മുടി കൊഴിച്ചിലാണോ നിങ്ങള് നേരിടുന്ന പ്രശ്നം: എങ്കില് പരിഹാരം ഇതാ, ഈ 9 കാര്യങ്ങള് ശ്രദ്ധിക്കൂ
മുടികൊഴിച്ചിൽ ഇന്ന് പലരും നേരിടുന്ന ഒരു സാധാരണ പ്രശ്നമായി മാറിയിരിക്കുകയാണ്. കൊച്ചുകുട്ടികളില് മുതൽ പ്രായമായവരില് വരെ മുടികൊഴിച്ചില് കണ്ടു വരുന്നു. ജനിതകപരമായ ഘടകങ്ങള് മുതല് കുളിക്കുന്ന വെള്ളത്തിന്റെ മാറ്റം വരെയുള്ള വിവിധ കാരണങ്ങള് മുടി കൊഴിച്ചിലിന് ഇടയാക്കും. പലരും ഈ പ്രശ്നത്തിന് പരിഹാരമായി വലിയ തോതില് പൈസ ചിലവഴിക്കുന്നുമുണ്ട്. എന്നാല് വീട്ടിലിരുന്ന് കൊണ്ട് തന്നെ, അധികം പൈസ ചിലവഴിക്കാതെ മുടി കൊഴിച്ചില് പ്രശ്നം പരിഹരിക്കാവുന്നതാണ്. അത്തരം ചില മാർഗ്ഗങ്ങളാണ് ഇവിടെ സൂചിപ്പിക്കുന്നത്.
ആരോഗ്യകരമായ ഭക്ഷണ ശീലം
വിറ്റാമിനുകൾ (എ, ബി, സി, ഡി, ഇ), ധാതുക്കൾ (അയേണ്, സിങ്ക്, സെലിനിയം), പ്രോട്ടീനുകൾ തുടങ്ങിയ അവശ്യ പോഷകങ്ങൾ നിങ്ങളുടെ ഭക്ഷണത്തിൽ ഉണ്ടെന്ന് ഉറപ്പാക്കുക. ആരോഗ്യമുള്ള മുടി വളർച്ചയെ സഹായിക്കുന്നതിന് വിവിധതരം പഴങ്ങൾ, പച്ചക്കറികൾ, മാംസം, ധാന്യങ്ങൾ എന്നിവ കൃത്യമായ അളവില് ശരീരത്തില് എത്തുന്നുണ്ടെന്ന് ഉറപ്പാക്കണം.
അമിതമായ ഹീറ്റിങും സ്റ്റൈലിംഗും ഒഴിവാക്കുക
സ്ട്രെയ്റ്റനറുകൾ, കേളിംഗ് അയണുകൾ, ഹെയർ ഡ്രയർ എന്നിവ പോലുള്ള ചൂടുള്ള സ്റ്റൈലിംഗ് ടൂളുകളുടെ പതിവ് ഉപയോഗം നിങ്ങളുടെ മുടിക്ക് കേടുവരുത്തുകയും മുടി കൊഴിച്ചിലിന് കാരണമാവുകയും ചെയ്യും. അതുകൊണ്ട് തന്നെ ഇത്തരം ഉപകരണങ്ങളുടെ ഉപയോഗം കുറയ്ക്കുക. മൃദുവായ സ്റ്റൈലിംഗ് ടെക്നിക്കുകൾ തിരഞ്ഞെടുക്കുന്നാണ് എല്ലാഴ്പ്പോവും നല്ലത്.
നനഞ്ഞ മുടി ശ്രദ്ധയോടെ കൈകാര്യം ചെയ്യുക
നനഞ്ഞ മുടിക്ക് കേടുപാടുകൾ സംഭവിക്കാനുള്ള സാധ്യത കൂടുതലാണ്, അതിനാൽ ചീകുമ്പോഴോ ബ്രഷ് ചെയ്യുമ്പോഴോ മൃദുവായി മാത്രം ചെയ്യുക. വീതിയുള്ള പല്ലുള്ള ചീപ്പ് അല്ലെങ്കിൽ സോഫ്റ്റ് ബ്രഷ് ഉപയോഗിക്കുക. മുടി നന്നായി ഉണങ്ങിയതിന് ശേഷം മാത്രാമായിരിക്കണം മുടി ചീകി ഒതുക്കേണ്ടത്.
