മുടികൊഴിച്ചില് എന്നന്നേക്കുമായി അവസാനിപ്പിക്കാം; നിങ്ങളുടെ ഭക്ഷണം ഇങ്ങനെയാക്കി നോക്കൂ
മുടി കൊഴിച്ചില് ഇന്നത്തെ കാലത്ത് എല്ലാവരേയും അലട്ടുന്ന ഒരു സാധാരണ പ്രശ്നമാണ്. മുടി കൊഴിച്ചില് നിര്ത്താന് വിപണിയില് പലതരത്തിലുള്ള ഉല്പ്പന്നങ്ങള് ഉണ്ട്. എന്നാല് ഇതൊന്നും പലരിലും ഫലപ്രദമാകാറില്ല. അതിന് പ്രധാന കാരണം നിങ്ങളുടെ ഭക്ഷണക്രമമായിരിക്കും. നിങ്ങള് ശരിയായ ഭക്ഷണം കഴിക്കുന്നില്ലെങ്കില് ഏറ്റവും മികച്ച മുടി സംരക്ഷണ പ്രതിവിധി പോലും ഫലം ചെയ്യണമെന്നില്ല.
കാരണം ഇത് നിങ്ങളുടെ പോഷകാഹാര ഘടകവുമായി ബന്ധപ്പെട്ടിരിക്കുന്നു. തലയോട്ടിയിലെ പ്രശ്നങ്ങള്, ഈര്പ്പം, അമിതമായ വിയര്പ്പ് തുടങ്ങി നിരവധി കാരണങ്ങളാല് മുടി കൊഴിച്ചില് ഉണ്ടാകാം. എങ്കിലും നിങ്ങളുടെ ശരീരത്തിന് നഷ്ടമായ ചില പോഷകങ്ങള് നല്കുന്നതിലൂടെ മാത്രമേ ഇത് നിയന്ത്രിക്കാന് കഴിയൂ. നിങ്ങളുടെ ഭക്ഷണക്രമം ശരിയല്ലെങ്കില് ടെലോജന് എഫ്ലുവിയം എന്ന പ്രശ്നമുണ്ടാകാം.
ഈ പ്രശ്നം വളരെ സാധാരണമാണ്. മുടി കൊഴിച്ചില് അതിന്റെ പ്രധാന ലക്ഷണങ്ങളില് ഒന്നാണ്. എന്നാല് നിങ്ങളുടെ ഭക്ഷണത്തില് കുറച്ച് വിറ്റാമിനുകള് ഉള്പ്പെടുത്തിയാല് ഇത് മാറ്റിയെടുക്കാം. അതിനാല് നിങ്ങളുടെ ഭക്ഷണത്തില് നിര്ബന്ധമായും ഉള്പ്പെടുത്തേണ്ട വിറ്റാമിനുകള് ഏതൊക്കെയാണ് എന്നും അത് എങ്ങനെ ലഭ്യമാക്കാം എന്നും നമുക്ക് നോക്കാം.
വിറ്റാമിന് എ
ഹെയര് ബ്രഷിന്റെ ഒരു സ്ട്രോക്ക് കൊണ്ട് നിങ്ങളുടെ മുടി പൊട്ടുന്നു എങ്കില് നിങ്ങളുടെ ഭക്ഷണത്തില് വിറ്റാമിന് എ ഉള്പ്പെടുത്തണം. വിറ്റാമിന് എ നിങ്ങളുടെ തലയോട്ടിയില് സെബം ഉത്പാദിപ്പിക്കും. ഇത് ഈര്പ്പം തടയുകയും മുടിയുടെ വളര്ച്ച വര്ധിപ്പിക്കുന്നതിന് പോഷിപ്പിക്കുകയും ചെയ്യുന്നു. ചീര, കാരറ്റ്, തക്കാളി, മധുരക്കിഴങ്ങ്, പാല്, മുട്ട, മാങ്ങ, പപ്പായ, തണ്ണിമത്തന് എന്നിവ കഴിക്കുന്നത് വഴി വിറ്റാമിന് എ ലഭിക്കും.
ബയോട്ടിന്
കട്ടി കുറഞ്ഞ മുടി എന്നത് ദുര്ബലമായ മുടിയെ ആണ് സൂചിപ്പിക്കുന്നത്. ദുര്ബലമായ മുടിയാണ് മുടി കൊഴിച്ചിലിലേക്ക് നയിക്കുന്നത്. ബയോട്ടിന് അല്ലെങ്കില് ബി വിറ്റാമിന് നിങ്ങളുടെ മുടിയുടെ കരുത്തിന്റെ കാര്യത്തില് മികച്ച വിറ്റാമിനുകളില് ഒന്നാണ്. നിങ്ങള്ക്ക് ബയോട്ടിന് കുറവായിരിക്കുമ്പോള്, നിങ്ങളുടെ ശരീരത്തിന് ആവശ്യമായ ചുവന്ന രക്താണുക്കള് സൃഷ്ടിക്കാന് കഴിയില്ല.
