ക് ഗുരുതരമായതും നീണ്ടുനില്ക്കുന്നതുമായ മുടികൊഴിച്ചില് പ്രശ്നം അനുഭവപ്പെടുന്നുണ്ടെങ്കില്അവര് ഒരു ഡെര്മറ്റോളജിസ്റ്റിനെയോ വിദഗ്ധനേയോ സമീപിക്കേണ്ടതാണ്.
Click it and Unblock the Notifications
Sign in with Google