ഹെയർസ്റ്റൈലുകൾ ഒഴിവാക്കുക
പോണിടെയിലുകൾ, ബ്രെയ്ഡുകൾ, ബൺസ് അല്ലെങ്കിൽ കോൺറോസ് പോലെ മുടി ഇറുകി പിടിക്കുന്ന ഹെയർസ്റ്റൈലുകൾ മുടി പൊട്ടുന്നതിനും ട്രാക്ഷൻ അലോപ്പീസിയയ്ക്കും കാരണമാകും. മുടിയെ വലിയ ആയാസം നല്കാത്ത രീതിയിലുള്ള അയഞ്ഞ ഹെയർസ്റ്റൈലുകൾ തിരഞ്ഞെടുക്കുക.
കെമിക്കലുകളുടെ ഉപയോഗം
ഡൈകൾ, റിലാക്സറുകൾ , പെർമുകൾ തുടങ്ങിയ കഠിനമായ കെമിക്കല് ട്രീറ്റ്മെറ്റുകളുടെ പതിവായി പ്രയോഗിക്കുന്നത് മുടിയെ ദുർബലപ്പെടുത്തുകയും കേടുപാടുകൾ വരുത്തുകയും ചെയ്യും. ഇത്തരം ട്രീറ്റ്മെറ്റുകളുടെ ഉപയോഗം കുറയ്ക്കാൻ ശ്രമിക്കുക അല്ലെങ്കിൽ സുരക്ഷിതമായ ബദലുകൾക്കായി ഒരു പ്രൊഫഷണൽ സ്റ്റൈലിസ്റ്റുമായി ബന്ധപ്പെടുക.
സൂര്യനിൽ നിന്ന് സംരക്ഷണം
സൂര്യന്റെ അൾട്രാവയലറ്റ് രശ്മികള് മുടിയിലേക്ക് നേരിട്ട് പതിക്കുന്നത് നിങ്ങളുടെ മുടിയെ ദുർബലപ്പെടുത്തുകയും മുടി പൊട്ടുന്നതിലേക്ക് നയിക്കുകയും ചെയ്യും. അതുകൊണ്ട് തന്നെ ദീർഘനേരത്തേക്ക് പുറത്ത് പോകുമ്പോഴെല്ലാം, തൊപ്പി ധരിക്കുന്നത് നല്ലതാണ്.
അധിക നേരം കഴുകരുത്
നിങ്ങളുടെ മുടി അമിതമായി കഴുകുന്നത് അതിന്റെ സ്വാഭാവിക എണ്ണകൾ നീക്കം ചെയ്യുകയും വരണ്ടതാക്കുകയും ചെയ്യും. നിങ്ങളുടെ മുടിയുടെ തരവും തലയോട്ടിയുടെ അവസ്ഥയും അനുസരിച്ച് തല കഴുകുകയാണ് വേണ്ടത്.
സമ്മർദ്ദം നിയന്ത്രിക്കുക
ഉയർന്ന സമ്മർദ്ദം മുടി കൊഴിച്ചിലിന് കാരണമാകും. വ്യായാമം, ധ്യാനം, യോഗ, അല്ലെങ്കിൽ വിശ്രമിക്കാനും മനമാധാനം കണ്ടെത്താനും സഹായിക്കുന്ന ഹോബികൾ പോലുള്ളവ കണ്ടെത്തുക.
ഹെൽത്ത് കെയർ പ്രൊഫഷണലിന്റെ സേവനം
നിങ്ങൾക്ക് മുടികൊഴിച്ചിൽ അനുഭവപ്പെടുന്നുണ്ടെങ്കിൽ, ഒരു ഡെർമറ്റോളജിസ്റ്റിനെയോ ഹെൽത്ത് കെയർ പ്രൊഫഷണലിനെയോ സമീപിക്കുന്നത് നല്ലതാണ്. നിങ്ങളുടെ മുടി കൊഴിച്ചിലിന്റെ അടിസ്ഥാന കാരണം തിരിച്ചറിയാനും ഉചിതമായ ചികിത്സ ഓപ്ഷനുകൾ നൽകാനും അവർക്ക് കഴിയും.
Click it and Unblock the Notifications
Sign in with Google