അതിനാല് നിങ്ങളുടെ തലയോട്ടിയിലൂടെ ഓക്സിജന് കുറയുന്നു. ഇക്കാരണത്താല്, നിങ്ങളുടെ തലയോട്ടിക്ക് ശരിയായ പോഷണം ലഭിക്കാതെ വരികയും മുടി കൊഴിച്ചില് അനുഭവപ്പെടുകയും ചെയ്യുന്നു. ഡെര്മറ്റോളജി ആന്ഡ് തെറാപ്പി ജേണലില് പ്രസിദ്ധീകരിച്ച ഒരു പഠനമനുസരിച്ച് ബയോട്ടിന് കുറവ് മൂലമുള്ള മുടികൊഴിച്ചില് അലോപ്പീസിയയ്ക്കും കാരണമാകും. മുട്ടയുടെ മഞ്ഞക്കരു, ബദാം, നിലക്കടല, വാല്നട്ട്, പാല്, ചീസ്, തൈര് എന്നിവയാണ് ബയോട്ടിന്റെ മികച്ച ഉറവിടങ്ങള്.
വിറ്റാമിന് സി
വിറ്റാമിന് സി നിങ്ങളുടെ മൊത്തത്തിലുള്ള പ്രതിരോധശേഷി വര്ധിപ്പിക്കുക മാത്രമല്ല, മുടിയുടെ വളര്ച്ചയെ തടസപ്പെടുത്തുന്ന ഫ്രീ റാഡിക്കലുകളെ നിയന്ത്രിക്കുകയും ചെയ്യുന്നു. വിറ്റാമിന് സി ധാരാളമായി അടങ്ങിയ ഭക്ഷണം നിങ്ങള് കഴിക്കുകയാണെങ്കില് ഇതിലെ ആന്റിഓക്സിഡന്റുകള് തലയോട്ടിയിലെ പ്രശ്നങ്ങളെ അകറ്റി നിര്ത്തുകയും ഫ്രീ റാഡിക്കലുകളെ ഇല്ലാതാക്കുകയും മുടി കൊഴിച്ചില് കുറയ്ക്കുകയും ചെയ്യും.
കൊളാജന് നിങ്ങളുടെ മുടിയുടെ ഘടനയുടെ ഒരു പ്രധാന ഭാഗമാണ്, എന്നാല് നിങ്ങള്ക്ക് വിറ്റാമിന് സി ഇല്ലെങ്കില് ഇത് നിങ്ങളുടെ ശരീരത്തിന് സൃഷ്ടിക്കാന് കഴിയില്ല. അതിനാല്, നിങ്ങള് ആവശ്യത്തിന് വിറ്റാമിന് സി കഴിക്കുന്നുണ്ടെന്ന് ഉറപ്പാക്കേണ്ടതുണ്ട്. ഓറഞ്ച്, മധുരനാരങ്ങ, നെല്ലിക്ക, സ്ട്രോബെറി തുടങ്ങിയ സിട്രസ് പഴങ്ങള് ആണ് വിറ്റാമിന് സിയുടെ മികച്ച ഉറവിടങ്ങള്.
വിറ്റാമിന് ഡി
വിറ്റാമിന് ഡിയുടെ കുറവ് അലോപ്പീസിയയ്ക്ക് കാരണമാകും. ഇന്റര്നാഷണല് ജേണല് ഓഫ് മോളിക്യുലാര് സയന്സസില് പ്രസിദ്ധീകരിച്ച ഒരു പഠനമനുസരിച്ച്, പുതിയ രോമകൂപങ്ങളുടെ രൂപീകരണത്തിന് വിറ്റാമിന് ഡി റിസപ്റ്ററുകള് സഹായിക്കുന്നു, ഇത് പുതിയ മുടിയിഴകളുടെ വളര്ച്ചയിലേക്ക് നയിക്കുന്നു. ഇതുമൂലം, കഷണ്ടി പാച്ച് മുടി വളര്ച്ച പുനരാരംഭിക്കുന്നു. മുട്ടയുടെ മഞ്ഞക്കരു, മത്സ്യം (സാല്മണ്), കൂണ്, ഓട്സ്, സോയ പാല്, ടോഫു എന്നിവയാണ് വിറ്റാമിന് ഡിയുടെ മികച്ച ഉറവിടങ്ങള്.
വിറ്റാമിന് ഇ
വിറ്റാമിന് ഇ, വിറ്റാമിന് സി പോലെ തന്നെ പ്രവര്ത്തിക്കുന്നു. ഇത് ആന്റിഓക്സിഡന്റുകളാല് സമ്പുഷ്ടമാണ്. ഇത് ഓക്സിഡേറ്റീവ് സമ്മര്ദ്ദവും മുടി കൊഴിച്ചിലും കുറയ്ക്കാന് സഹായിക്കുന്നു. ചീര, ബ്രോക്കോളി, ബദാം, ഹസല്നട്ട്, നിലക്കടല, ഗോതമ്പ് ജേം ഓയില്, മാമ്പഴം, കിവി എന്നിവയാണ് വിറ്റാമിന് ഇയുടെ മികച്ച ഉറവിടങ്ങള്.
Click it and Unblock the Notifications
Sign in with Google